Wednesday, January 10, 2007

مـن غــير ندب و لا زلت ألعق الصبر

سلام عليكم ..فيه كام ملحوظة الأول قبل قرآءة البوست ده .. مممم معلش انا داخلة سخنة .. بس يلا خروجا عن حالة الخرس اللى كنت فيها فالواحد زى بالونة و انفجرت
ملحوظة واحد : الطريقة المستخدمة في الكتابة لا تدل ان الشخصية ده هي صاحبة المدونة .. بس أعتبروني حالة شيزوفرنيا لم تكتشف الا مؤخرا
ملحوظة اتنين : لكل الأصدقاء اللى أفتكروا انى غادرت عالم الاحياء. أحب اطمنهم اني لا زلت على قيد الحياة رغم عن أنف الجميع و أنفي شخصيا .. و معلش لو كنت بهدلتكم من كتر الخواطر السوداء عني .. بس انتم عارفين لازم كل فترة و التانية انزل بئري النفسي لوحدى لاستكشاف الجديد
ملحوظة تلاته : لو محدش فهم تسلسل الاحداث أو الكلام مثلا مش مترابط .. مش مشكلة أوى . العيب فيا .. لأني مش ناوية أرتب الكلام المرة ده .. الحاجة المنظمة زيادة عن اللزوم بتخنقني .. و انا حاسة ان المدونة محتاجة شوية نعكشة
ملحوطة اربعة : نسألكم الدعاء بالتوفيق و السداد و الهداية
ملحوظة خمسة : مفيش بس أنا مبحبش الارقام الزوجية فلازم نخلي الاخر فردي
*******
الفترة اللى فاتت الحمد لله طبعا .. حسيت أني اخدت اكبر مقلب فى حياتي بدخولى لكليتنا المرموقة صيدلة القاهرة و ادينى اتخرجت و مش اكتشفت الموضوع ده الا دلوقتى ... من غير ندب .. ممكن عياط .. ندب لا
قعدت بدل ما اعيط و القطرة تخلص على عينى كالعادة .. فين المشكلة ؟؟ هل مثلا مبحبش الصيدلة ؟؟ دخلتها غصب عني؟؟ طموحي و اهتماماتى اختلفت عن زمان ؟
لاقيت كل الاجابات تشل .. ليه بقه .. لأنى بفضل الله طبعا .. في التعليم بالذات محدش يقدر يفرض حاجة عليّا .. حتى الوالد و الوالدة .. عارفين اني غير اخواتي فى الموضوع ده و فيه فى الدماغ فردة باتا . دخلت علمي علوم بمزاجي .. الكلية بمزاجي .. و عن اقتناع و حب كامل للاسف أخلصت لها و هي خانتني في الآخر ... و اتخرجت مش بمزاجي صراحة .. لو كان عليا كنت عايزة افضل طالبة على طول . الحمد لله اتخرجت من هنا .. انا كنت عارفه ان الامور مش وردية و سودا الى حد ما .. لكن اكتشفت انها كانت زمان سودا .. دلوقتى اتحولت لثقب أسود و لا عزاء لنا
واحد زميلي بيقولي انتى عايزة ايه اساسا بعد النخرج .. قلتله حاجتين بس .. فلوس و علم .. قعد يضحك و يقولى مش ح تقدرى تجمعي بينهم فى مصر .. قولتله خلاص يبقى فلوس عشان لو ح اقدر اغير حاجة .. ممكن اغير بالفلوس .. لكن عالمة و شحاته .. نهايتى ح تكون الموت كمدا.. و بعدين اساسا ازاى ح اصرف على العلم من غير ما يكون معايا فلوس.. الحاج الوالد رافع شعار .. أى مصاريف للدراسة بعد الكلية كل واحد يتكفل بها و هو لو دفع ح يبقى كدين و كده .. محدش بقه طيب اليومين دول
مجالات الابحاث اللى كان نفسي اشتغل فيها .. الحمد لله تقريبا منعدمة فى مصر .. و الله واحد اقترح عليا اتجوز و اسافر لو الموضوع في دماغي اوى .. بس قولتله عيب يعنى انا ممكن انتهازية .. بس مش للدرجة ده
المهم مفيش ابحاث.. يا فرحتى و انا باقدم على دراستى العليا و باشتغل فى صيدلية بعد الظهر .. فين التطبيق هنا .. اقصى تطبيق ح يبقى مسموح به هو في العقل الباطن... حاجة قرف
صحيح .. في وسط كل ده عرفت ان حزب الوسط اترفض للمرة التالتة خلال 11 سنة.. لما عرفت كنت عايزة حد يغطيني و يصوت .. خربانه خربانه شعاري المفضل اليومين دول
و أحلى حاجة بقه .. أن الواحد قدام العائلة الكريمة بقه مثال الفشل الذريع .. تسقيفة أمال . تشجيعه أمال .. يعنى أمي تيجي تقول لأختى لا. بلاش تعلمي كده لأحسن تبقى زى الهانم الكبيرة ... بيحرجوني صراحة
الوالد برضه .. أخر مرة افتكر انه اتكلم و هو مبسوط بيا .. كانت ساعة نتيجة الثانوية العامة.. بعد كده بقه يقول انا ربنا ابتلاني ب3 أمراض.. الضغط و السكر و ايمان.. بس عادي جداالراجل برضه حكم السن و كفاية انه استحملني 21 سنة و كام شهر اهوه .. بقيت اتحاشى الخوض فى نقاشات مطولة معاه .. عشان بتنتهي في الغالب ان ابنه عاقة لوالديها و اشيل ذنوب و الواحد مش ناقص
مش مشكلة الواحد مسستم نفسه على الوضع ده من زمان .. و مبحبش اساسا ابقى قدوة ولا نيلة .. محدش ينتظر مني حاجة
يعنى دلوقتى طيب اجيب الفلوس منين .. عايزة طرق مشروعة و تناسبنى انى اقدر اجيب فلوس.. توصلت لحل مؤقت .. رفع عدد ساعات العمل ل 10 ساعات يوميا .. ممكن اخد دبلومة في حاجة كده .. بس لسه مش قرار نهائي ..أقنع الوالد ان فلوسه اللى انا كده كده ح اسددهاله مش ح تضيع هدر .. البيوت اللى ماشية بالنظام الرأسمالي ده بجد عيوبها كتير
حد يسأل عايزة الفلوس أوى كده ليه .. طبعا البي أم الزرقاء ان شاء الله مفيش خلاف انى ح اشتريها لأن العربية ده زي ما كل اللى يعرفوني عارفين فيه كيميا بيني و بينها. بس ح اعمل ايه بالباقي .. فده عايزة بوست لوحدها قريب ان شاء الله
واحد اعرفه .. قاللى فيه كتاب كويس أسمه لا تقلق بشأن المال .. أبقى أقرئيه .. و ماله .. لما يخلصه ح اخده .. لان سيادته الكتاب مترجم و غالي .. انا مبحبش نظام الندب و البكاء على اللبن المسكوب .. بس اعمل ايه على راي الدكتور يقولى انتى في مرحلة ice break
بين فترة الدراسة و بداية الحياة العملية .. بس كده انا عايزة جرافة تشلينى
ممممم جرعة الاخلاص في النية و التصميم على تحقيق الهدف .. برضه لازم تزيد... انزل بكاميرا خمسة يا ابنى على وش البطلة و هي بتزود جرعة الحماس لنفسها .... تقريبا اخر فيوزاتي ضربت
عموما .. ادينى طلعت حبة من خنقتى شوية و لنا عودة قريبة ان شاء الله لو فضلت برضه عايشة يعنى
تحياتي

63 comments:

Ma 3lina said...

انا اول واحدة كالعادة متقدريش تستغنى عنى انا عارفة

حكاية كل صيدلى بيتخرج من كليتنا المرموقة

حكاية الفلوس محلولة يا ستى بس كلها حقيقة طرق غير مشروعة هبقى اقولك عليها بينا و بين بعض

و بعدين انتى نسيتى ال جمعية و لا ايه؟؟

ان شاء الله 12 ساعة شغل فى 5 سنين و تحوشى كل اللى انتى عايزاه

لا تفقدى الامل ابدااااااااا

شــــمـس الديـن said...

لي الشرف ان اكول اول من علق علي التدوينةالتهييسية دي لبنت سعد

بوقل لك ايه يا ايمان

ابوس الباتا اخرجي من المود اللي انت فيه دا

عارفة ان الموضوع اسود و مهبب
و عارفة ان الحياة فعلا اقسي مما نتحملة

و اصعب حاجة في الموضوع كلة فعلا لما يكون الاهل مش مقدرين اي معانا نفسية او اي حالة زفت بتمري بيها ...معلش يا ايمان اقول لك ايه بجد


شدة و تزول
و ربنا يعوض صبرك خير

من امتي الصعاب بتفت فينا ...نحن خلقنا لها ... البشرية كلها بتحبك و كفايا عليكي انا و بقية العيال اصحابك اللي بيخففوا عنك

بحبك يا بنت سعد بجد و ربنا يديم المعروف

شــــمـس الديـن said...

صحيح الجمعية علي رأي مرام

كان ادامك شهر واحد و شهر 3 فالحة انت تختاري شهر 6
يالا

انت كمان يا مرام بحبك اوي يا بت (رغم انك لسة لحد دلوقتي مش دفعتي القسط بس ما علينا :)

Ma 3lina said...

هدفعه يا باشا بس اشوف الاخت بنت سعد ديه

Anonymous said...

أقولك إيه ....استمرى ولا عوضك على الله ؟؟

استمرى ...وبعد بوستين هتلاقى إن شاء الله بتقولى أنا نجحت ومعاياه فلوس وعلم وينضرب يكى المثل من الفشل للنجاح

بس خليكى متحمسة كده و أنت توصلى لل فى دماغك ...و أحلمى كتير يمكن تتحمسى أكتر ....أصل لو حماسك قل ...فده عوضك على الله

ده أنتى كده أول خريجة عندها دماخ ..كويس أنهم مأخدوش دماخك فى الكلية ....


يا مسهـل

أحمد said...

أنا مش معتبر البوست ده حالة شيزوفرنيا .. أنت بتكتبى بلغة عربية فصحى بأحترافية شديدة و البوست ده مكتوب بالعامية
بأحترافية أشد .. أقولك على حاجة خليها مرة كده و مرة كده.



معلش ضاقت فلما أستحكمت حلقاتها .. فرجت وكنت أظنها لاتفرج .. أنصحك بحاجة أسمعى محاضرات د.ابراهيم الفقى

تحياتى ليكى يا بنت سعد

Khaled gad said...

هو مفيش حد غير و بيتكلم عن الفلوس , هو فعلا صحيح اللى بيقولوه علينا الناس , ان الصيادله ماديين , احتمال

وبعدين ابحاث ايه حضرتك , احنا زمايل كليه واحده و دفعه واحده كمان و اللى اعرفه عن الدفعه دى انها مصدقت اتخرجت و لو كان فيه سنه سادسه كانت هنجت و معرفتش تعديها

هو مش لما حد بيجيلك الصيدليه عنده اسهال بتطلعيله انتينال و لو حد مصدع بتديله كيتوفان , يبقى خلاص زى الفل
وبكده ابقى حليتلك مشكله الفلوس , و اى خدمه

بني آدم said...

حتى انتي يا إيمان بقيتي مادية

دانا كان املي فيكي كبير

مفيش أمل ولا حتى عمر.....امال احنا ياغلابة لاللي عايزين نفتح بيوت نقول ايه

العقي ياختي الصبر وهتلاقي في الآخر لبانة

وبخصوص الجمعية انا فيها لاخفيها وهاقبض الأول

أحمد المصري said...

ايه الصياح اللي في التعليقات ده انتو بتصيحوا لبعض هنا :D
و بعدين فلوس ايه بس يا ام السعد الل بتفكري فيها ..
انا على ما شفت بيحصل قدامي خلال حياتي العملية إن اللي بيفكر في شغله و بيتقنه و مايفكرش في العئاد اكثر من الاهتمام و التخصص في شغله الفلوس بتكون نتيجة طبيعية ، بدون استثناء فعلا في كل الحالات اللي شفتها كانت الفلوس رد فعل لاجتهادة مش شرط من المكان اللي هو فيه لكن بيلاقي الفرص فجأة جاتله من حيث لا يدري ، و كأن ربنا بيكافئه على اجتهادة في شغله ..
اللي بيفكر في الفلوس على طوول من قبل ما يدخل بقوة في حياته العملية عادة لا بيطول ابيض ولا اسود ...
و بالنسبة للجمعية
انا متخصص جمعيات و حاصل على اعلى الشهادات العلمية في الجمعيات يا ام السعد سيبيني انا امسكلكم الجمعية دي و هاقبضكم كلكم الاول و مش تسأليني ازاي ده انا واخدها عن علم و دراسة ;)

شــــمـس الديـن said...

الاخ الفاضل احمد

تخيل بقي ان شلتنا المصونا كلنا كنا عايزين ناخد الاخر بلا منازع لدرجة ان اول شهر بقي فاضيو محدش عايز ياخدة !!!!

احنا طريقة تفكيرنا اساسا مختلفة و دي لن تجدي معها اي دراسات او يحزنون

سلامو عليكو

admelmasry said...

بنت سعد عودا حميدا

انيهاهاهاهاهاها


مش عودا حميدا انك مش موجودة بقالك فترة

لا

عودا حميدا اني باعلقلك من فترة


اخيرا لقيت موضوع عدل مافيهوش جعاليص ولا حدف طوب ولا افشخانات مثقفين


اول موضوع افهمة يابنتي راعي راااااعي
ان فيه حمير .. قصدي غلابة بيقروا وراكي ايه حرام عليكي شوية


هههههههههههههه
بس علي فكرة انا فرحان فيكي

انا عندي حل علي فكرة لمشكلة الفلوس بتاعتك دي

انا ممكن اكلملك الراجل صاحب محل العصير اللي كنت شغال فيه

راجل معفن وايه رمة .. هيعجبك قوي

وبيدي عشرة جنيه في اليوم ... هههههههه اي خدمة يا ستي


هههههههههههههههههههههه

علي فكرة انا فرحان فيكي جدا وهاروح لابوكي وقوله ياعمي

انت رجل والرجال قليل


ههههههههههههههههه





سلام يا قمر





تحياتي

الأغاني للرأفتاني said...

ماعلــــــــينا
قبل ما تروحى تسلفى بنت سعد..هاتى الفلوس اللى عليكى؟؟
ولا انت هتسوقى التناحه
والله اروح اولع لكم فى جامعه القاهره كلها

Maha said...

بسم الله

السلام عليكم

أضحكتني :)

وذكرتني قليلا بنفسي

وأثرت شجوني

:)

دمت بود عزيزتي

Azza Moghazy said...

ازيك يا ايمان
حمد الله عالسلامة
معلش فترة وهتعدى انا كنت كدده لما اتخرجت وبعدين اخترعن وصفة سحرية للقضاء على الحالة دى هبقى اقولهالك بينى وبينك عشان حقوق الملكية الفكرية
انا متشكرة جدا على الاضافة اول مرة اخد بالى منها للاسفمتشكرة جدا
انا اشرت للمدونة بتاعتك فى اخر تقرير نشرته فى المجله التلات اللى فات
واللينك اهو
http://www.elmawkefalarabi.com/shownews.asp?ArchiveDegree=0&NewsID=7661
ابقى قوليلى رايك يا رب يعجبك

HANY said...

يا خبر ابيض

ايه ده يا بنتى ده انتى وصلتى خلاص , واللى كان كان
اهلا بيكى فى عالم الخيال
وبعدين فيوزات ايه , انتى كان لسه عندك فيوزات سليمة
أنصحك بحاجه اسمها NLP ودى حاجه لو انتى بتفهمى فيها , او حد من اصحابك بيفهم فيها , هيقدر يخرجك من المود ده فى 3 دقائق بالظبط , انا بتكلم جد
وعلى فكره انا كنت زعلان من موضوع الكنسله ده بس ما علينا
لو شفتك بكره ان شاء الله فى الاجتماع , هبقى اقولك على موضوع ال NLP لو مكنتيش عارفه

وتقبلى تحياتى

Anonymous said...

مدونه رائعه ارجو لكى مزيد من التوفيق وارجو التواصل د محمد عثمان لجنه الشباب بنقابه الصيادله moosman91@hotmail.com

Anonymous said...

اولا حمد الله علي سلامتك يا دكتور ثانيا بجد يا بنت سعد الحياة مش صعبة احنا الي بنعمل في نفسنا اسواء الاعمال هقولك السر ليه الحياة عندي بسيطة وسهلة وهقولك ازاي توصلي للعلم والفلوس بس قبل اقولك اعرفي يا ستي ان مفيش سعادة كاملة في الدنيا اما بقا لمطالبك البسيطة عايزة حل ليها بالنسبة للعلم يا ستي حل العلم مرتبط بالتقوي ودليلي علي كده قول الله تعالي واتقو الله ويعلمكم الله اليس اقتران العلم بالتقوي دليل علي ان العلم من نتائج التقوي
اما بالنسبة للفلوس يا ستي برضه ربنا سبحانه وتعالي قال استغفرو ربكم استغفرا يرسل السماء عليكم مضرارا ويمددكم بأموال وبنين صدق الله العظيم ولا انتي عايز علم اكتر من كده ورزق اكتر من زرع واموال وبنين بس اعتقد رغم صغر سني ان السعادة هي في الرضا واسف للأطالة

Ma 3lina said...

سعد الناس عرفت بالجمعية و شكلها هتبوظ من اولها

ربنا يستر بطلو ناااااء

Unknown said...

لكل الأصدقاء اللى أفتكروا انى غادرت عالم الاحياء. أحب اطمنهم اني لا زلت على قيد الحياة رغم عن أنف الجميع و أنفي شخصيا .

ياه أخيراً
الحمد لله إنك مازلت على قيد الحياة
ومازال الO2 disassociation curve عندك
مازال في حالته الطبيعية

kaed said...

على فكرة كلية الصيدلة دى تحفة أنا مش عارف مدخلتهاش لية بدل الطب و سنينة السودة المهم أوعى تيأسى و كملى مشوارك على خير ... البلد دى مش فاضل فيها غير العلام و ياريتة نافع سلام يا دكتورة

Anonymous said...

إيييييييييييه؟
ليه ده كله في إيه؟
أومال لو شفتي بلاوي الناس؟!!

إيمــــان ســعد said...

ما علينا و شمس الدين

يخرب بيت التسييح

:))))

و حياتكوا عندي الجمعية ده بسبب القر عليها مش ح تكمل و فى الاخر ح نشحت شحاته جماعية

و ابقي سددي اللى عليكى للمهاجر يا ما علينا بدل الفضايح ده

:)))

كده برضه سمعة الصيادلة بقت فى الارض بسببك

تحياتي لكما

إيمــــان ســعد said...

نوران

انا اتعملى استئصال دماغ كذا مرة . بس تقريبا هي زى الامبيا
اى جزء يتحول لدماغ اخري كاملة سليمة

:)))

ايدى على كتفك

لو جيت بعد بوستين و مش لاقيت معايا فلوس ح افتح حساب للتبرع و انتى تبقى اول المساهمين فيه

ماشى يا باشا

:))

تحياتي

إيمــــان ســعد said...

مبرمج حر

بيت الشعر ده هو اللى جابنى ورا

و بعدين انا حاولت أقرأ لابراهيم الفقي لكن مش باحب اسلوبه .. بأحس انه سطحى شوية عشان كده بقيت زى القرع بأمد لبره و المفضلين عندي

ستيفن كوفي
ادوارد دي بونو
صلاح صالح الراشد

انا قرأت و لا زلت اقرأ فى التنمية البشرية :))

بس ده لا يمنع من ممارسة الضعف الانساني من حين لاخر

تحياتي

إيمــــان ســعد said...

بحب مصر

ايوه لو الناس ح تقول على اللى عايز يعمل فلوس مادي
يبقى انا اولهم

لكن الفرق بين نظرة كل واحد و التاني للفلوس ذاتها

انا شايفاها وسيلة لتحقيق اللى عايزاه


مش غاية

و هي ده النقطة
:))

و بعدين كويس انك وضحتلى ابحاث الصيدلية العميقة ده مكنتش واخدة بالي منها

ده انا على كده بروفسور مرة واحدة
:))

تحياتي

إيمــــان ســعد said...

بني ادم العزيز

مين امل و هند دول يا عامر

:))

و بعدين مش لاقية اللبانه اللى بتقول عليها ..
تقريبا اختلاف شركات

:))))

و بعدين كل واحد يشحت فى مدونته .. متجيش عندي و تمد ايدك و تقول

انا بنى ادم.. ح تساعدني

:))

و بخصوص الجميعة

ح ألغيها يا كبير

:))

أنت تؤمر بس

تحياتي

إيمــــان ســعد said...

أحمد المصري

اللي بيفكر في الفلوس على طوول من قبل ما يدخل بقوة في حياته العملية عادة لا بيطول ابيض ولا اسود

ممممم

طب ممكن اقضيها رمادي

:))

و بعدين حكاية الجمعية

عاجزة عن الشكر يا افندم

:))

نويت الغيها و اتبرع بالفلوس بتاعتها لنفسي

:)

اطمن

انا مهما رحت ولا جيت ح افضل تلميذة فى مدرستك

:))

تحياتي

إيمــــان ســعد said...

ادم المصري

:))

ح اراااعي لا تقلق

ح ابقى اكتب البوست و تحته الترجمة

:))

و بعدين شكرا على محل العصير

:))

أهو احسن من ضرب الحقن برضه

و لا تقلق ح اوصل للوالد تحياتك

:))

أصيل يا ابنى و الله

تحياتي

إيمــــان ســعد said...

المهاجر

يعنى احرجت البنت كده و كلية الصيدلة و جامعة القاهرة كلها

:))

بس بينى و بينك تستاهل

:))

ادي جزاء اللى يستلف حاجة منك

:))

بس لو سمحت مش تشتم جامعة القاهرة

لا روح ولع فى وزارة التعليم العالى كلها أضمن

تحياتي

إيمــــان ســعد said...

مها العزيزة

يااااه انا عملت فيكي كل ده

:((((

و مجانا

:((((((((

طب يعني مش تنسينا عل ىالاقل من صالح دعائك

و لا يبقى الواحد و لا طلع بابيض و لا باسود

:))

تحياتي ايتها الجميلة

إيمــــان ســعد said...

واحدة و خلاص

:))

حبيبة قلبي ح اتصل بيكى فى اقرب فرصه تقوليلى على الوصفحة السحرية ده

:))
و طرق تعاطيها
حقن .. شم .. حرق فى سجاير

اطلها بتفرق يا باشا

انا شفت اللينك

جميييل جدا المقال يا عزة

و ربنا يكرمك

و بعدين بتشركينى ليه

:))

اختلاف الاراء بينا لا يعنى اني مش معجبة بأسلوبك فى عرض وجهة نظرك

تحياتي الى ان نلتقي

إيمــــان ســعد said...

هاني

اهلا بيك

على فكرة انا من زمان فى العالم ده بس باشتغل بنظرية الفيرس

:))

مش ح اعلن عن نفسي الا لما احتله كله

:))

و بعدين لا تقلق فى موضوع
NLP
برامج الاتصال العصبي

واحد اعرفه كل شوية يناقشنى فيه

لا تقلق هو بس الموضوع زى ما قلت

ممارسة ضعف انساني

و لما افتح حساب التبرع

يا ريت تبقى
:))

تفيدنا ماديا

تحياتي

إيمــــان ســعد said...

د. محمد عثمان

اهلا بك

و بنقابة الصيادلة كلها
اجدع ناس

و الله اخر مرة رحتها كان يوم الجمعية العمومية الرهيبة ده

ان شاء الله اشوفك على خير

تحياتي

إيمــــان ســعد said...

كبير المتشردين

ربنا يكرمك على نصايحك الجميلة

و الله فعلا انت كلامك لا غبار عليه

انا بأحاول الاخذ بالاسباب

و عارفه انه

و في السماء رزقكم و ما توعدون

بس هو انا المشكلة انى عجولة شوية

عارفه ان الموضوع ده غلط

بس بأحاول أصلح نفسي

و في الاخر الحمد لله على جميع قضاؤه

تحياتي لك ايها الناصح الامين

إيمــــان ســعد said...

عمرو

انا عارفه انك واخد على خاطرك مني

:((

و انا فعلا مقصرة في حقك

:((

و الموضوع ده من ضمن الاسباب اللى على فكرة كانت ولا زالت مضايقنى جداااا

بس ان شاء الله اشوفك فى القريب العاجل

بس الاول اعمل حسابك انك ح تقبل اعتذاري

:)

عشان عارفه ان قلبك ابيض

تحياتي و ربنا يوفقك فى الامتحانات

إيمــــان ســعد said...

قائد

:))

بصراحة انا كل اصحابي في طب

كانوا بيدعوا عليا فى الكلية

و بيقولولى نفسنا تيجي يومين عندنا عشان تعرفي أن الله حق

معاك ربنا

:))

انا على فكرة مجموعى كان يجيب طب .. بس انا باعشق الكيمياء و الفيزياء

و باكره الاحياااء جداااا

فاخترت صيدلية عن اقتناع

بس برضه اخدت مقلب فى الاخر

شوف كده كده

:))

احنا فى الهوا سوا


تحياتي

و تمنياتي بالتوفيق

إيمــــان ســعد said...

أرحم دماغك

انا فعلا بأبص لبلاوى الناس عشان تهون عليا بلوتي بس ده مش يمنع انى اطمح للافضل

:)

و بعدين انا لا اعترض على قضاء الله

الحمد لله على كل شيئ

بس الموضوع كان مجرد فضفضة للى حاسة به

بس لا تقلق لسه مش قتلت اختى او اخويا

:))

تحياتي

Anonymous said...

ياخراشى على العسل بصى يا ايمان انا معايا 40 جنيه بالضبط فى الشنطه المفروض اكمل بيهم الاسبوع مش مشكله هديهملك وبلاش اروحالامتحانات ولا هاقلك حاشحت من ماما زى كل يوم حد المصرف اخده السبت يخلص الحد واعيش بقيت الاسبوع عاله على ماما عادى يعنى وبكده حلتلك المشكله
ولا اقولك على فكره حلوه الكليه عليها ليا 400 جنيه اول ما خدهم هدهملك ومش ضرورى اكمل فلوس الاى بود شايفه بقى انا عسل ازاى باضحى

همس الليل said...

شو فى بئا الف حمد وشكر ليك يارب انى فاشله وفى تجاره بقالى 9 سنين والله بمزاجى
يلا ما علينا اصلى جبت من الاخر اشلغل مش هيعملكو حاجه هأأأأأأأأو
ابقو قبلونى
الحل ان كل واحده تتجوز او ترتبط بشريك حياتها يكون واد كدا مريش بس بلاش الريش عشان انفلونزا الطيور خليه مزعنف نسبه للاسماك ام زعانف
يكون مسافر هو ويسفرك معاه
وتجيبى البى ام الزرقا والحمرا وكل الوان الطيف
وبينى وبينك العربيات دى عمله تربنه فى دماغى انا كمان بموت فى السواقه وبحب العربيات اوىىىىىىىى
كبرى يا بنتى كلنا اخدنا بمبه فى التعليم

Anonymous said...

يقولون ان الزمن يداوي كل الجروح ولربما ظننت انه بعد خمس سنوات من التعليم الاجباري سوف اكون شخصا تافها يسهل ترويضه..ولكن العقل هو ما اخذوه مني..وهو ما ساسعي لاستعادته مرة اخري
فلوس = فساد
علم :1-علم ينفع 2-علم لا ينفع
علم ينفع = حضارة
علم لا ينفع = قنابل زمنية
فلوس + علم ينفع = ابتلاء
فلوس + علم لا ينفع = كرسي في الوزارة
نصيحة بقي :
العلم اللي ضيعتي فيه 5 سنوات من عمرك وفلوس الحاج وسندوتشات الحاجة وكيتوفان لزوم دماغ صداع هذا نفر اخو انتا
مالوش لازمة
العلم ده بيشجع شركات الادوية في قتل البشر بالسموم التي يسمونها دواء
ومنظمة البتنجان الامريكية كل شوية تطلع تحرم نوع من انواع البتنجان لانه بيجيب السكتات الدماغية او بيجيب هزل في الهوف باي جاما وكله في الليالي
لا المواطن العادي عارف يشتري الدوا ولا هو بيتعالج
انتي بتساعديهم بس يشحتوا ويستدينوا عشان يشتروه ويهروا الكبده والكلاوي
وبكده تبقي موتي الناس مسموميين مديونين
يعني موت وخراب عشش
الناس لا تملك الان سوي التراب - مع ان ده برضوا مشكوك فيه-اللي في الشوارع لو تقدري تخرجي للناس منه دوا يبقي انتي عملتي شئ كويس فعلا
اما عن الفلوس فلااعتقد انك ستحصلين عليها يوما ما
وليست نبوءة

Anonymous said...

انا اسف لكن تحملي هذا النقد ايضا
فانا لست ممن يخاطبون النساء ولن اخاطبك بعد مقالي الثاني هذا اليك ولكن للاسف رايت هنا فقاقيعا تزكيك بما ليس فيك
قال الامام علي كرم الله وجهه :-"ياتي علي الناس زمان لايقرب فيه الا الماحل ولا يظرف فيه الا الفاجر ولا يضعف فيه الا المنصف يتخذون الفئ مغنما والصدقة مغرما وصلة الرحم منا والعبادة استطالة علي الناس فعند ذلك يكون سلطان النساء ومشاورة الاماء وامارة الصبيان "
انت ايتها الاخت الفاضلة تعصين الله منذ بداية دخول الحيز الخاص بك فتطالعنا الاغاني والموسيقي وهذا حرام ولن تفهمي ما اقول الا اذا كنت تعلمين انه حرام
اما ما دون ذلك فلن تفقهي شيئا وسيكون كل كلامي حرث في البحر
تتحدثين عن علاقاتك بفلان زميلك وعلان كذا وكذا ..الا تستحين من الله انك تخاطبين الرجال؟وتجاهرين بالذنب ايضا ؟
تجاهرين بحبك للمطربين والمطربات والافلام المفضلة ؟
اي سقوط وتردي صرنا فيه
ما رايتك تضعين في اماكن المفضلات لديك سورة التوبة مثلا او البقرة او وجدنا في كتبك القرآن او صحيح البخاري
لا ادعي بان الكتب الاخري ليس لها اهمية بالعكس ولكن تعلمي ما ينفع
سخري علم الصيدلة في خدمة الناس كما تشائين ولا حرج ولكن اتقي الله في هذا الشباب الذي لايفقه شيئا وستكونين انت فتنة تضاف اليهم
ولن ينفعك الكلام ولا الشخصية الليبرالية ولا كل العجين الذي تعجنين بيديك
اتق الله
اعتذر مرة اخري اذا كان نقدي لاذعا
ولكنني حزنت حينما رايت عقولا فارغة يقولون انهم تثقفوا علي يديك
وانا ارحب بذلك ان كان علمك محمودا
ولكن معذرة لا ناخذ الراي ممن لا تتبع الاسلام في كل صغيرة وكبيرة
ولا ادعي انك غير مسلمة لا سمح الله
اللهم اهدنا جميعا وتب علينا وعلي عصاة المسلمين
والله المستعان
افيقوا يا شباب..بالله عليكم..فلستم انتم من ينتزع يد المحتل من ارحام المغتصبات
بالله عليكم كفي
اتقوا الله فان اول فتنة بني اسرائيل كانت في النساء
اعلموا انه من العار ان تنصتوا اليها
وتكونون عونا للشيطان عليها
افلا تعقلون؟

Anonymous said...

السلام علي من اتبع الهدي
انا من الناس اللي بيمروا علي المدونات و لكن لا اترك رد و لكن حقا هالني ما رأيت

الاستاذ اللي رد فوق


انا حتي لا اقادر اقول لك اخي الفاضل علشان اعتقد ان من هم امثالك لا ينتمون الي الاسلام في شئ و هم اصلا سبب نكبة الاسلام الحقيقية زلا يستحقون ان يكونوه اخوة في الاسلام اساسا

لاادري هل ما قولته هو حديث ام مقولة ... و لا اعتقد اننا في زمن تقدس فيه نصوص الصحابة مثل نصوص الاحاديث و السنة النبويةالمطهرة ... و ارجو انت تقول لي اي اسناد هذا

ثم ان ما تقولة ليس في محلة في شئ لانه ليس الامر في مشورة النساء ...هي واحدة تقول رأييها فأي مشورة تلك اللتي تتحدث عنها ؟؟

هذا ايضا لبيان انك ضيق العقل و الافق و تأول الاشياء علي غير موضعها


اولا اصدرت احكاما انها تعصي الله في حيزها الخاص ... ببساطة شديدة هي لم تتعد عليك و كان ببساطة شديدة يمكنك ان لا ترتاد " هذه الاماكن المشبوة " في وجة نظرك السامية العالية ... و لكن انت اساسا ايه اللي دخلك هنا ؟؟؟

ثم هل مخاطبة الرجال في حدود الضرورات اصبحت من الذنوب ايضا ؟؟؟ اولم تكن نساء النبي و الصحابيات الجليلات يخاطبن الرجال ؟؟؟ ام كن يتعاملن بلغة الاشارة ... اجب يا فيلسوف الاسلام

ثم انت اصلا بتتدخل في اللي ملكش فيه ليه ؟؟؟ هي حرة تحط الكتب اللي هي عايزاها ... ولا لازم الناس كلهم يبقوا نسخ كاربونية من بعضها ...و اشمعني يعني سورة البقرة و سورفة التوبة !!! انت اصلا متعرفش ان كتاب الله اساسا لا ينفغي ان يوضع في قدر اقل من قدرة و اقارنة بالكتب الدنيوية ولاخري ام ماذا دهاك !!!!!!

المشكلة ان انت و اللي زيك عملوا نفسهم اوصياء علي الناس ... قل لي بالله عليك ما هي الفنتة التي تتحدث عنها و اجب بكلام يندرج تحت صفة العقلانية ولا يكون كلة تكفير في تكفير
و يا علامةالاسلام لو حضرتك شايف ان دي طريقة مضلة للشباب فياريت بقي تورينا حضرتك عملت ايه لخدمة الاسلام و ايه هي الطريقة المثلي لهداية الشباب



ثم هو مين اللي قال انه تتلمذ علي يديها ...ولا هو انت بتألف كلام و تصدقة و بعدين ترد عليه و تسقطة علي اسخاص حولك !!!!!

الا تستحي من نفسك ان تخاطب كل من رد في هذه المدونة بكلمة الفقاقيع !!!! اتق الله و اعلم انه لن يسامحك احد علي هذا الكلام الذي لا يصدر من انسان مسلم حقيقي

لاانت مبتعرف انه في حاجةاسمها من كان يؤمن بالله و اليوم الاخر فليقل خيرا او ليصمت ؟؟؟

مبتعرف انه فيه قاعدة شرعية بتقول ادعو الي سبيل ربك بالحكمة و الموعظة الحسنة .... اي حكمة و اي موعظة حسنة تتبعها في دعوتك ان كانت هناك دعوة لك اساسا !!!!!


ادري حقا ... حسبنا الله و نعم الوكيل في عقول محسوبة علي الاسلام مثلك و هم المعاول الحقيقة للهدم في عضد هذه الامة ... لا يكفيها الغرب المتفرنج و لكن المدعون الاسلام المتشدد !!!!

Anonymous said...

السلام عليكم ورحمة الله وبركاته
الي الاخ الذي يهاجمني اقول
انه لا يضر السحاب نبح الكلاب ولذلك لن التفت اليك
ولكنني ساحمي الناس من جهلك واقول لك سلاما سلاما
ايها المسلم بل المتمسلم
ان تحية الاسلام هي السلام عليكم ورحمة الله وبركاته
اما السلام علي من اتبع الهدي فلا يصح ان يخاطب بها المسلمون
واقول لك ايها الذي يشتم وليس من الاسلام في شئ ويلقي الاتهامات
قال رسول الله " اصحابي كالنجوم بايهم اقتديتم اهتديتم "
فمن انت حتي تشكك في كلام صحابة رسول الله
وانت لا تعرف من هو علي بن ابي طالب
اما عن كوني اقول انها تعصي الله بالاغاني فهل تعتقد ان في ذلك طاعة ؟
ام هل تعتقد ان ذلك من باب الحث علي الفضيلة ؟
ام انك من المنبطحين الذين يدعون الي التمرير لكل ما هو فاسد ؟
اما عن مجيئي هنا فهو مستنقع الانترنت الذي نبحث فيه عما ينفع المؤمنين فنجد فيه امثالك
ثم من قال لك ايها الجاهل ان وضع كتاب الله في اولي دوائر الاهتمامات ينقص قدره ؟
ام انك تريد محو ذكره من كل مكان ؟
اما عن امهات المؤمنين فمن انت يا هذا كي تقارن اي امرأة بامهات المؤمنين
انت تتكلم عن زوجات رسول الله
فلا تاتي بذكرهن علي لسانك بتاتا
انها ام المؤمنين اجمعين وكل الرجال هن امهاتهن
ولم يكن لاي رجل ان يتزوج بهن بعد رسول الله فاصبحن محرمات
والله ليس من خطر علي الدين الا امثالك
دعاة الباطل
اما عن ادعائك باني اكفر فحسبي الله ونعم الوكيل
واتركها اخاصمك بها امام الله يوم القيامة
اما عن الذين تحدثوا عن تعلمهم ن الاخت الفاضلة فارجو ان تراجع كلامهم وانا شخصيا ليس لدي اي كبر في ان اتعلم من اي امرأة مسلمة ما ينفعني في ديني علي ان تكون متبعة وممن يوثق في رايهن ولست اعرف من هذا الطراز الا امهات المؤمنين وقلة من النساء بعدهن
اما كلمة الفقاقيع فما عنيت بها كل الناس انما عنيت من ضلوا الحديث وخشيت ان يضلوا اخرين ويشربوا في قلوبهم هذا الكلام
اما عن قول الخير فما اراني الا وقد حاولت ان ادعوا اليه بما عرفت من الحق
هذا هو ردي عليك ولن اكون معتديا مثلك في كلماتي
وانت اذ تخاطبني هكذا اقول لك دوما سلاما سلاما
اما الاخت الفاضلة فانا لم اتهمها بشئ
ولست اقول باني وصي عليها او افضل منها بتاتا
لقد حذرتها وحذرت اخواني من الفتنة
ولا اريدها ان تغلق مدونتها بالعكس بل تستمر
فقط بما يرضي الله
اللهم اهدي قومي فانهم قوم لا يعلمون
والسلام عليكم ورحمة الله وبركاته

همس الليل said...

دوق فليد
*************
النصيحه فى العلن فضيحه
وان كان ليك اى تعليق على اى شىء فممكن يكون فى شكل ميل خاص بيها
ولو انى من راى ان هذه المدونه من اكثر المدونات احتراما وثقافه ووعى
وبعدين حضرتك داخل هنا فى مدونه عارف يعنى ايه يعنى مذكرات يوميه
شخصيه بيها كون حد بيدخل ويعلق هو حر انما مش شىء للنشر والتعليم


حضرتك صح فى كلامك فى كلام كتير بس حاسه ان الكلام مش فى مكانو الصحيح
كلمه حق يراد بيها باطل
تجريح فى انسانه ممكن متكونش قصدت دا كلو


يا اخى الكريم الدعوه فن يعنى اسلوب الدعوه والنصيحه له اصول
انت تعديت تلك الاصول بصراحه فى نصيحتك لاختك
اشكرك على النصيحه ولكن ليكن كل شىء باصول

Anonymous said...

و عليكم
لماذا اعتبرت ما قلته ردا علي كلامك هجوما !!!!
الا تستطيع ان تعتبرة نقدا ام هو من حقك فقط ؟؟؟

يا هذا ... ارجو ان تكف عن اسلوبك السخيف في ان ترتدي عباءة الدين و تعتبر نفسك مرسل العناية الاهية للتحذين من صاحبة هذه المدونة و المضلين امثالنا الذين يستمعون اليها

فلتكف عن ان تظن انك وحدك المسلم و جميع الاخرين علي باطل و تلقبهم باللفظ السخيف الملل ( علمانيين ) فكل ما لا يعجبك هو علماني بغيض

لقد سئلتك بعض الاسئلة ...و قد كنت اظنك ممن يعقلوا و يستجيب بعقلانية و لكني فوجئة بتجريح منقطع النظير و لكن هذه هي سمة من هم امثالك فلا حرج عليهم

لقد سئلتك علي اي اسناد لكلامك هذا فقد تكون ان من دسست عليه هذا الكلام ...و لماذا هذا الاستدلال الخبيث به في غير موضعة الان؟؟؟ ...و لكن هيهات ان تفهم او يعي عقلك ما اقول و ليس هذا بجديد فهي عادة امثالك في ان تسقطوا كلاما من وحي خيالكم المريض ثم تصدقوة و لجعل كل المجتمع كافر و لكن تأدبا تقول علماني !!!!
لقد اصبحت علامة الاسلام و حرمت ان تكلم المراة الرجال و استشهدت انا بخير الانام المتمثلين في امهات المؤمنين ...فردد علي انه لا يصح ان اتي بهم علي لساني !!!!!!!!!!!!!

اوصل بك الصلف في ان تفرض ارادتك في ان يضع الناسما يشاؤون في دائرة اهتماماتهم ... انكم حقا قوما تجهلون
لا ادري ماذا اقول صراحة

و لكن تفكر ان كنت ذا عقل ان صاحبة هذه المدونة تفقه و تملك عقلا و حكمة تفتقد اليها انت شخصيا لانها لم ترد علي امثالك و كانت تستطيع ببساطة ان تمحو تعليقك ... و لكنها لم تفعل ... و عامة انني اتصحها ان تعرض هذا الكلام في صفحتها الرئيسية حتي تكشف و تدع للناس ما يقولون و رأيهم في ما قولت الان بمنتهي الحرية التي لا يستوعبها امثالك من دعاه تكفير المجتمع ... رحمنا الله من امثالك


اما عن الاسلوب الهابط الساقط فلقد بدأته انت عندما علقت في هذه المدونة التي هي محترمة اكثر منك

انني ادعوك ان تقرأ اسلوبك بتمهل و تتأمل لو رسول الله رئاك و انت تتحدث بهذا الاسلوب ... اكان سيوافق ان يتم الدعوة الي دين الله بهذا الشكل السقيم الفج الفظ ... و بهذه العبارات الجارحة ... ام ماذا؟؟؟

ادعو الي سبيل ربك بالحكمة و الموعظة الحسنة .. ...

ربنا يشفي بجد

Unknown said...

أنا مش عارف أقول إيه ولا إيه
الأخ دوق فليد جزاه الله خيراً تجاوز كل أساليب النصح والدعوة ..

سؤال ، هل إذا نصحك أحد بهذا الأسلوب الإقصائي الخالي من الحسنى ، ماذا ستفعل ؟؟
من المحتمل أن تزيد من المنكر !!

وهناك قاعدة شرعية تقول بأنه لا يجوز إنكار منكر فيؤدي إلى زيادة المنكر أو منكر أعظم ...

وأصدرت أحكام سريعة فالأخت لا تفهم شئ ، والأخ لا يعرف من هو علي بن أبي طالب !!

من أين علمت كل هذه الأسرار ؟!

على فكرة أنا ليا بعض التحفظات مثلاً زي موضوع الموسيقى اللي في الأول بيضايقني برضه ، بس أنا لو كلمت حد بالطريقة دي مش بس هيحطلي موسيقى في الأول ده يحطلي فيديو كليب بقى !!!

على أي حال ملحوظة سريعة ولو قررت إني أتكلم هرجع تاني
الحديث اللي حضرتك ذكرته ده يا أخي الكريم حديث موضوع
أصحابي كالنجوم بأيهم اقتديتم اهتديتم . قال ابن حزم : خبر مكذوب موضوع باطل لم يصح قط ] وقال الألباني : موضوع

راجع السلسلة الضعيفة للشيخ الألباني

سلاماً !

Anonymous said...

سلام عليك
اللاخ دوق فليد كتب تعليق على حسب ما يعتقد انه صحيح فلا نلومة و ان كنت انصحه بتغيير اسمه .. ماهو يعني لا تنصح كل هذه النصائح و تتشبه باسما كافرا مثل دوق فليد.. سمي نفسك مثلا المؤمن .. متبع السنة .. يعني حاجة من دي كويسة برضه... يلا ما علينا
الردود اللي اتردت عليه فصلت كل اللي قاله و افضلهم من فند له الحديث الذي استخدمه ..
لا اعتقد ان كل كلامه خاطيء و لكن خطيئته الكبيرى هي ديكتاتورية الحوار و هي ما احب الاشارة لها دائما في احاديثي
هو يحاور و لا يتقبل ما ينقدة ، ينقد و لا يتقبل الرد ، الموضوع كله هو انه اكتسب مفاهيم مغلوطة عن الاسلام و هو يبدوا انسانا صالحا يتبع ما علم انه من الدين و لكنه لم يكلف نفسه عناء البحث في كل مكان و ما هو مفروض علينا من فريضة البحث عن الحق في كل مكان .
و تعليقا على كلامه حول انهن امهات المؤمنات و لا يجب مقارنتهم باحد ، طيب ما الصحابة و الرسول صلوات الله عليه و سلامه هم الصحابة و الرسول و هم من هم ، فلماذا نقتدي بهم اذن؟ و لماذا تستثني اقتداء النساء بامهات المؤمنات و هم افعالهن هي الاشرف و الأجل ، ثم اليس امهات المؤمنات كانوا يرتكبون الاخطاء؟ نعم و بدون تفصيل في الموضوع و لو يكونوا معصومات من الاخطاء الصغيرة التي يرتكبوها.
و الله لو عرفت من التي تكلمت عنها يا دوق فليد لاستغفرت الله عن ظنك هذا .

Anonymous said...

Dear Bent Saad,

Do not be so negatiev life is more beatuful than we think. I can imiane that your are angry cause a lot of problems in Egypt. But one thing i want to tell you it is not advise it only what i think, so as itold you before i left in Egypt until 1995, you are richt it was veru diffcuelt. i had no care , no BMW als no Fiat 128, i used the public traffic, i did not earn alot of money. But i was very happy, it was not easy i know that, i am in Holland 10 years ago, i earn alot of money, i have a big modern car and big house i am also happy but not the same happenis as in Egypt, how it comes? thjere is many reasons for.One thing i want to say also for the lady cat_eyes who was saying just marr a riche man and it solves all problems you have. i do not think so? money makes our life very easy but is not the thing that makes us happy. Bent saad why you do not coem online, anywan see you later. Cat_eyes would you mind tha i add your mailadres on mijl messengerlijst?

Sherif Holland.

Anonymous said...

السلام عليكم ورحمة الله وبركاته
الاخوة الاعزاء
اكتب مكرها ليس للدفاع عن نفسي
فمهما اوذيت بالكلام او حتي الافعال فما اوذي احد مثل رسول الله لنتعلم الصبر وان كل شئ بعده هين
اشكر كل من نصحني لوجه الله واشكر كل من اهانوني بغير وجه حق
اما الناصحون فيهدون الي عيوبي
واما المتقولون علي بما ليس في فقد زيدت بتقولاتهم حسناتي
قال الامام علي : لا يضرنك من ظلمك فانه يسعي في مضرته ونفعك
اما عن الاسم
دوق فليد
فهو يا اخي ليس باسم كافر
لو تذكر حين كنا اطفالا كنا نشاهد كارتون جريندايزر وكان اسم قائده دوق فليد
وهي قصة تتعطر بالاحزان عن هذا الشاب الذي لم يكن من كوكب الارض والذي فقد كل ما لديه ثم جاء الي كوكب الارض
وهذا الاسم هو اسم فلسفته في قواريري الخاصة بدون ان اخوض في سببي لهذه التسمية
لذلك فاطمئن فهو ليس باسم كفار ولكن معك الحق فقد يظن اي احد مثلما ظننت واكون في موضع شبهة
ولكن عزائي انك علمت الان
اما عن الاخ الذي يشتمني دائما فتستطيعون الرجوع الي كلامه السابق وكلامي لتروا من يتهم من ؟ واضع لكم بعد من كلماته لتعرفوا من المتجني
واليكم بعض كلماته

"انا حتي لا اقادر اقول لك اخي الفاضل علشان اعتقد ان من هم امثالك لا ينتمون الي الاسلام في شئ و هم اصلا سبب نكبة الاسلام الحقيقية زلا يستحقون ان يكونوه اخوة في الاسلام اساسا

هذا ايضا لبيان انك ضيق العقل و الافق و تأول الاشياء علي غير موضعها

المشكلة ان انت و اللي زيك عملوا نفسهم اوصياء علي الناس

و لماذا هذا الاستدلال الخبيث به في غير موضعة الان؟؟؟ ...و لكن هيهات ان تفهم او يعي عقلك ما اقول و ليس هذا بجديد فهي عادة امثالك في ان تسقطوا كلاما من وحي خيالكم المريض ثم تصدقوة

و عامة انني اتصحها ان تعرض هذا الكلام في صفحتها الرئيسية حتي تكشف و تدع للناس ما يقولون و رأيهم في ما قولت الان بمنتهي الحرية التي لا يستوعبها امثالك من دعاه تكفير المجتمع ... رحمنا الله من امثالك
..........................

هذا بعض ما قاله الاخ الكريم
هل راني احد اكفر احدا ؟

الاخت بنت سعد حين تدخل لتقرأ التعليقات لاحقا سوف يكون لها حرية الحكم هل كفرتها ام لا
وحسبي الله ونعم الوكيل

الاخت همس الليل
جزاك الله خيرا ولكنني اشهد الله انني ما اردت من كلمة الحق اي باطل
لانني لست مدفوعا من اي جهة لانصح اخ او اخت في سبيل الله
وها انا ايضا اتقبل نصائحكم ولم اهاجم احدا بكل تلك الاهانات


الاخ عمر
حتي في توجيه انتقاداته كان معتدلا
وانا والله يا اخي ليس بيني وبين صاحبة المدونة اي عداوة ولا بغضاء
ولكنك للاسف مدفوع بالهجوم علي ولو تريثت قليلا لوضعت لي الف جواب يريح صدرك
من انني اخاف علي كل المسلمين
وليس احدا بعينه
وانا لم اقل انها لا تفهم شيئا
اما ان الاخ لا يعرف من هو علي بن ابي طالب ذلك لانه يقول ان نصوص الصحابة تقدس مثل الاحاديث النبوية المطهرة
ولو كان يعلم من هو علي بن ابي طالب لعلم ان الرسول قال في حقه انه منه بمنزلة هارون من موسي
او بعد ذلك قول ؟

الاخ احمد المصري
جزاه الله خيرا
اشكره علي النصح ولقد رددت علي موضوع دوق فليد حتي لا تظن بي سوءا يا اخي
اما عن المفاهيم المغلوطة عن الاسلام فلا تظلمني يا اخي
انا لا ادعي غير باني انسان مسلم
لست واعظا ولا متفقها في كتاب الله ولست علي اي عتبة من اعتاب الصالحين
ولكن صدقني
احزن يا اخي ان اري الناس تنتقد الصواب وتترك الخطأ
اي منكم
اي احدا ممن ينتقدونني
لم يكلف نفسه بانتقاد وضع خاطئ او كلمة تسخط الله في هذا المكان
لماذا حاربتم من يدعوا الي الله
حتي وان جانبه الصواب في الاسلوب
أتقتلون رجلا ان يقول ربي الله؟
صدقوني
ان هذه الامة لن تنهض بمثل ما تفعلون
ان هذا الدين يحتاج رجالا
يا يحي خذ الكتاب بقوة
اين القوة والمنعة والبأس ؟
اظنكم لو عشتم عهد عمر بن الخطاب فستخرجون عليه بالثورات
مرة اخري لا ادعي بانني افضل من اي احد

واعتذر علي هذا الرد الطويل
فهي ليست مدونتي
ولكنني كنت اظن
انها معركتي
ولست منتدبا للنصر
ولستم مدعوون للانسحاب
وأفوض امري الي الله ان الله بصير بالعباد

إيمــــان ســعد said...

اروى

ربنا يخليكي يا جميل على المساعدة ده

بجد

:)

عشت زخرا

بس اقولك حوشى الفلوس ده لحد ما تبقى 1000 جنيه مثلا و بعدها ح اقبلهم تبرع منك يا باشا

خدى بالك من نفسك و ركزى فى الامتحانات

موفقة ان شاء الله

تحياتي

إيمــــان ســعد said...

همس الليل

:))

ايه يا باشا الافكار المدمرة ده

يا فرحتك فى تربتك يا ميكافيللى

الغاية تبرر الوسيلة

:))

عملوها الوحوش

بس بجد دماغك عالية جدا يعني

خلى بالك منها

:)

تحياتي ايتها الرقيقة

إيمــــان ســعد said...

شريف

:)

كلامك فى الجوون صراحة

بجد انا مش يائسة

بس هو اوقات نوبات الاحباط ده بيكون لا مفر منها

و اطمن بدأت اظهر على قيد الحياة تانى

تحياتي اليك فى هولندا البعيدة

إيمــــان ســعد said...

دوق فليد

جزاك الله خيرا على النصيحة و ان كانت بطريقة جارحة بعض الشيئ

و لكن لا بأس
اخذت عهد على نفسى الا ادخل في مثل هذه النوعية من حوارات الطرشان يا اخي
ان كانت مدونتى لا تعجبك فلا تدخلها كي لا تضيف الذنوب الى رصيدك يا اخى

شكرا

إيمــــان ســعد said...

الاخوة

some body

احمد المصرى

عمرو

همس الليل

جزاكم الله خيرا كثيرا على توضيح وجهة نظركم

و الله انتم نعم الاصدقاء حقا

كنت اريد ان يكون ردى اطول من هذه الكلمات البسيطة ولكنى فعلا فى حالة مزاجية ليست بالطبيعية

جزاكم الله خيرا كثيرا مرة اخرى و شكرا لكل كلمة كتبتوها سواء في توجيهي او فى الثناء علي

تحياتي لكم جميعا يا اصدقاء

Anonymous said...

السلام عليكم ورحمة الله وبركاته
تقول الحكمة
الدنيا جيفة فمن اراد منها شيئا فليصبر علي مخالطة الكلاب
اما مدونتك فنحن لا نعصي الله
انما هي كما يقال مستنقع دخلت فيه ناصحا لوجه الله ففوجئت ب....والحمد لله رب العالمين
لذلك لست حريصا علي دنياكم التي تصفقون فيها لبعض
لن نعود
يا بنت حسني

Anonymous said...

السلام عليكم ورحمه الله

ايه يا جماعه اللي بيحصل دة لا و الله بجد مفيش حد عارف يكلم حد بما يرضي الله
هو انتو في حرب

كلام جارح و تقطيع في بعض
الأخ اللي وجهه انتقادات للمدونه كانت معظمها صحيحه و تنم عن واقع و إن كان قد فاجئكم و أعطى جميع التعليقات دفعه واحدة و لكنها الحقيقه و الكل لازم يعرفها مش بنت سعد فقط
و دة كله من خوفه عليكم و ليس تظاهرا منه بالإيمان و أحسبه كذلك
و انا لاحظت ان الناس بتهرب من المدونه بسبب الوضع اللي بقت فيه
تساهل في الكلام و مواعيد على النت
طبعا المدونه دي بتاعتك يا بنت سعد و انتي من حقك تقولي اللي عايزاة و لكن انتي فعلا بتغيري في الناس بكلامك و في ناس شايفاكي قدوة انتي في موقع مسئوليه فخلي بالك

للأخ دوق فليد
حضرتك مش غلط و لكن ليه بعد عرض الفكر بدأت تتكلم زيهم يعني ايه مستنقع النت" و نبح الكلاب
ليه محافظتش على مستوى الرقي في الكلام ليه تعطي لحد فرصه يقول اهو هو دة المتدين اللي بتكلموه عليه مهو بيتكلم زينا، فين الدين بقى انا عارفه ان الكلام كان جارح جدا و خصوصا منsomebody
و الذي وجهه شتائم و قذف و ليس نقد و أرجو ان يراجع نفسه فلا يحق له ان يجعل المدونه في هذا الوضع المتدني بسبب كلامه

و لكن ليكون دعائنا دعاء الرسول
اللهم اهدي قومي فانهم لا يعلمون

Anonymous said...

الي احلامنا
جزاك الله عني كل خير
ويابي الله الا ان يخرج انسان ويقول كلمة الحق
فاللهم لك الحمد ولك الشكر ان في أمة محمد من هم صامدون علي الحق وبه يحكمون
ولكن ايها الاخت الفاضلة يبدو ان الناس تريد الحديث عن كل شئ الا واقع تلك الامة
والكثير يدافعون عن الباطل لانه اخذ سطوة الشرعية
فصرنا نري من يدافعون عما هو خاطئ
ونحن لم نكن ننتقد
واشهد الله ورسوله اني كنت انصح
انصح وانا اتمزق
وانا لم اتدني في حديثي مع احد
انما كنت اقول حكمة ربما تحرك شيئا في الضمائر
والله ذكرني كلامك بصديق عزيز في غربة وافتقده كثيرا
ارجو ان تثبتي علي الحق دوما
وارجو ان تواصلي
والله المستعان
وارجو منك ومن كل من هم مثلك ان يعطونني افكارهم واقتراحاتهم لانني بصدد عمل مدونة
حتي لا نضايق احدا
والله المستعان

إيمــــان ســعد said...

رجاءا خاصا

بعدم التعليق على هذا الموضوع اكثر من هذا

و رجاء خاص اخر

بطرح وجهات النظر دون استخدام الفاظ بذئية

نحياتى و سأضطر لالغاء اى تعليق

رجاء احترام رغبتى

تحياتي

Anonymous said...

الوالد برضه .. أخر مرة افتكر انه "تكلم و هو مبسوط بيا .. كانت ساعة نتيجة الثانوية العامة.. بعد كده بقه يقول انا ربنا ابتلاني ب3 أمراض.. الضغط و السكر و ايمان.. بس عادي جداالراجل برضه حكم السن و كفاية انه استحملني 21 سنة و كام شهر اهوه" your Fathe has Homur...bravo... he is the best, you have... now and later..

Anonymous said...

Hallo Bent Saad,
"Kouliat El Qumma" = Fakulität der Spitzenposition...... Die haben dich veräppelt damit. Es gibt keine Spitzen- und Bodenfakultäten an der Universitäten. Die Gesellschaft braucht jeden. Sie braucht sowhol die Sozialwissenschaftler, Lehrer, Engineur, Historiker, Geograpfen, Mediziener oder auch Pharmakologen Biologen, Philosophen u.v.a.m Nicht nur das brauct die Geselschaft.

Sie braucht nicht nur akademiker sondern auch den einfachen Arbeiter und Arbeiterinnen und den Handwerker wie zum Beispiel Bäcker, Friseur, Klempner, Hausmeister, Müllabfuhmitarbeiter, Straßenbauer, Autoschlösser...usw.
Es ist ein SYSTEM besteht aus Mitgliedern, die sich gegenseitig ergänzen und Leistungen liefern damit eine Kommune (comunity) exitieren kann.
Die Sichtweise in Ägypten ist schief und reduziert das Studium an der Unis auf "KOULIAT EL QUMMA !!!" und alle wollen hinterher, ohne nach zudenken was das ist, ob er dafür begabt oder nicht (Das schönst in deinem Fall fand ich, dass du deinen Weg allein suchst,ohne MAMA, und PAPA und weißt was du willst)
Erst wenn die Gesellschaft, alle respektieren. Erst wenn wir alle Dienstleistung auch mit fachmännischem Können liefern und dafür (höflich = polite) gerechte Lohn verlangen (Frage mal deinen Vater, falls er ein Auto hat und versucht das Auto zu reparieren, wieviele Pfunds er für NICHTS (NOTHING) bezahlt,ohne gegenleistung..... Ya PAPA, El Michaniky Kharab Beety)...

Also versuche mal das Beste aus deinem Pharmacolgy-Studium zu machen und nicht als gute und sauber Verkäuferin zu sein.

Noch eine kleine Gescichte am Rande:
Als ich klein war, hatten wir -in Alexandria- einen Apotheker (= Pharmacoligist), dessen Eltern aus Griechenland stammen, davon gab es vile in Alexandira. Ich habe diesen Apotheker vergötert, weil er sehr gut und in seinem Wissen umfassend gehabt hat.(was wir heute als "Allround man" nennen). Er hat mir gesagt, ein Apotheker (Pharamcologist), soll wie ein Philosoph sein, nicht nur Medizin verkaufen, sondern auch alles gut kombinieren können Patient + andere vorhandenen Krankheiten / Schwäschen + anderen Organe in Betracht ziehen muss, bevor er ein Medikament ausgibt. (die Kombinatorik spielt bei der Nebenwirkung der Medikamente sehr großer Rolle). Ich habe vor 3 Jahren eine, als ich auf Besuch in Alexandria war, eine sehr gute Apothekerin (Woman), die mir gute medizinische Rat gegeben hat. (Ich will dami sagen, dass auch sehr viele Ägypter als sehr gute Apotheker natürlich gibt).

Also Ich wünsche dir das Beste für dich. Grüße die Ägypter und Ägypten, schreibe weiter nie aufhören dich zu artikulieren.

Masery seit 30 Jahren im Ausland.
Jabor@gmx.de

Anonymous said...

ana 3aref ya bent sa3d that u r not goot at germany
so
here is the translation:

faculties of the top (كليات القمه)position ...... Those have you veräppelt thereby. There are no sharpening and soil faculties to the universities. The society needs everyone. It needs sowhol the sociologists, Teacher, Engineur, Historian, Geograpfen, Mediziener or also Pharmakologen biologist, Philosopher and.v.A.m does not only brauct the Geselschaft.

It needs not only university graduates but also the simple worker and female workers and the craftsman like for example bakers, Hairdresser, Plumber, Caretaker, Müllabfuhmitarbeiter, Road maker, Car mechanic…etc.
It is a SYSTEM consists of members, mutually complement each other and achievements supply thereby a municipality (comunity) exitieren can.
The aspect in Egypt is inclined and reduces the study to the universities to “KOULIAT EL QUMMA!!!“and all want afterwards, without after zudenken which that is, whether it for it talented or not (preserve in your case found I, that you look for your way alone,without MUMMY, and DAD and knows which you wants)
Only if the society, all respect. Only even if we supply all service with expert being able and but (politely = polite) fair wages to require (question times your father, if it has a car and the car tries to repair, how many Pound it pays for NOTHING (it EMERGENCY-HUNG),without return…. Ya DAD, El Michaniky Kharab Beety)…

Thus times the best from your Pharmacolgy study tries to make and be clean not as good and a shop assistant.

Still another small Gescichte at the edge:
When I was small, we had - in Alexandria a pharmacist (= Pharmacoligist), its parents from Greece come, of it there were many in Alexandira. I vergötert this pharmacist, because it had very well and in its knowledge comprehensively.(which we call today as “Allround one”). He said to me, a pharmacist (Pharamcologist), is to be like a philosopher, do not only sell medicine, but also everything well to combine patient + other existing diseases know/ Schwä + other organs to consider must, before it spends a medicine. (the combinatorial mathematics plays during the side effect of the medicines of very large role). I have one before 3 years, when I was on attendance in Alexandria, a very good Apothekerin (Woman), me the good medical advice gave. (I want to say dami, that also a great many
Egyptian as very good pharmacists naturally gives).

Thus I wish you the best for you. Greet the Egyptians and Egypt, write further never stop you articulating.

Masery for 30 years abroad
mashya ma3k 7alwa ya 3m
تحياتى

Anonymous said...

ana 3aref ya bent sa3d that u r not goot at germany
so
here is the translation:

faculties of the top (كليات القمه)position ...... Those have you veräppelt thereby. There are no sharpening and soil faculties to the universities. The society needs everyone. It needs sowhol the sociologists, Teacher, Engineur, Historian, Geograpfen, Mediziener or also Pharmakologen biologist, Philosopher and.v.A.m does not only brauct the Geselschaft.

It needs not only university graduates but also the simple worker and female workers and the craftsman like for example bakers, Hairdresser, Plumber, Caretaker, Müllabfuhmitarbeiter, Road maker, Car mechanic…etc.
It is a SYSTEM consists of members, mutually complement each other and achievements supply thereby a municipality (comunity) exitieren can.
The aspect in Egypt is inclined and reduces the study to the universities to “KOULIAT EL QUMMA!!!“and all want afterwards, without after zudenken which that is, whether it for it talented or not (preserve in your case found I, that you look for your way alone,without MUMMY, and DAD and knows which you wants)
Only if the society, all respect. Only even if we supply all service with expert being able and but (politely = polite) fair wages to require (question times your father, if it has a car and the car tries to repair, how many Pound it pays for NOTHING (it EMERGENCY-HUNG),without return…. Ya DAD, El Michaniky Kharab Beety)…

Thus times the best from your Pharmacolgy study tries to make and be clean not as good and a shop assistant.

Still another small Gescichte at the edge:
When I was small, we had - in Alexandria a pharmacist (= Pharmacoligist), its parents from Greece come, of it there were many in Alexandira. I vergötert this pharmacist, because it had very well and in its knowledge comprehensively.(which we call today as “Allround one”). He said to me, a pharmacist (Pharamcologist), is to be like a philosopher, do not only sell medicine, but also everything well to combine patient + other existing diseases know/ Schwä + other organs to consider must, before it spends a medicine. (the combinatorial mathematics plays during the side effect of the medicines of very large role). I have one before 3 years, when I was on attendance in Alexandria, a very good Apothekerin (Woman), me the good medical advice gave. (I want to say dami, that also a great many
Egyptian as very good pharmacists naturally gives).

Thus I wish you the best for you. Greet the Egyptians and Egypt, write further never stop you articulating.

Masery for 30 years abroad
mashya ma3k 7alwa ya 3m
تحياتى

إيمــــان ســعد said...

استاذي المجهول

:)

و الله كل الكلام اللى بتقوله انا متفقة معاك عليه

انا لما قلت كلية مرموقة كان قصدى السخرية فى المقام الاول

لكن انا فعلا نظام كليات قمة و قاع ده

:)

بأحتقره اوىى

لولا انى اساسا باحب شغ الصيدلية مكنتش دخلتها من الاول
مش نظام استخسرت مجموعى مثلا زى ما ناس كتير بتعمل

كل ما هنالك

ان لاقيت فجأة كل الاحلام بقت فى مهب الريح

انا مش متعودة انى افقد الامل بسرعة

لكن

اتفقعت

حسيت ان الحلقة بتضيق و كل ما تضيق اقول ح تفرج

فتضيق اكتر

:)

و بعدين بقالك 30 سنة بره مصر

:)

انا عايزة اقعد 10 سنين بس اتعلم و اجي تانى
و بعدين ادينى باتعلم عشان عايزة اتقن مهنتي و خصوصا انى برضه دايما باقول ان الصيدلى الكويس ممكن يكون اقرب للناس من اى حد تانى


عموما تشرفت بزيارتك

:)

نتمنى تكرارها


تحياتي