Sunday, December 30, 2007

انا و فستوكة و الفلسفة اليونانية و سنة رايحة و سنة جاية

فستوكة مرهقة .. معرفش من ايه .. او شكلها بتحب على نفسها

فستوكة و هي محتلة سريرى .. انا مبحبش حد ينام جنبي بس اقول ايه .. شريعة الغاب

تشريحيا .. ده وضع الجنين .. على فكرة البطانية ده محدش يقدر يجيي جنيها .. خلاص تحت حراسة فستوكة



فستوكة الهانم .. كانت بتتنهد و هي بتسمع اغنية .. تقريبا بتبحث عن عريس




بعد مدة من قراءة فلسفة افلاطون ... مستحملتلش الغلبانة




بتقرأ حتى اخر سطر .. عندها ضمير صاحي مش زى صاحبتها






بتفكر اكيد فى كلام افلاطون و طبيعة النفس اللى كاتب عنها





مركزة .. طبعا الساعه كانت داخلة على الفجر بس ده الوقت الوحيد اللى باقدر اذاكر فيه
العلم لا يكيل بالبتنجان صحيح








بأقنعها انى اشتغل فلسفة يونانية بدلا من فلسفة عامة و هي مقلقة مني


***********
كل سنة و انتم طيبين يا شباب
2008
على الابواب
:)
تقولش هانيبال على ابواب روما يا ناس
:)
امنياتي و قرارتى للعام الجديد
بعد
2- 1- 2008
اكون خلصت اول امتحان هو فلسفة يونانية بالمناسبة
ادعووووولى بضمير زى ضمير فستوكة
تحياتي



19 comments:

Ahmed Al-Sabbagh said...

رائع

مدونة جميلة

سعدت بإكتشاف مدونتك

كل عام وانتم بخير

وسنة سعيدة

تحياتى

Anonymous said...

يا ستي
ربنا يخليلك فستوكة
ويريح البشرية من فلسفتك اليونانية
كل عام وانتي بخير

Anonymous said...

ههههههههه القطة شكلها حلو ماشاء الله
مع انى بكره القطط كره العمى

لاوباين عليها مثقفة اكيد طبعا لازم تكون مثقفة
وربنا يوفقك فى الامتحانات

تحياتى ليكى

Maha said...

يا ربي على الجمااال

أمورة جدا ما شاء الله .. القطة طبعا :D

:)

تسلفيهانيش يومين كده

كراكيب نـهـى مـحمود said...

كل سنة وانتي طيبة وفستوكه بخير

Anonymous said...

فستوكة الهانم .. كانت بتتنهد و هي بتسمع اغنية .. تقريبا بتبحث عن عريس

تجوزيها شحيبركلبنا الأثير؟
:D
بس خلى بالك

بيقول: "عشان اوافق اتجوز فستوكة

لازم أبو شحيبر يتجوز أم فستوكة منعا للصراعات المستقبلية

كلاب اخر زمن
:D

اعتبرى شحيبر ابنكم ووافقى

&
DON'T BREAK FOUSTKA'S HEART

hAPPY NEw YeAr!

aND good luck in ur examz

take care!
:)
my best regards;

ايمو said...

رائع جدا افكارك
وقطه جميله جدا ممكن تسلفيهاني
وادعوكي لزيارة مدونتي المتواضعه

abderrahman said...

تحياتي لك ولفسكوتة
Happy New year
:)

Ma 3lina said...

لا لا فستوكة مطلعتش امورة زى ما انا متخيلاها

انسى باه انى اجوزها لى ليو :p

ربنا معاكى فى الفلسفة

happy new yeaaaaaaaaaar :)))

Anonymous said...

2- 1- 2008)
اكون خلصت اول امتحان هو فلسفة يونانية بالمناسبة)

هو أنتى مش انتساب ؟ يعنى مفروض أول امتحان ليكى يوم 5-1 مش 2-1 ولا ايه !؟

الطائر الحزين said...

وفقك الله

Dets said...

ربنا يوفقك (( دي دعوة بضمير احسن من ضمير فستوكة هانم ))
اسعدني التواجد في هذة المدونة كثيرا كل سنة وانتي واحنا والبشرية كلها بخير

Anonymous said...

هههه..ديه قطة بلدي
اوعي تكوني فاكراني باتتريق
انا بشجع المنتجات الوطنية
على فكرة..ا
انا كمان القطة بتاعتي بلدي
بس احنا مخبين عليها انها بلدي
مفهمينها انها شيراز
ومسمينها بوسي
ومش بخليها تقرأ الحجات الغريبة دية
علشان متبوظش تفكيرها
المهم كل سنة والقطة بخير

إيمــــان ســعد said...

احمد الصباغ

شكرا على مرورك

:)

و سنة سعيدة لك ايضا

تحياتي

*********

العزيز المجهول


مش عارفه ليه حاسة انك بتدعي ربنا يخلى فستوكة و ياخدني بالفلسفة اليونانية

عموما ان بعض الظن اثم

:)

هابي نيو يير

**********


طاشر الحرية

انا كمان مكنتش بحب القطط اوي

بس فستوكة مش اى قطة

:)

على فكرة بقه بتحب تلعب بالمياه كمان

و اكيد لازم تبقى مثقفة

:)

مش اختيار

جزاكم الله خيرا على الدعاي

تحياتي

إيمــــان ســعد said...

مها العزيزة

:)

موافقة بس لو الموضوع داخل مصر يبقى اليوم ب 5 جنيه

لو فى الكويت ح يبقى بالدولار

:)

انتى تامرى

تحياتي

**********

نهى محمود

و انتى طيبة و كل القطط و الحيوانات و الشعوب العربية و الاجنبية بخير

:)


************

Maha said...

دولار !!!!

مين البتاع ده ؟

شامبو جديد ^_-

A long distance said...

فستوووووكه
فكرتيني بتوته
قطه حلوه زي قطتك
ههههههههه

Anonymous said...

كل سنة وانتى طيبه ياست ايمان
وفستوكة طيبه
معلش قلتها متاخر شويه
وربنا معاكى فى امتحانات الفلسفعه
بتاعتك ده
وعندى اقتراح
خلى فستوكة تخش بدالك الامتحان
وربنا معاكى ان شاء الله

Soooo said...

عسوله قوي فستوكه دي
وتعليقاتك على كل صورة هايله قوي



اول مره اجي هنا .. لكن مش هتكون الاخيره



سلامووووووووووووز