Wednesday, February 28, 2007

في مصر.. الدين لله و السجن للجميع

قول معايا قول بجد
هيه عيشة ولا موتة ولا فوتة ف حارة سد
قول لحد .. أي حد
حد رايح .. حد غايب
حد جاي
حد لسه فينا فايق
حد حي
قول يا عم .. قول يا هم
قول لحد لسه فينا عنده دم
قول معايا صوتي لسه ما انتهاش ليه بنرخص
.. ليه بنرضى نبيع بلاش
قول يا عم .. قول يا هم
قول لحد لسه فينا عنده دم
هيه عيشة ولا موتة ولا فوتة ف حارة سد
وجيه عزيز
و لا تعليق

Saturday, February 24, 2007

حين تذهب الى حيث لا يذهب الآخرون


قبل أي شئ
أريد أن اعتذر
للاصدقاء الذين مروا على مدونتي و تركوا تعليقاتهم
لم استطع الرد عليهم
و لم استطع متابعة مدوناتى المفضلة منذ فترة
فعذرا .. إن كنت في حالة
فقط احتاج الى أن اتكلم
بدون ان اناقش
أو أسمع
حتى صدى صوتي
أصبح سماعه عبئا ثقيلا
***
اليوم السبت هو خطوبة أخي
الكل سعيد و الحمد لله
و أنا كذلك أشعر ببعض البهجة
و لكني لا استطيع التفاعل مع تلك الضحكات حقا
حتى اننى اجد المشوار الى بيت خطيبته
و الحاجة الى رسم
تلك الابتسامه العقيمة
مطلب مستفز
أريد ان اسافر بمفردي الى أى مكان
حيث البحر و الهواء و الوحدة
يجعلونني افضل غالبا
أريد ان اغسل همومي
و أطهر روحي
رجاء لا تنعتوني بالكئيبة
فانا على الطبيعة مرحة للغاية
لدرجة مفزعة
و لكني أزيل هنا القناع الذي يجثم على صدري
فلا تتفاجئوا بأي شئ أقوله
أريد ان انخرط بالعمل كي انسى أى شئ و كل شئ
و لكن حالتى الصحية في تدهور مستمر
فلا استطيع
في حجرتي الخاصة في مكان عملي
كثيرا ما أسرح بعيدا
أتخيل ماذا سيحدث لي بعد عدة سنوات
أضع الاحتمالات ثم ابعثرها ساخرة
فكم من احتمال و خطة قد وضعت في الماضي
لأفاجئ بأن ترتيبات القدر كانت تحمل لي في طياتها
أقدار أخري
و لربما فرت دموعي رغما عن ارادتي
لأجدها تتساقط على سطح المكتب
و صوت الطرقات على الباب
يجعلني انتفض
أرسم علامات التركيز و أعقد حاجبي
مع ابتسامه باهته
لأرد على الشخص الدخيل
لا بأس .. لن أعترض
هناك فقط من يجعل المرء أكثر اقبالا على الحياة
و هذا ما أفتقده هذه الفترة
رجاءا لا اريد النصائح التي اسمعها للاخرين
و لا أريد كتب التنمية البشرية التي كانت همي الشاغل منذ فترة
كل منا في حد ذاته حالة خاصة جدا
قد يخضع للمعايير العمومية أو لا
و المشاعر في حد ذاتها
و تلاقي الأرواح
لا يخضع كثيرا للمنطق
و صوت العقل الذي مللت منه
و الكلمات الجوفاء التي فقدت كثير من معانيها عندي
و الحياة التي لا ترحم احدا
و الضمائر المعدومة
و
و
و
فقط سوف أحتسب
***
تحياتي

Tuesday, February 20, 2007

عــاشقة الممحاة

عاشقة الممحاة

أقضي ليلي وأنا أكتب إليك رسائل حب

ثم أقضي نهاري التالي

وأنا أمحو كل كلمة على حدة

فعيناك بوصلتان ذهبيتنان

تشيران دوماً صوب ... بحار الفراق
*****
أشهد برجل ليس لي

ألعن تلك اللحظة المباركة

حين اصطدم مركبي بجزيرتك

و تحطم

و أسعده حطامه

و عشق شطآنك

***
ألعن تلك اللحظة المباركة

و أنا أهرول كعادتي

في دروب مدينة ليست لي

لأحلم برجل ليس لي
*******
القصيدتان لغــادة السمّـــان

بقيت بطالة مقنعة يا شباب


سلام عليكم .. هو انا مبقتش طايقة أدخل البلوج.. مش عارفة ليه.. حتى مفروض أعدل الحاجات المكتوبة باللغة المسمارية فيها لكن منفضة تماما.. خليها كده لحد ما افوق لها
سبق و قلت أن الفترة اللى فاتت غيرت الصيدلية اللى كنت باشتغل فيها .. غير انى اشتغلت فى جرنال لفترة و بعدين الوضع معجبنيش و خصوصا لما لاقيت أن المرتب ح يبقى فى الارض.. أن ممكن ابقى شعيدة الكلمة .. بس مش دلوقتي يعنى.. لما يبقى معايا فلوس و أتحرر من سلطة رأس المال زى ما اتفقنا
المهم عرض عليا أحد الاصدقاء اللى دماغهم عالية و له علاقات في نقابة الصيادلة انى اشتغل هناك و امسك تحرير موقع النقابة بمرتب كويس ده غير اني ح اشارك فى تحرير مجلة النقابة برضه و ده بقه تمام.. و لو حبيت اظبط فى اي صيدلية نايت شفيت مفيش مشكلة
طيب كده تظبيط و الله .. المهم الاصدقاء المقربين قالولى .. النقابة ده بؤرة تجمع اخواني .. و انتى كتير بتصتدمي بالاخوان فبلاش ح تبقى زى البقعة السوداء فى الثوب الابيض.. بس هم الاذكياء مش عارفين انى مش باشد مع الاخوان لمجرد انهم اخوان .. ما انا اتعاملت مع تقريبا كل فئات البشر الفكرية و عادي جدا انا باحترم شخصية اللى قدامي ما دام لم يحاول فرض رأئه الشخصي عليا بالقوة .. يمكن انا اهم اسباب انى ساعات باحتدم مع الاخوان.. لما يستعملوا السياسية الاقصائية في فرض رأيهم.. مفيش حكاية ان اختلاف الراى لا يفسد للود قضية عند كتير منهم
المهم .. طبعا نفضت لكلام اصحابي.. على الاقل لما الاذان بيأذن بيقوموا كلهم يصلوا .. مرة حصلت انى كنت في الجرنال و سالت فين مكان الصلاة .. اتريقوا عليا
بس الشهادة لله اللى اتعاملت معاهم في النقابة و كلهم رجال على فكرة .. دماغهم كويسة يعنى.. انا مش اتناقشت معاهم في حجاة بره حدود الشغل الا يمكن الدكتور اللى عرفني عليهم .. ده من الاخوان المنفتحين فكريا
جيت بقه عشان استلم الشغل يوم الاحد اللى فات .. ان مش عارفة ح اقعد فين و لا حتى عنوان السايت.. مش مشكلة هو اول يوم كده دايما ملخبط.. المهم دخلت اقابل الامين العام اللى عمل معايا الانتر فيو اول مرة .. كنت ح أشد معاه. . حسيت انه بيغير كلامه و كل ما اقوله وضخلى طبيعة شغلى بالظبط يقولى كلام كده الواحد ميفهمش منه حاجة.. من ضمن اهم الاسباب اللى خربت المصالح الحكومية فى مصر ان مفيش لكل واحد شغلانة محددة
أكمل بعدين عشان أخيرا لاقيت حاجة اعملها
سلام

Thursday, February 15, 2007

و يظل يمضي كل منا في طريق

عجبت وقد ودعته كيف لم أمت * وكيف انثنت بعد الوداع يديّ
*******

ألاقيك
فأحصي اللحظات
و أرجو الزمن العجولا
أن يتمهل
ريثما تنفذ منا الكلمات
لكنه يسخر هاتفا
سيطول انتظاري
لتشيب مني السنوات
******
و حين أفترقنا
حادثت نفسي
بأنك غدا
ستأتيني متسربلا
بألوان طيفي
و غدا تعطرك أنفاسي
ليستحيل البرد لنهار صيف
و غدا تروي عني
رعشة اليدين
و حمرة الوجنتين
و لهفة العينين
مدى أشتياقي
و غربتي أيام الفراق

****
ما بيننا لن نمزقه
بأن نفترق
ما بيننا ما كان يوما
لهيب تركنا
في طياته نحترق
ما بيننا كان رمزا
كان حبا
و يظل نهرا يفيض
كل يوم
و نحن فيه ننطلق

*****
*
*
*

Wednesday, February 14, 2007

عدنــــا


السلام عليكم جميعا
طبعا عارفة ان كتير اهدروا دمي من زمان
بس و الله الراوتر كان ضرب و لسه جايبين واحد جديد
و كان عندي انفلونزا شديدة عن كل مرة
و اخيرا كنت فى دوامة كل شوية باجرب شغل جديد
لحد ما مخي أترحمت عليه
المهم بقه
طبعا كنت عايزة اكتب لكم بوست فيه ملخص الفترة اللى فاتت
عشان تبقوا معايا على الخط
بس المؤذية صحبتى العزيزة ما علينا
عملتلى tagged
و طبعا ح اجاوب على اسئلتها و رجلى فوق رقبتى
****
عايزة خمس حاجات مش يعرفها حد عني
مممم
طيب أولا : اكتر اغنية أثرت فيا الفترة اللى فاتت
اغنية لغادة رجب أسمها : أوقات بحن
ثانيا : مفتقدة لعبة صغيرة بتاعتي اسمها زغلول جداا
و نفسي أعرف اخبارها ايه
ثالثا : أعشق الورود الزرقاء
رابعا : أكتر كتب غيرت حاجات كتير فيا
هو قضايا المراة للغزالي يرحمه الله
و العادات السبعه للاشخاص الاكثر فعالية لستيفن كوفي
و الخيميائي لباولو كويلو
و عن الحرية لجون ستيوارت
خامسا : أكثر دعاء باحبه
ربي إني لما أنزلت الي من خير فقير
و عملت الاختبار بتاع الشخصية ده قبل كده و طلعت
INTJ
*********
كفاية كده عليا عشان لازم انام عشان اصحي للصيدلية
و نكمل بعدين
في رعاية الله جميعا