Wednesday, August 29, 2007

تــــــاجين في واحد


تحديث
هذا البوست أصبح يحتوي على تاجين
دعونا نعمل بمبدأ
اتنين في واحد
****
ده تاج جاللى من شخصيتين عزيزتين

الاول : جادو

الثانية : قبس من نور


****


يعنى لا مفر من اجابته

و لو كنت من هواة نظرية المؤامرة كنت قلت ان الموضوع ده كده مش طبيعي

بس يلا

و ماله برضه نجاوب أهو ممكن نكتشف حاجة جديدة


****

**

*


اسم مدونتك ؟


ح نبدأها أسئلة مستفزة

بس ما علينا نعتبر نظرالناس ضعف بزيادة

التهمة مصرية

كانت زمان بنت سعد بس تم عمل نيو لوك من فترة


***


لماذا أخترته و النية من اختياره ؟


كنت مرة باقرا قصيدة لمطر

بيتكلم فيها عن العروبة

فجت في بالى الجملة ده

بس تحديدا على مصر

فعلا اوقات بأحس انها عقوبة مش مجرد جنسية و انتماء

أو على الاقل متهمين لاننا مصريين


***


هل فكرت في اغلاق مدونتك ؟ و لماذا؟


آه فكرت كذا مرة

و ليه لأنى اوقات حسيت ان الكلام فقد اهميته

أو بقه مبتذل أوى

اللى نقوله نعيده

و اللى نعيده نزيده

و لا زلنا نلعق الصبر


***


صورتك في المدونة؟ و رمزيتها ؟


صورتي اللى هيا مش ظاهرة حاليا معرفش ليه

هي صورة اختى صورتهالى و انا قاعدة على صخرة في عجيبة بأبص للبحر


عجبتنى لأني زي ما قلت قبل كده شبه البحر في حاجات كتير


و لانى بحب المساحات المفتوحة جدا و اللون الازرق

و الصفتين دول مجتمعين

في البحر و السماء اللى هم موجودين معايا في الصورة


صورة مريحة نفسيا بالنسبة لي


***


لماذا دخلت عالم التدوين اساسا ؟


مممم كنت الاول مشتركة فى منتدى طلابي

بس اتخنقت من المشرفين

:)

و النظام الاقصائي الطافح فى المنتدى

قلت اعمل منتدى اخر انا و شلة من اصحابي و فعلا عملناه

و بقه منتدى طلابي شهير على فكرة

بس قفشت معاهم لانهم مشوا الموضوع زى المنتدى القديم

اقصاء الاراء المعارضة

و ده اكتر حاجة اكرهها في حياتي

فنفضت لهم

و بعدين احمد صديق طباوي ( في طب يعنى ) عزيز اقترح عليا اعمل مدونة

طلعت في دماغي قلت تبقى مساحة حرة أمشيها بقوانيني الخاصة

و عملتها

و اذكر ان عمرو صديقي الصغير هو كان اول واحد علمني اتعامل ازاي معاها


***


جملة قيلت في وصف مدونتك ؟


ممم محررة اسمها داليا في موقع حريتنا

كتبت عنها انها مدونة تهتم بالفكر النقدي

على خلاف الشائع في طبيعة المدونات

:)

عجبتنى الكلمة لأن خير الكلام ما قل و دل


***


التعليقات بالنسبة لك و اهميتها؟

و الله باحترم صبر الناس انهم يقرأوا و كمان يعلقوا

و باتخنق من نفسي لما مش ارد عليهم

بس اوقات مش بيكون عندي رد

لأن كل واحد عرض وجهة نظره فى الموضوع و خلاص

اهميتها

بأحس ان المدونة حية

أو تعبان مش فارقه

:)


***


أحلى بوست كتبته اذكره و ضع اللينك ؟


ده سؤال على نوعية احلى اكله اكلتها

مقدرش احكم صراحة

لان مواضيع البوستات مختلفة جدا عن بعض

فيه السياسي و الفكرى و الاجتماعي و الشخصى

بس عموما

دعونا لا نفقد الأمل

ممكن يكون بوست لسه مكتبتوش من اساسه

:)


***


أفضل مدونة قرأتها؟

برضه نوعية المدونات تختلف


مممم


ممكن اذكر امثلة هنا و ده مش معناه ان الباقي مش مفضلين

اللاستة ما شاء الله كلها ناس زى الفل

بس الاقرب الى نفسي

و الاقدم برضه زى ما انتوا عارفين القديمة تحلى و الواحد عقابل ما يتعود على اسلوب شخصية و يفهمه

بيطلع عينه

لأن فيه مدونات ناس زى الفل كتير جديدة و نفسي اتابعها كويس

بس ضيق الوقت للاسف مانعني


ما علينا

شمس الدين

بني ادم

في عمق الحياة

روبابيكيا

حفار القبور

يلا مش مهم

حائر في دنيا الله

شهروزة

سوسه المفروسة


***


أسوأ مدونة ؟


مممم

كل حاجة نسبية


مفيش حاجة اسمها سيئة 100 % او العكس


و مش معنى ان حد باختلف معاه في رأيه

بيقى اقول أنه سيئ

ممكن طريقة التعبير اذا كانت مستفزة و فيها تطاول تخنقني

:)

فولتير العزيز يقول

أنا أكره ما تقول ولكني سادافع حتى الموت عن حقك في ان تقوله


***


هيحصل ايه لمدونتك بعد ما تموت ؟


لما أموت يحلها ربنا


:)

ممكن تتقسم على الورثة


***


اديت الباسوورد لحد قبل كده ؟


اه البت مرام صاحبتي بما انها فحيته كمبيوتر عني و اوقات باكون محتاجة اظبط حاجات

و صديقين آخرين


***


ايه كانت طبيعة علاقتك به؟


انا حاسة انى فى النيابة


أصدقاء مقربين


:)


و لو تحب اقطع صلتي بيهم فورا يا باشا موافقة


عيش ندل تموت مستور


***


اسمك ؟


و ليه الاحراج ده


ايمان سعد يا فالح


***


المشهور بيه وسط اصحابك ؟


عندي اسماء شهرة كتير صراحة


اشهرها

ايمو

و ايمي

و ايمز

و ماما ايمان

و سعد

و مونّس

و مووون

و امونه


و كفاية كده لاحسن تتعقدوا

:)


***


عمرك ؟


22 سنة

و 5 شهور


:(


انا كبرت من غير ما حد ياخد رأيي في الموضوع ده


يلا خير


***


دراستك ؟


خريجة صيدلة


أما مجالى ؟


ان شاء الله البيزنس و ح تعرفوا التفاصيل قريب



***


شخصيتها نوعها ايه ؟


INTJ


ده اختصارت لكلمات





***


السفر بالنسبة لك؟



أحبه بس لمكان ميكونش حر أو الرطوبة متكونش عالية فيه

لانى باكون مش طايقة نفسي


بس بحب استكشاف الاماكن الجديدة


الفضول الذي قتل القط



***



وقت فراغك بتعمل فيه ايه ؟



يمكن اكتر 3 حاجات باعملها

أقرأ

و اكتب ارهاصات

و اتمشي في شوارع المعادي الخالية مساءا


***



الاكلة المفضلة ؟



الجبنة البيضا

:)


يعنى لازم البيت يكون جنبه سوبر ماركت او محل البان عشان مخسرش الناس



***


الصفات اللى اخدتها من بابا ؟


و الله الحاج ابويا

ممكن زمان كنت اقول العصبية

بس الحمد لله الموضوع قل عندي عن زمان جدا

بس يمكن حاليا

انى مبحبش حد يناقشني في حاجة و انا لسه داخلة من بره

خصوصا فى الصيف

تلاقيني قفشت على اى حاجة هايفة و تنشنت على حاجة عبيطة

الحر و الشمس بيشدوا اعصابي



***


الصفات اللى اخدتها من ماما ؟


ممم امى الغالية


يمكن ان ليا شعبية وسط الناس


:)


غير كده فأنا اكثر اللى اشبههم شكلا و صفاتا هي خالتى الحبيبة يرحمها الله



***


اكتر ست حاجات بتكرهها ؟


الضعف لما بيزيد عن الحد

و التواكل بسبب الكسل

و المكابرة و عدم الاعتراف بالحق

و حوارات الطرشان

و الصيف

ان حد يجبرني على حاجة اعملها و انا مش مقتنعه بها


***


اكتر ست حاجات بتحبها ؟


اللون الازرق خصوصا الازهار الزرقاء

المساحات الواسعة المفتوحة

انى اقرا كتاب بليل و الكل نايم او محدش فى البيت و معايا كوباية كاكاو

و المغامرة بمعنى

MORE RISK = MORE BENEFIT

و الثبات على المبادئ مهما كانت المغريات

و قول كلمة الحق مهما كنت مختلف مع الاخر أو كان معناها انك بتعترف بخطأك



***


الشغل بالنسبة لك ؟


اثبات الذات

و متعه

و وسيلة لغاية


***


النت بالنسبة لك ؟


كتاب و تليفزيون و راديو


:)


كل وسائل الاتصال و المعرفة و التسلية تم ضربها فى خلاط


***


تمرره لمين ؟


أى حد عايزه ياخده


يلا كله بالمجان


*****************************

التاج الثاني

ده من شخصية عزيزة برضه

سعد الشاطر

و يلا نبدأ لاحسن هو على وشك

اتهامي بالمحاباة لنظام مبارك لو مش جاوبته

***

أسمك ايه؟

ايمــــان سعد

***

لو قلتلك عرفّي نفسك ح تقولي ايه ؟

ح اقولك ليه كده يا سعد

:)

شوف من ناحية الاختبارات النفسية فأنا عملت اختبار نفسي مشهور على النت

و طلعت زى ما قلت

INTJ

و شرحت اختصارات الكلمات

ايه تانى

ممكن بكلمات مختصرة نقول

قلب و مشاعر إمرأة

و عقل متعطش للمعرفة و الفهم

و روح طفلة

و ثورة البحر

اصلي من مواليد برج الحمل يا سعد

و ده سيادتك برج ناري

يعنى أتقي شره و اوعى وشك

***

اسم مدونتك ؟

التهمة مصرية

***

أسمك غريب كده ليه ؟

زى ما قلتلك شعور القهر بانك اصبحت متهم بمجرد حملك للجنسية المصرية

أصبح لا يفارقني

و احيانا أشعرها عقوبة لي على ذنب لم ارتكبه

***

ما هو توجهك السياسي؟

ح نبدأ اسئلة مش بريئة

:)

حاليا يا سعد ممكن تقول ليبرالية من انصار حزب الجبهة الديموقراطية لكن لا انتمي اليه فعليا

يمكن قبل سنتين كنت عضوة في حزب الوسط الاسلامي

لمدة سنة بس يعني

مبقتش مقتنعه بحاجات في البرنامج بتاعه

على فكرة كنت في اعدادي صيدلية ح انضم للتيار

:)

بس تقول ايه بقه

دنياااا

***

ما رأيك في جماعة الاخوان المسلمين ؟

انسانيا فيهم الصالح و الطالح

شوف يا سعد انا يهمني الانسان قبل اى حاجة

ايا كانت اتجاهاته الفكرية

يعنى اعرف سلف و اخوان و علمانيين و شيوعين و ملاحدة لو عايز

بس الاخوان يمكن اكتر ناس اتعاملت معاهم

و اكلت معاهم عيش و جبنة و بسكويت و حاجات كتير

:)

اما سياسيا

ليا تحفظات كتير عليهم من ناحية انى مختلفة فى ايدولوجيتى الفكرية معاهم

لكن هذا لا يمنع انى احترم وجهة نظرهم

و عموما اى حد بيعمل لصالح البلد انا معاه

تختلف السبل لكن الهدف واحد يا سعد

***

ما رأيك في انشاء رابطة للمدونين المصريين ؟

قبل ما تسألنى السؤال ده

اقولك ايه اهدافها؟

و مش عايزة حاجات يوتوبية الله يكرمك يا سعد

عشان اسهل حاجة فى البلد ده الكلام

و برضه هو الحاجة الوحيدة اللى مش عليها ضرائب

:)

قوللى ايه اهدافها اقولك معاها و لا لا

***

ما رأيك في اداء المدونين المصريين بالنسبة للاخرين ؟

معقول لكن الحكومة هي اللى معندهاش دم

و الشعب برضه بقه سلبي بزيادة

أو زى ما بنقول

الضرب في الميت حرام

انا فاكرة انى رحت انا و ماك وقفة نقابة الصحفيين ايام وقائع التحرش بالفتيات

يا عم لاقيتك كل الستات اللى جنبي اجانب و كانت حاجة تكسف

هو برضه الشعب من كتر الهم

جاتله حالة ذهول و تناحة ربنا يعافينا منها

:)

اقولك احنا عايزين تنظيم سري

عشان نتلم كلنا و نتهد

***

ايه رايك في المدونات ده ؟

شوف انا ح احكم مش على الشخصيات اللى بتكتب

مبحبش نظام شخصنة الافكار يا سعد

تمام يا كبير

انا اخوان

مدونة اخبارية كويسة جدا و مجهود رائع

و ان كانت وجهة النظر الاخوانية هي الغالبة بحكم انتماء عبد المنعم محمود

*

جبهة التهييس الشعبية

نوارة نجم

مدونة تجمع بين الجانب الاخباري و الساخر و الانساني

بطريقة سلسة جدا و اسلوب رشيق

*

انسى

حلوة جدا لاى واحد عايز يتابع اخبار الاخوان في المعتقلات

زى نشرة الكترونية اخبارها طازة دايما

*

انا كده

و اروي الطويل

:)

كتابات انسانية

و سياسية بمشاعر فتاة رقيقة

تحس الانامل ترتعش و هي تكتب من فرط الاحساس بما تكتبه

*

واحد بيحب مصر

معرفوش صراحة

:)

شوف يا سعد

مجهودك جميل جدا

لكن محتاج اكتر تبين افكارك الشخصية بعيدا عن عباءة الوالد

:)

مش ضرورى ان افكارك تكون مختلفة معاه

لكن لازم انت تعبر عنها بطريقتك و اسلوبك الخاص

***

تقولي ايه لمبارك ؟

اقوله

على الباغي تدور الدوائر

***

طيب و جمال ؟

اقوله

اجري العب مع الاسد مصر مش عزبة ابوك و انت ح تورث التركة

***

لو مكنتيش مصرية كنتي تتمني جنسيتك تكون ايه ؟ و ليه؟

شوف بلد بتحترم ادمية و انسانية ناسها

انا احب مصر تكون كده

و احب البلاد اللى فيها كده

بس عموما سيبك من اكترالدول اللى بحبها

دول اوروبا

المانيا و فرنسا و سويسرا

***

لو انتي مكان مبارك لخصي ح تعملي ايه ؟

مممم

محاولة اصلاح ما فسد

بشتى الطرق الممكنة

اول حاجة

اخلى الناس تحس انها استعادت ادميتها و انسانيتها و كرامتها المسلوبة عشان يرجعوا ينتموا فعليا للبلد

مش على الورق و خلاص

***

ماذا يمثل التدوين بالنسبة لك؟

التدوين زى ما كنت بامسك الورقة و القلم و اكتب

و كان القلم اقرب اصدقائي

و كذلك التدوين

دمع القلم ممنتهيش

فاتح هاويس ع المحبرة و الهم جيش

:)

حتة من قصيدة لا اذكر مين كاتبها

***

تحب تقول ايه لأولاد واسر المعتقلين السياسين وعلي رأسهم الاخوان؟

اقولهم

الدعاء اللى كنت بادعيه في اكثر الاوقات العصيبة اللى مررت بها في حياتي

اللهم أسألك لهم صبرا جميلا عند مواطن الجزع

***

عندك استعداد تتضامني معاهم ؟

امال انا باعمل ايه حاليا

:)

صحصح كده يا سعد معايا

قولتلك هدفنا واحد

و عدو عدوي صديقي

و كلنا اعداء النظام الظالم

:)

***

أجمل بوست كتبتيه و لماذا هو ؟

انا جاوبت السؤال ده فى البوست اللى فات

مقدرش احكم على الموضوع ده

لان مواضيع البوستات مختلفة

***

أحلى مدونة دخلتيها ؟

برضه اقرب مدونات الى نفسي

كتبتها فى اجابة على البوست اللى فات

:)

ايدي وجعتني يا سعد

***

لو تدوينة مالهاش تعليقات بتعملي ايه؟

ولا حاجة لانى كتير بادخل اقرا تدوينات و مش باعلق حتى لو عجبتني

:)

بس فى التدوينة اللى بعدها باغير الموضوع اللى باتكلم فيها

منعا للملل

يعنى لو كانت تدوينة سياسية

اللى بعدها تبقى اجتماعية مثلا

:)

***

ما رأيك في فكرة التاج ؟

استاذ و رئيس قسم يا باشا

و ربنا يوفقك في اعدادي هندسة

و حذارى من تقدير جيد

:)

***

ايه رأيك في مرسل التاج ؟

:))

شخصية بتفكرني بنفسي من 6 سنين كده

بس محتاجة تحاول تبدأ تستخدم نظرة الطائر للحكم على المواضيع بطريقة اشمل يا سعد

***

تمرري التاج لمين؟

شمس الدين

كبير المتشردين

جهاد المصري

يلا مش مهم

مصر يا حتة مني

الطائر الحزين

في العمق - مكان للحرية

جادو
نسيم الشوق
***
تحياتي

Thursday, August 23, 2007

قــد كــــان لنا وطن

بعد موجات الاعتقالات الأخيرة
التي شملت كثير من الشرفاء
أيا كان انتماءاتهم السياسية
و على رأسهم الاخوان
و بعد وقائع التعذيب التي يتم فضحها يوم بعد يوم
في حق الاطفال و النساء و الشيوخ و الرجال
كل على حد سواء
و بعد كل هذا الفساد الذي فاحت رائحته النتنة
ليجعل هواء هذا البلد لا يصلح للتنفس
لا أجد أى تعليق لدي
سوى عبارة
***
نشـــــــاطركم الاحزان
*
في هذا الوطن الذي كان
***




ها أنذا أتكلم من قفلي
من أقفل بالوجد وضاع على أرصفة الشارع سيفهمني
من كان مخيم يقرأ فيه القرآن
بهذا المبغى العربي سيفهمني
من لم يتقاعد كي يتفرغ للهو
سيفهم أي طقوس للسرية في لغتي
وسيعرف كل الأرقام.. وكل الشهداء.. وكل الأسماء
وطني علمني ان أقرأ كل الأشياء
وطني علمني أن حروف التاريخ مزورة
حين تكون بدون دماء
وطني علمني ان التاريخ البشري
بدون الحب
عويلاً ونكاحاً في الصحراء
يا وطني هل أنت بلاد الأعداء؟
هل أنت بقية داحس والغبراء؟
وطني أنقذني من رائحة الجوع البشري
مخيف
أنقذني من مدن يصبح فيها الناس
مداخن للخوف وللزبل
مخيس
من مدن ترقد في الماء الآسن
كالجاموس الوطني
وتجتر الجيف
أنقذني كضريح نبي مسروق
في هذي الساعة في وطني تجتمع الأشعار
كشعب النار
وترضع في غفوات البر صغار النوق
يا وطني المعروض كنجمة صبح في السوق



تعالوا نتحاكم أمام الصحراء العربية
كي تحكم فينا
أعترف الآن أمام الصحراء بأني مبتذل وبذيء
كهزيمتكم
يا شرفاء مهزومين
ويا حكاماً مهزومين
ويا جمهوراً مهزوماً
ما أوسخنا.. ما أوسخنا.. ما أوسخنا..
ونكابر ما أوسخنا
لا أستثني أحداً
هل تعترفون آنا قلت بذيء
رغم بنفسجة الحزن.. وايماض صلاه الماء على سكري
وجنوني للضحك بأخلاق الشارع والسكنات
ولحس الفخذ الملصق في باب الملهى
يا جمهوراً في الليل يداوم في قبر مؤسسة الحزن
سنصبح نحن يهود التاريخ
ونأوي في الصحراء بلا مأوى
هل وطن تحكمه الأفخاذ الملكية
هذا وطن أم مبغى؟
هل أرض هذي الكرة الأرضية.. أم وكر ذئاب؟
***
**
*
أجزاء مختارة من قصيدة يا قاتلتي
الشاعر العراقي / مظفر النواب

Wednesday, August 15, 2007

حوار مع صديق ... مــؤمــن



لم اكن انوى الكتابة هذه الايام لاعطي نفسي فرصة التركيز فيما أعمله الآن .. لكني وجدتني اهرع الى الكمبيوتر لاخبركم بهذه الحكاية
منذ ما يزيد قليلا على العام تعرفت عليه مصادفة .. صديق شيوعي دايزم - كلمة دايزم لمن لا يعرفها تعني أنه مؤمن بالله بدون اديان سماوية - على افضل تقدير ان لم يكن قبلها ملحد فعلا يكبرني عمرا بسنة و نصف و في احدي كليات النطاق الطبي
المهم وجدته شخصية ظريفة بغض النظر عن اختلافنا في جوهر العقيدة فهو غزير الثقافة اشعر أمامه بانني تلميذة خائبة حاد الذكاء على دراية باكثر من لغة مرح الطابع رقيق الشعور عطوف الى درجة ادهشتني الى الحد الذي كنت احادثه في بعض الاحيان قائلة ستكون آخرتك مع ابي لهب .. انت خسارة فيهم .. ليجيبنى ضاحكا تركت لك الجنة بنعميها و حورياتها ايتها المؤمنة
فعلا كنت ابخل بشخصية مثله على الملاحدة او اللادينين .. لكني كنت مطمئنة بدرجة ما .. فهو يبحث عن الحق و لا يزال بكل ما تحمله الكلمة من معان يقرا و يفند جميع الآراء بغض النظر عن اختلافه او اتفاقه معها و هذا ما أجبرني منذ معرفته على احترامه و ثقتي في ان الله تعالى برحمته الواسعه سيأخذ بيده مما هو فيه و كان على هذه الحال ما يقرب من خمس سنوات
المهم وجدته ايضا عقلانيا للغاية يتحدث بما يعرف ثم اذا تبين له خطأه تراجع عن موقفه في سلاسة أحسده عليها
في الفترة التى عرفته فيها كنت أمر بظروف نفسية سواء من الجانب العملى أو الاجتماعي غاية في الاحباط .. كنت على شفا الانهيار التام و السقوط في بئر مضادات الاكتئاب و الشكوك و اشياء لا ارغب في تذكرها حقا .. الحمد لله على كل شئ
اذا به دون أن اطلب مساعدته كانت معرفتي به سطحية للغاية .. يريد أن يقف بجانبي و يساعدني لتخطي المحنة .. دون انتظار لاي مقابل أو حتى دون السؤال عما اذا كانت درجة معرفته بشخصيتى و طبيعتي ستساعده على هذا أم لا
كنت كمن يتخبط في ظلام أخرج من فشل الى فشل أحاول الهروب دون المواجهه لحظات السعادة الطائة اشعرها مزيفة الى أخر هذه المشاعر البائسة
كنت أشك في جدوى مساعدته من الاساس لكني كنت اشفق عليه من اخباره بهذا .. لذا فقررت ان اتركه حتى يكيفه الاحساس الرائع بانك تحاول ان تساعد انسانا .. لاجده يتكلم معي كل حين و آخر بطريقة لم اكن افهمها
كيف و انتى المؤمنة و تؤمنين بوقوع البلاء للمؤمن ليزيل سيئاته و يرفع درجاته تتركي نفسك لنفسك هكذا دون ان يكون لكي وقفة حازمة معها... اذا كنتي تؤمنين بالجنة حقا و باسمك من الاساس فانا استغرب أن يكون هذا رد فعلك
كان يقول كلامه هذا في وسط محادثتنا و نقاشنا في اى موضوع حيث انه كان من الشخصيات القليلة التي اهتم باخذ رأيها فيما اكتبه على المدونة و نقده اخر لكنى كنت اعيد على مسامعي كلامه بعدما اتركه .. اصبت ببعض من الخجل كيف له و هو اللا دينى أن يستخدم حجتي الخاصة ليبين لي اني لا اعمل بها .. اذا حقا كنت مقتنعة بها من الاساس و لا اجد اجابة سوى اننى اصبحت اضعف من اللآزم تجاه هوى نفسي على غير عادتي
المهم تخطيت المحنة بنجاح كبير الى حد ما و كان هو من ضمن اهم الاشخاص الذين ادين لهم بالفضل بعد الله سبحانه و تعالى الذين ساعدوني في ذلك ... لا اندهش في ان يترك انسانا اثر في حياة شخص ما في بعضة اشهر مالا يمكن ان يتركه غيره في سنوات عديدة

كنت ادعو الله ان يرزقه نور البصيرة .. تمنيت ان يصوم معنا رمضان التالي بنية خالصة لوجه الله تعالى.. ثم انقطعت عن معرفة اخباره لفترة ثم عاد الى الظهور في هذه الايام ... فأجده قد بدأ يصلي الفجر في جماعة و صلى الجمعة لاول مرة منذ 4 سنوات في الجامع و يتلو القرآن و يتدبر تفسيره
***
عرفت هذا فبكيت حقا تذكرت آية سورة النور

اللَّهُ نُورُ السَّمَاوَاتِ وَالْأَرْضِ مَثَلُ نُورِهِ كَمِشْكَاةٍ فِيهَا مِصْبَاحٌ الْمِصْبَاحُ فِي زُجَاجَةٍ الزُّجَاجَةُ كَأَنَّهَا كَوْكَبٌ دُرِّيٌّ يُوقَدُ مِن شَجَرَةٍ مُّبَارَكَةٍ زَيْتُونِةٍ لَّا شَرْقِيَّةٍ وَلَا غَرْبِيَّةٍ يَكَادُ زَيْتُهَا يُضِيءُ وَلَوْ لَمْ تَمْسَسْهُ نَارٌ نُّورٌ عَلَى نُورٍ يَهْدِي اللَّهُ لِنُورِهِ مَن يَشَاء وَيَضْرِبُ اللَّهُ الْأَمْثَالَ لِلنَّاسِ وَاللَّهُ بِكُلِّ شَيْءٍ عَلِيمٌ

حتى اننى كنت انوي قرآءة تفسير القران كاملا هذه المرة و اخذت رأيه فى افضل التفاسير الحالية التى من الممكن البدء بها لنتفق على تفسير معين لأقرؤه .. شجعني كثيرا على نية القيام بتلك الخطوة التى كنت استصعبها

سألته .. هل تعنى انك انضممت لغمار المؤمنين ؟ ليجيب هادئا و الله لا استطيع ان اقرر ها فقط اشعر براحة تغمرني في الصلاة و باننى احب وجودي في المسجد حتى أننى اظل ساهرا انتظر الفجر لأصليه جماعة في الجامع و انا على تلك الحالة منذ ما يقرب من اسبوع .. لكني لا اعرف هل ساستمر أم ستكون راحة وقتية ثم لا اواظب عليها


فرحت حقا بما وصل اليه الان .. أدعو الله ان يثبته و يزيد من نفاذ بصيرته و يرزقه اليقين

أكتب لكم هذه القصة لاننى اريدكم جميعا أن تدعوا له .. و تدعو بان يصوم رمضان معنا ايمانا و احتسابا و ان يغفر الله له و لنا اسرافنا في امرنا و يرزقه و ايانا اليقين

ربما يكون دعاء خالص من احدكم في ساعة اجابة فيه الخير له و لنا فيرضى الله عنه و عنا و لا يغضب بعدها علينا أبدا
****
اللهم اجعل القرآن العظيم ربيع قلوبنا، ونور صدورنا، وجلاء أحزاننا، وذهاب همومنا وغمومنا. اللهم ذكرنا منه ما نَسيناه، وعلمنا منه ما جهلناه، ووفقنا لتلاوته والعمل به آناء الليل وأطراف النهار على الوجه الذي يرضيك عنا. اللهم اجعلنا ممن يحل حلاله، ويحرم حرامه. اللهم اجعلنا ممن يرتل حروفه ويقيم حدوده، ولا تجعلنا ممن يرتل حروفه ويضيع حدوده.
اللهم اجعل القرآن لنا هدى ونوراً ورحمة، ولا تجعله علينا وبالاً وحُجَّة ونقمة.
اللهم اجعل القرآن العظيم لقلوبنا ضياءًَ. اللهم اجعله لأبصارنا ضياءً، ولأسقامنا دواءً، ولقلوبنا شفاءً، ولذنوبنا ممحِّصاً، وعن النار مخلِّصاً، وفي القبر مؤنساً، وعند الصراط نوراً، وإلى الجنة رفيقاً، وبيننا وبين النار حجاباً وستراً، واجعله شاهداً لنا لا علينا.
اللهم اجعلنا ممن يقرأ القرآن فيرقى، ولا تجعلنا ممن يقرأ القرآن فيشقى.
***
تحياتي

Sunday, August 12, 2007

From your fears,You've to win yourself



Here's the chance of life
Get ready, set, fly
High
Above the fear of your mind
Go for it its hit or miss
Too late for you to quit
You gotta show them how bad you really want this
***
Live your dreams
It's not as hard as it may seem
You gotta work to get the c.r.e.a.m
On your hopes you must lean
From your fears
You have to win yourself
It's all or nothing
Give your everything
***
You are what you believe
You've got to bring the heat
Set the pace
Competition: take the lead
This is it all eyes on you
So stay on point and prove
That you deserve what's long overdue
***
Live your dreams
It's not as hard as it may seem
You gotta work to get the c.r.e.a.m
On your hopes you must lean
From your fears
You have to win yourself
It's all or nothing
Give your everything
***
My heart is still recovering
From Heartbreak of another kind
I'm still drying my tears
Getting over my own fears
In my life
I wanna make sure this time
That I'm strong enough
To give it my all
***
Live your dreams
It's not as hard as it may seem
You got to work to get the c.r.e.a.m
On your hopes you must lean
From your fears
You have to win yourself
***
It's all or nothing
Give your everything
Live your dreams
***
Live your dreams
It's not as hard as it may seem
(no, no)
You gotta work to get the c.r.e.a.m
On your hopes you must lean
From your fears
You have to win yourself
It's all or nothing
(I say it's all or nothing)
Give your everything
***
Live your dreams
(You gotta live your dreams)
It's not as hard as it may seem
You gotta work to get the c.r.e.a.m
On your hopes you must lean
From your fears
You have to win yourself
It's all or nothing
Give your everything
***
You know you've got to live your dreams
So don't you be afraid
Sacrifice
take the lead
It's your time to shine
Please believe
******
Save The Last Dance - All Or Nothing
***********
رجاء تركيز الدعاء هذه الايام
جزاكم الله خيرا يا اصدقاء