Tuesday, April 15, 2008

اه يا بلد زبالة


بعد الاحكام العسكرية التى صدرت على قيادات الاخوان المسلمبن
لا يوجد عندي سوى
آه يا بلد زبالة
(())
اعجبتني جدا مسرحية شعرية او هكذا اعتقد انها كذلك
لكنها واقعية ايضا
تجدونها في هذا اللينك

13 comments:

Khaled gad said...

il.comبرغم حزنى الشديد على حبس هؤلاء الاشخاص فهم بحق أناروا سماء الحرية بشجاعتهم الا انى مانكرش حزنى الاكثر على مواقف الاخوان الغير المفهومه من النظام , و بدون سفسطه او ادراج مواقفهم تحت اى بند من الذكاء السياسى او التريث او كل هذه الادعاءات , فهم كانوا فى منتهى السلبية عندما هب الشعب لاول مره منذ فترة طويله ليطالب بحقوقه
وعلشان كده انا النهارده هحزن شويه لحبس الشاطر و مالك و زمايلهم بس مش هحزن خالص لجماعه الاخوان ولن اقف يوما مدافعا عنهم مثل ما كنت افعل قبل ذلك , نعم احترم اشخاص داخل الجماعه لكن ليس التنظيم نفسه
فالاخوان للاخوان و لا عزاء لغير الاخوان و بالمثل غير الاخوان لغير الاخوان و لا عزاء للاخوان

مزجانجى said...

بس هم يضحك وهم يبكى

لما بتاع هايدلينا مصاص الدماء ياخد براءة دة عادى

لما ابن سوسو يقعد يتكلم فى التعليم ويهجص ويسرح بالشعب دة عادى

لما ابو السموات المفتوحة وعصر الفضا يقول الانتخابات بتاع المحليات شريفة ونظيفة و مبارك علينا دة عادى


اشمعنى لما الاخوان يدخلوا السجن دة يعنى اللى مش عادى

عيشوا الواقع بقى

انتوا متوقعين ان ابليس يلبس ابيض ويروح الحج كل سنة

على فكرة نسوا يضيفوا للتهمة الموجهه للاخوان سب الذات العليه لرموز الحكم البهية

جبهة التهييس الشعبية said...

البلد مش زبالة يا ايمان
هي ذنبها ايه؟

تلميحاتى - يوسف الشافعى said...

صحيح بلد زباله لان مافيش فيها رجاله زى مكنا بنسمع منهملما جه وأت التنفيذ يوم 6 ابريل رجعو لورا وأعدو بس كانو بينفخو فى النار عشان تعلل بعيد عنهم ويأعدو يتفرجو
صحيح بلد زباله لأنكم متهيأ لكم ان الاخوان بتوع دين مش دنيا بس الحقيقه انهم دنيونين وعاوزنها تيجى لعندهم بدون تعب
هو لما واحد يخرب اقتصاد بلد وياخد جزاؤه يبأااا شريف ومعتدى عليه ؟
أووليلى بالله عليكى 88 غضو فى مجلس العب عملو ايه اكتر من انهم زودوا الاسعار وبأت نار من ورا الاحتكار اللى همه سبب رئيسى فيه
فليسجن كل من تسول له نفسه ان يعيش مرفه والشعب مش لاأى ياكل
أوليلى مين فى اللى انسجن ممعاهوش أد مزانية دوله

Anonymous said...

و النبى الآنسة بتاعة جبهة التهييس تركن على جنب شوية لأنك بصراحة مش قادرة تدارى كرهك الشديد للإخوان
و بعدين كلامك ملوع و عمرك ما كملتى جمله على بعضها مانتيش طالعة دوغرى زى أبوكى.

و كفاية رد فعلك عن الأحكام اللى كاتباه على مدونتك، عاوزه تشعلليها نار و خلاص
قال بتقولك الإخوان مستنيين إيه
سألتك على مدونتك و مردتيش
إنت نفسك الإخوان يعملوا إية
و من....عقلك بتتهميهم بالخوف
إشهدوا يا جماعة على العقل
يا آنسة نوارة
الإخوان مش مستنيين يعملوا حاجة لأنهم بيعملوا ليل نهار و الحكومة مابتعاقبش إلا اللى بيعملوا عشان حرية البلد و أقسى العقوبات دايما من نصيب الإخوان دليل على إنهم أكتر ناس بتشتغل
إنت بقى ماتخديش ولا يوم سجن ليه
عشان إنت قاعدة على الكمبيوتر و عمالة تكتبى و تشتمى و خلاص إنما شغل مفيش و كمان مش عاجبك الإخوان و بتقولى خايفين ، خايفين إزاى يا محترمة و كل واحدمنهم مهدد إنه يضيع مستقبله هو و عياله ورغم كده مستمر فى عمله للبلد يبقى فين الخوف يا آنسة
شغلى الجمجمة شوية
يا ريت لو ح تردى أبقى إكتبى كلام واضح يتفهم منه قصدك بالظبط

Anonymous said...

أهو إتفضلوا
واحدة بتقولك الإخوان مابيعملوش حاجة و مستنيين إيه
و التانى اللى بعدها مش عايز الإخوان يعملوا حاجه
محدش عاجبه حاجة

عاشــــــ النقاب ـقــــة"نونو" said...

الغريب انهم بيتهموهم بانهم جماعة محظورة تخيلي جماعة محظورة منتخبها الشعب ولها 88 مقعد
يبقى الشعب دة ايه كمان؟؟؟
الاخوان لما ما شاركوش في الاضراب قالوا الاخوة الاعداء
لهم اصلهم عقدوا صفقة مع الحكومة انهم يفرجوا عن المعتقلين والمحاكمين ويفرج عنهم وطلعوا في كل المدونات السودة يقولك الاخوان باعوا البلد والشعب عشان ما فيش مصلحة
اصل الاخوان خايفين على انتخابات المحليات
طيب اهم قاطعوها
رجعوا وقالك في مجلس الشورى الاخوان هم اللي سببوا الفوضى والاضراب
وجم اهم اتحاكموا محاكمات غير شرعية
انتوا عاوزين الاخوان يعملوا ايه بالضبط
قلتوا انهم عاوزين حكم وقالوا مش عاوزين حكم طلعتوا تقولوا شفتوا اهم خرعين مش عاوزين ولاعارفين يحكموا البلد
انتوا يا بني ادمين يا اللي بتهاجموا الاخوان عاوزين منهم ايييييييييييييه؟؟
معلش يا اخت ايمان اول زيارة لحضرتك بس انا استويت الحقيقي
من كلام الناس اللي بتعادي الاخوان وخلاص
على فكرة انا ماليش في الاحزاب خالص ولا اخوان حتى
تحياتي لحضرتك بس بلدنا مش زبالة الله يعزك انما فيها ناس بتخليها تتوه في الزبالة

Anonymous said...

ههههههههههههه
والله انتو عالم مسخرة

abderrahman said...

البلد مش زبالة
الناس هي اللي زبالة
وبعدين، دول ناس أحسن من غيرهم يا إيمان
انا مش ببرر، طبعا كل واحد فيهم ليه أهله والناس اللي بيحبوه، بس صدقيني فيه ناس كتير بتفرموا في احكام ووساخات زي دي ومحدش يعرف عنهم حاجة، ولا ليهم لا جماعة ، ولاقنوات و مراكز حقوق ولا أي حاجة
**
الصراحة عشان مبقاش كداب
نفس الكلمة دي قلتها امبارح بعد كذا موقف وسخ شفتهم
:(

the others said...

البلد مش زبالة الحكومة هيا اللي زبالة وكل المتواطئ معاها

romalistic said...

ممكن تحطى كلمة حكومة بدل بلد
:)

أنا معجبة أوى بجملة "التهمة .. مصرية" .. فعلاً الواحد لما يكون مصرى زيادة ده تهمة للأسف

أحييكى على المدونة الجميلة

أحمد سعيد بسيوني said...

عندك حق

N35 said...

اخي بحب مصر..
حياك الرحمن وجزاك خيرا على احساسك الجميل

اسمح لي بتعليق بسيط على كلامك التالي

و بدون سفسطه او ادراج مواقفهم تحت اى بند من الذكاء السياسى او التريث او كل هذه الادعاءات , فهم كانوا فى منتهى السلبية عندما هب الشعب لاول مره منذ فترة طويله ليطالب بحقوقه

هذه التبريرات المقبولة والتي سميتها انت ادعاءات اظن ان الاخوان كانوا محقين فيها تماما..
وتحول الاضراب لصورة مشاغبات-كانت لا شك ستوجه التهم اليها بالتسبب فيه وتستغلها الحكومة فرصة لضرب البقية الباقية من تعاطف الناس مع الاخوان

ثانيا من حق اي جماعة ان تصيغ موقفها السياسي وفقا لرؤيتها ،فهي وحدها المسئولة عن نتائجها اذا نجحت او فشلت،ولا يجوز ان يطالب احد جماعة الاخوان بما لا تحتمل او لا حتمله صفها الداخلي في فترة من الفترات

دائما بيقولوا..اللى ايده في المية مش زي اللى ايده في النار

هم من سيهانوا وتعتقل كوادرهم ..اما غيرهم فسيحترف الكتابة والنقد وكأنه نصّب نفسه مرشدا عاما للجماعة

ما يستفزني جدا هو احساس بعض الناس او تلميحهم الى عجز القيادات الفكرية والسياسية في الاخوان..او عن العشوائية والتخبط في اتخاذ القرار..وهذا بالكلية اتهام باطل وغير صحيح

-------------

امر اخير..
جماعة الاخوان لم تدخل كتنظيم في الاضراب
لكن على مستوى افرادها..لا أظن ان واحدا منهم لم يشارك فيه