Wednesday, December 06, 2006

حوار مع مواطن...مجهول

لم اجد وقت كافي للكتابة الأيام الماضية
أو حتى للقرآءة
شعور باننى أصبحت مدهوسة في عجلة الحياة لم يكن يفارقني
المهم أننى لاحظت أن كل اللقاءات و الحوارات تتم مع شخصيات معروفة
سواء في السياسة أو الاجتماع أو في أي من مجالات الحياة
و سؤالي المعتاد
كم منهم لم تتلاعب الشهرة بنفوسهم؟
أي انهم فعلا لا يخافون في الحق لومة لائم
المهم اننى فكرت لماذا لا اتحاور مع مواطن عادي
لم تعرف الشهرة سبيلها اليه
و لن تخضع حساباته لأي ضغوظ خارجية
بحثت فيمن اعرفهم من عالم التدوين السياسي
فوجدت أن انسب شخصية لذلك الحوار
هو ماك صاحب مدونة دماغ ماك
المهم بعثت له بالاسئلة
و اجاب عليها جزاه الله خيرا في نفس اليوم
و بعث لي الاجابات
سأترك تعليقى على اجاباته في النهاية
اليكم الحوار
***********
كم عمرك ؟
24 عاما

ما الذي دفعك للمشاركة فى الحياة السياسية ؟
خنقتي من ظروف البلد و الحياة السيئة اللي الناس عايشاها
و فيه دول اقل مننا عايشين احسن مننا
هل يوجد في عائلتك من هو مهتم بالسياسة و المشاركة فيها ؟
لا
ما المراحل التى مررت بها منذ البداية حتى وصلت الى كونك عضو فعال فى الحياة السياسية ؟
الاولى: اتيت لمصر في سن صغير فمكنتش بفكر في الحاجات دي و مش واخد بالي من الفرق بين برة و هنا
الثانية: رجعت سافرت تاني و شفت الفرق
الثالثة: بدأت اتعامل المعاملات الحكومية العادية في المصالح الحكومية و لتاني مرة شفت الفرق
الرابعة:احتكيت بالشارع و بالناس اكتر و بالحياة اكتر و بدأت اميز قد ايه احنا مضحوك علينا...و حسيت بده اكتر ايام انتخابات الرئاسة و كمان لما شفت و سمعت عن اساطير التزوير في انتخابت مجلس الشعب و شفته بعيني في قريتي اللي انا منها
الخامسة:فيديوهات التعذيب....قتللتني جدا
السادسة :كنت عايز اشارك و افهم و اتكلم مع الناس بس مش عارف الطريقة
السابعة: دخلت عالم المدونات وتعرفت على بعض المدونين و بدأت اشارك في المظاهرات و الأعتصامات
ما تعليق أهلك و زوجتك على ما تفعله ؟
امي خايفة بس مش ممانعة.. مراتي: انت مجنون
لماذا ترفض الانضمام الى احد التجمعات الحزبية او الشعبية بوجه عام ؟
ممكن علشان انا طول عمري ما بحبش حد يسيطر على تفكيري او يتحكم فيا..و كمان انا عمري ما بثبت على طريقة معينة في الحياة او التفكير دايما بغير لما بلاقي حاجة احسن و افيد...و ايضا انا دايما بحب اطور في طريقة عملي و مش عايز حد تفكيره منغلق يقولي في يوم لا...مش هاينفع....و في النهاية انا بحس ان كل المنظمات الحالية الموجودة اصحابها لهم اهداف شخصية فا ببعد نفسي عن اي قلق و وجع دماغ..و اخيرا دة اريح
تعاملت مع كثير من المعارضين المعروفين .. فما وجهة نظرك فيهم ؟
و ما رايك في حال المعارضة المصرية عموما ؟الكثير مؤمن بالقضية ..بس محدش بيسمع عنهم..و فيه ناس وخداها شهرة و منظرة
بالنسبة للمعارضة شايف انها اكيد حركت الناس بس لسة مش منظمة...و بدأ الفساد يدخلها و الاهواء الشخصية
هل ترى ان هناك امل فى انصلاح الاوضاع عن قريب ؟
ام ستستمر هذه الفترة العصيبة لفترة ابعد مما نتوقع ؟؟
مفيش حاجة واضحة في الافق....و حاسس انه لسة بدري على ما ينصلح الحال
من وجهة نظرك كشاب مصري .. ما هي التحديات التي تواجهك
لكي تشعر بالامان الاجتماعي و المادي و السياسي في هذا البلد ؟
1: اعرف واجباتي و اعرف حقوقي بوضوح
2:ابطل يبقى كل تفكيري هاقدر ااكل علتي و البسهم ازاي
3:اعرف ان مادام لياحق هاخده و في اسرع وقت و من اي حد مهما كان مين في البلد لان العدالة البطيئة زي الظلم وهو دة الاحساس بالأمان اللي اهم من الأحساس من الامان من السرقة والقتل والجرائم العادية
ما الذي ينقص شعب مصر للقيام من تلك الكبوة التى طالت ؟
نظام تعليمي جديد و مفيد علشان يبدأ يوعى اللي مضحوك عليه لان فيه ناس غلابة لسة فاكرة ان البلد في احسن حال
من الذين تقرا لهم من الصحفيين الكبار ؟
هيكل..مفيد فوزي.صلاح منتصر.انيس منصور.مجدي مهنا.ابراهيم حجازي
واي حد تاني عيني تقع على كلامه و ناس تانية بصراحة انا مابفتكرش اسماء
ما البرامج التى تهتم بمتابعتها و لماذا ؟
انا مدمن افلام و مزيكا ولو فيه حوا باربرا والترز عاملاه مع حد و مابتفرجتش على برامج تانية
الا حبت برامج خفيفة و لذيذة و ولا برنامج سياسي بتفرج عليه
هل تهتم بالقرآءة او عموما معظم الاخبار تصلك عن طريق التليفزيون و الاصدقاء ؟
انا مدمن قراءة بطريقة مرضية لدرحة اني لو وااقف في الشارع و شفت ربع ورقة على الارض ممكن يحصلي حاجة لو ممسكتهاش و شفت مكتوب فيها ايه و بقرأ اي حاجة مهما كانت
ما هى خططك بالنسبة للمستقبل السياسي ؟
سياسيا حفضل احاول لحد ما نظام البلد يتغير و نرجع بلد كبيرة و شعب عظيم و ساعتها هاهدى و اقعد في بيتنا
************
كانت تلك اجابات شاب عادي .. مثل عدة ملايين يعيشون في هذا البلد
و كمثلنا يحلم ببلد أفضل
هل سيتحقق حلمنا عما قريب ؟
أم نعتبره أضغاث أحلام و ننساه
***
تحياتي

12 comments:

رجل من غمار الموالى said...

حوار جميل جداً..
فكرة جميلة

MaMaDo said...

La2 ya setty mesh ad'3ath a7lam wala 7aga, ana lya rad mesh mohazab 2awy bas ha2olo w 3awady 3ala Allah. DA 3AND OMMO YA ADHAM

الأغاني للرأفتاني said...

الفــرج قادم يا بنت سعد والله..بينا او من غيرنا
ان شاء الله هتفرج وربنا ياخد اللى فى باللى
قولوا آمين
لا بصوت عالى شويه

Gemyhood said...

الاسئلة عادية جدا عاملة زى اسئلة القناة التانيه الحكومية كدة ليه ؟

أحمد المصري said...

قلقتينا عليكي يا بنت سعد ..
المهم حمد لله على السلامة
فكرة جميلة و حوار اصغر من الكلام الذي مهدتي به للحوار و لكني اقترح عمل اكثر من حوار مع اكثر من شخص لتيكون استعلام عن اراء المواطن العادي.
المهم انا اريد ان اضيف هنا.
ان كثر منا قد دخل عالم التدوين السياسي ليس كنوع من المشاركة الفعاله في الحياة السياسية و لكن كنوع من الوجاهة الاجتماعية و ليقول انا اكتب او انا ادون او او
و لكن المشكلة انكي ما ان تخطي ذلك الباب و تري ما بداخله تبدأي في نسيان كل ذلك .
و المشكلة الاكبر التي احذر منها من يريد الخوض في هذا العالم و ان يبحث عما يحدث حوله
أنه لن يستطيع ان يرى العالم ثانيا كما كان يراه.
لن يستطيع ان يرى مصر كما كنا نراها و نحن صغار.
ستقع عيناه دائما على البقع والاوساخ اولا ثم ان بحث عن شيء ابيض فربما يراه و ربما لا. و هذا لعمري لشيء مؤلم جدا يا بنت سعد ان تحسي بالامل في عيون اناس ينظرون الى شيء ما و انتي لا تري فيه الا ما هو قذر.

شــــمـس الديـن said...

السلام عليكم و رحمة الله و بركاتة

الحوار رغم انه بسيط الا انه جيد جدا ... لانه يعبر ببساطة عما يشعر به دون تعقيدات

الفكرة جيدة ...
و لكن لي تعليق علي كلمة لفتت انتباهي يا اخي الفاضل احمد المصري
ليس كل من دخل عالم التدوين سعي للشهرة ...لان هناك اناس لا يكتبون باسمائهم الحقيقية ...و هناك اناس لا يعرف اهلهم معني كلمة مدون او قد لا يعيرون الامر اهتماما البتة

كل ما هنالك انها نافذة نطل بها علي العالم الرحب الفسيح لنتواصل مع اصحاب نفس الاهتمام ...

علي كل انني احب ان اعرف كيف يفكر "الاخر " و احترمة ايا كان :)

مع خالص تحياتي

HANY said...

اختى الكريمة :

جميعنا دخل الحياه السياسية من دافع البحث عن غد أفضل , وليس سعيا وراء سلطه , أو مال , ولو اردنا ذلك لانضممنا الى , حركات المال فى الشارع المصرى وهم كثر , وعندما يتحقق هذا الغد الافضل وهو قريب ان شاء الله , سوف نترك هذا المجال , ونتحول الى الوعى الاخلاقى والاجتماعى , بس قولى يا رب

وتقبلى تحياتى

Anonymous said...

فكرة كويسة بس موش محتاجة لستة أسئلة، محتاجة حوار

Anonymous said...

Dear MAc and BenstSaad,

It is a very good intervieuw, i am gee with you MaC that the deffrence between Egypte and other countries which considers les than egypt is big, we are going back and not forword, you are right when you siad that education is the most important thing at the moment. i have also never joind a politikel party when i was in egypt because it it is very importnat to be free to think . Anyway BentSad it was a great idea. See you later in januari in cairo if God wil. Have a nice day


Sherif

إيمــــان ســعد said...

رجل من غمار الموالي

جزاك الله خيرا
:)

*****

mamado

ممممم

و الله مش فهمت التعليق بتاعك قصدك به ايه

بس خير ان شاء الله

ح اعيد اختبار قدراتى الذهنية

******

المهاجر المصري

آآآآآآآآآآآآآآميييييييييييييين


اللهم استجب

*****

جيمي هوود

يا راجل .. بيتهيالى انها قريبة اكتر من اسئلة القناة الاولي

:)

ركز شوية قبل ما تشبه

******

احمد المصري

فكرتك فعلا في دماغي يا احمد
انى اكرر الحوار مع شخصيات ذات توجهات سياسية مختلفة

مممم تعرف نظرية كيس الزبالة ؟

لو فيه شارع نظيف بس حد رمى كيس زبالة فى الشارع ده. اللى ح يمر فيه بعد كده ح يقول ان ساكني الشارع دول ناس مش نظيفة.. مع ان واحد بس هو اللى تسبب فى المنظر القبيح ده

للاسف ما دام طول الوقت العدسة المكبرة على القبيح

اخاف من نكره الوطن فيما بعد

*******
شمس العزيزة

:)

التليباثي لا ينقطع بيننا ابدا

كأنك تقراين افكارى يا عزيزتي

*******

هاني

لم اعتد ان اعمم قاعدة يا هانى
لان الاستثناء هو الذي يثبت القاعدة

او لكل قاعدة شواذ كما يقولون

فلا تحكم حكما مطلقا على ضمائر لا نعرف نحن عنها شيئا .. اعلم ان الكثيرين غرضهم رفعة هذه الامة و من اجل هذا دخلوا عالم التدوين لرفع رابة الحق ولكن هناك دائما المستفيدون من هذا و الباحثون عن الشهرة في خضم هذا الركب


و كما قلت انت

ياااااااا رب

*******
روميو

معلش هو انا كان الموود بتاعي مش اد كده الفترة اللى فاتت
عشان كده يمكن الحوار جه اقل من المتوقع

بس ملحوقة ان شاء الله

لنا عودة

******

شريف

:)

تحياتي لك في بلاد الغربة اولا

جيت على نقظة مهمة الا وهى التعليم

فيه بيت شعر بيقولك

ذو العقل يشقى فى النعيم بعقله * و اخو الجهالة بالشقاوة ينعم

و الحمد لله الدولة تسعى الى جعل التلاميذ كأخي الجهالة ذاك


ممم و طبعا عندك حق انك مش تلاقي فائدة من الانضمام لاى حزب لما كنت فى مصر. يعنى معظم الاحزاب .. مجرد ديكورات تزين لوحة النظام

لكن فى احزاب جديدة كحزب الوسط في رأيي ممن رأيت فيه املا
لعل و عسى

من يدري

اراك على خير ان شاء الله

*******

تحياتي لكم جميعا يا شباب

admelmasry said...

تملي رائعة


ومالكيش حل

فكرة بمليون جنيه


تحياتي

إيمــــان ســعد said...

اخجلتم تواضعنا يا ادم

من بعض مما عندكم يعني

تحياتي
:)