قرأت و قرأت و قرأت
قرأت عن اشباه المثقفين
و عن أشباه الوطنيين و المناضلين
و كلماتهم المبتذلة
و عن أولئك الاقزام الطوال
و مواقفهم المتخاذلة
و لكني في كل ما قرأت
لم اشعر بالعزة و الكرامة
كما شعرت بها و انا اقرأ عن
نضالكم في سبيل نيل حقوقكم
لستم تريدون احسانا من أحد
و خضع لكم النظام بكل جبروته
بعد 62 ساعة من اضرابكم عن العمل
بعدما بدأت الهتافات ضد مبارك و الابن في التزايد
لعل البعض يتساءل ماذا حدث بالضبط
دعوني انقل لكم ماذا حدث في سطور قليلة
نقلا عن صحيفة الدستور تحديدا
لقد أعلن أكثر من 27 ألف عامل الاضراب عن العمل
و اعتصم اكثر من 15 الف عامل في شركة غزل المحلة
لمدة 3 أيام متتالية : ابتداء من الخميس لحماية المنشآت و المصانع من أي تخريب
الكل يرفع شعار الشهرين اللذين امتنعت الادارة عن صرفهما
بالمخالفة لقرار رئيس الوزراء المنشور بالوقائع المصرية
بتاريخ 22/3/2006
بزيادة الارباح من 100 جنيه الى شهرين
رفضوا صرف 7.5 مليون جنيه للعمال
رغم ان خسائر اليوم الواحد 11 مليون جنيه
و أبشركم
سلسلة اضرابات قادمة في النصر للصباغة و كفر الدوار
و صرف شهرين لعمال : مصر حلوان
خوفا من انتقال عدوى الاضراب اليهم
و الآن يجمع العمال التوقيعات لسحب الثقة من النقابة
بعد ان وقفت في صف الحكومة ضدهم و اصدرت بيان
زعموا فيه عدم احقية العمال في مطلبهم
كدت أصفق كالطفلة الصغيرة
و أنا أقرأ
عمال التبييض انتشلوا لاملابس من الصودا الكاوية
كي لا تحرق ثم انضموا لزملائهم في الاضراب
و اكتمل المشهد بمظاهرات الطلبة خارج اسوار الشركة
ابتدائي و اعدادى و ثانوي اغلبهم من ابناء العمال المعتصمين داخل المصنع
حتى العاملات النساء
رفضن المغادرة أول أيام الاضراب الال في الساعة 2 صباحا
بعد ضغوط من زملائهم المعتصمين
و عللت أحداهن ذلك بأنهن يريدن الاستمرار فى الاضراب
خوفا من ان يقتحم جنود الامن المركزي للشركة فجرا
و أنهن في هذه الحالة سيكن الدروع التي تحمي الرجال منهم
!!!!!!
اللهم لك الحمد على وجود هؤلاء
خامة الشعب المصري الحقيقية ظهرت هنا
دعوكم من حناجر المنابر و الفنادق المستهلكة
أنظروا الى هؤلاء البسطاء
بكل ما فيهم من روح التحدي و الاباء
و الله حمدا طيبا كثيرا مباركا لك
اللهم زد و بارك في مثل هؤلاء
اللهم ثبتهم و ثبتنا معهم
اللهم أجعل في بصيرتهم نورا
أدعوا لهم و لكل الذين لا يخافوا في الحق لومة لائم
فهذا أضعف الايمان
***
تحياتي
25 comments:
بنت سعد
لعلك لا تعرفين اني من المحلة الكبرى
وهذه هي المحلة الكبرى دائما برغم عدم الاهتمام بالخدمات بها على الاطلاق انما يعتمد عليها من قبل الحكومة لتوريد معظم انتاج مصر من الغزل و النسيج فما بالك لو اهتموا بها قليلا ..
اللهم آمين
انا دمعت و انا بقرا الموضوع بجد لسه فيه ناس شرفاء جدعان مبيخفوش بيدفعو عن مصالحهم
لسه فيكى يا مصر رجالة لسه فيه امل
شكرا على الموضوع انا بدين ليكى بثقافتى السياسية يعنى لو سمناها ثقافة
انا دمعت و انا بقرا الموضوع بجد لسه فيه ناس شرفاء جدعان مبيخفوش بيدفعو عن مصالحهم
لسه فيكى يا مصر رجالة لسه فيه امل
شكرا على الموضوع انا بدين ليكى بثقافتى السياسية يعنى لو سمناها ثقافة
بدين ليكي بثقافتي السياسية؟ دي اخر جملة في تعليق ما علينا الكلمة لفتت نظري فقررت اني اغير كل الي كنت عايز اكتبه لي بنت سعد
قبل ما اقول اي حاجة انا بحترم بنت سعد جدا في اسلوبها الحماسي وانتمائها العالي بس سؤالي بجد يعني ايه ثقافة ويعني ايه سياسية ؟؟؟؟ ومعتقدش ان دي حاجة بتتنقل من حد لحد سوري يا ما علينا مش قصدي اتريق او اغلس بس الكلمة بجد شغلاني وتهنئة علي اختيارك يا بنت سعد
الحقوق لا تمنح
بل تنتزع
اولا انا رخم وعايز اعرف انتي عملتي
delete
ليه لرأي الناس
ثانيا مع احترامي الشديد لهؤلاء الرجال المعتصمين إلا إن فكرة إن الواحد لازم يقاوم و يناضل حتى في أبسط حقوقه (مرتبه)
اللي هو تعب فيه وليه علشان البيه يوضب الفيلا الجديدة لابنه ولا عشان يعين ينته بمرتب كذا دا شيء مرعب بجد
ربنا يستر علينا
على فكرة الحل كان إسقاط مديونية الشركة اللي هي حوالي 800 مليون جنيه عند الحكومة لكي تستطيع الشركة صرف الحوافز اللي هي حوالي
200مليون جنيه
سؤال منطقى .....والباقي هيروح فين
احمد المصري
فعلا معلومة جديدة
:)
خلى الحكومة تطلع عين الناس كده لحد ما ينقلبوا عليهم تماما
*****
0xDEADBEEF
جزاك الله خيرا
******
ما علينا العزيزة
اكيد لسه ان شاء الله فيه امل
و ربنا يخليكي ليا يا باشا
******
كبير المشردين
:)
هي ما علينا قصدها انها مكنتش بتهتم كتير انها تعرف احوال البلد السياسية و خصوصا عشان ظروف الدراسة قبل كده .. لكنى كنت بأعمل زى تحفيز لها و انا عارفه انها فضولية و بتحب تعرف فى انها تتابع اللى بيحصل
ده كل الموضوع
:)
***********
كراكيب
:)
اكيد بتنتزع لو في ظل حكومة فاسدة
حتى حق الحياة الكريمة اصبح حلم عسير المنال
******
بنى ادم
:)
اما مش مسحت لردود ناس و لا بأمارس القمع الفكري هنا اطمن
هي ما علينا كان الردود بتاعتها اتكررت بنفس الصيغة عشان جهازها هنج
فمسحت الردود المكررة حتى انا نسيت واحد اهوه
:)
اكيد ان فكرة ان الواحد لازم يناضل عشان ينال ابسط حقوقه مرعبة
بس الاكثر رعبا هو السكوت على الظلم و تحمل الفساد و الامتناع عن المطالبة بالحق
و الحل الل ىانت قلت ممكن لو كانت الحكومة ناوية تتنازل عن رفاهية الوزارء و تابعيهم و مصروفاتهم
:)
او بمعنى ادق .. شوف رئيس مجلس ادارة الشركة و هو بيتصرف فيها كأنه عزبته الخاصة و بعد كده نبقى نتكلم على الحكومة
*********
تحياتي لكم جميعا
مبـــروك
عقبال كل عمال مصر كلها
عقبال لما النقابات العماليه كلها تفوق
عقبال لما اتحادات الطلبه كلها تكون حره
هو ده الامل اللى فاضل..لان جميع الاحزاب ايديك منها والارض
بوست جميل
تحياتى على مدونتك الرائعه اللى أول مره أتشرف بزيارتها
تحياتى
Bent Saad
I have told before so long those honest people in Egypt everything wil be oke, they are the simple hard working egyption people who are fighting for their right to have humian life. See you later if God wil
Sherif
يا ريت تنجح كل المحاولات اللى من هذا النوع
.........
الحقوق التى أخذها النظام
لن تعود بدون ضغط
السلام عليكم
الانصاص قامت و القوالب نامت ...
بس عارفة ...اكيد المعدن الطيب للشعب المصري هيقوم في يوم من الايام
يالا عقبال ما كل البلد تعمل اضراب عللشان نبين لهم اننا مش موافقين علي اللي بيعملوه فينا !!!!
يلا
بكتب لك علي فكرة من السايبر
مع خالص تحياتي
It's the weak onw who get his back hurt from a feather, be tough and stand tall. The hit that doesn't break your back, it harden it.
ربنا يارب ينصرهم قولوا امين
يابنتىدول ناس رجاله
على فكره انتى يا ايمان عاقله اوى ما شاء الله
احب اتعرف عليكى
ما ضاع حق وراءه مطالب
اللى حصل دة هو الترجمة الحقيقية للى حصل فى المحلة
درس يا ريت الكل يتعلمه ويصحا عليه
رغم تجاهل الصحف اللى بتسمى روحها قومية لاهمية الحدث
وتشويهها له
الا انه سمّع صدى واسع لدى كل المصريين
فكرنا بالأيام اللى كنا بنقرا عنها ونسمع عنها زمااان لما كانت حقوق العمال منتهكة وضائعة وقال اية؟ جات الثورة لاسترجاع تلك الحقوق
وتلف الايام وتدور الايام ويهب العمال الذين زعمت الثورة انها قامت لأجلهم لانترزاع حقوقهم بايديهم من فم الثورة المباركة
تحياتى يا جميلة
يسرني ان اتقدم بخالص التهاني وأطيب التمنيات بمناسبة حلول عيد الأضحى المبارك اعادة الله علينا وعليكم بالخير واليمن والبركات ، وكل عام وانتم والأسرة الكريمة بخير
لم تدعي لنا مجال للتعليق
متميزه جدا
كل عام وانت بخير بمناسبه عيد الاضحي المبارك
المهاجر المصري
اديني مستنية لما اشوف حزب الوسط ح يعمل ايه بعد يوم 6 /1
يلا .. بينى وبينك كله عك
****
مبرمج حر
جزاك الله خيرا على الثناء
نتمنى الا تنقطع عنا
*****
شريف
they are the simple hard working egyption people who are fighting for their right to have humian life
يا رب ابقى من ضمن الناس الشريفة ده
لا اقصد الان .. بس قصدى انى لما اتحط فى موقف زى كده
لا ابيع ضميرى او اتخلى عن مبادئي
******
رجل من غمار الموالي
معك كل الحق
:)
و ربنا يستر على البلد ده
******
شمس الدين
انا نويت اعمل اضراب عن الصيدلية اللى باشتغل فيها عموما عشان صاحبها يخلى عنده دم و يرفع لى المرتب
:)
تحياتي اليك و مبروك على عودة النت
*****
mamado
تعجز كلماتى عن شكرك
:)
جزاك الله عنى كل الخير
******
اروى
يا جميل الله يخليكى
بس هو انا مش عاقلة ولا حاجة
:)
اسألى عنى شمس و ما علينا و الناس ده
ح يقولولك انا اجن خلق الله
:)
انا ضفتك على الماسنجر و اتمنى اشوفك قريب
*****
شهروزة العزيزة
بصراحة انا كمان افتكرت . خصوصا مظاهرات السبعينات اللى قامت بعد رفع الدعم و كده
و قلت يا ريت بقه نرجع زى زماااان
يلا ... ان شاء الله اللى جاى احلى
*******
يا مصر أكتب اليكي رسايلى
و انت طيب
يجعله ان شاء الله احلى عيد
*******
محمد مفيد
الله يكرمك
و كل سنة و انت طيب و عيد سعيد
من ير اكل لحمة كتير
:)
*****
تحياتي لكم جميعا يا أصدقاء
تدوينة حلوه وفي محلها .. أوافقك الرأي تماماً وما قام به هؤلاء الوطنيين هو تعبير عن الرفض للظلم وأتمنى أن تكون فاتحة خير ويرفض باقى سكان مصر الغلابه
الحكاية بسيطه .. مش محتاجه كثر من زقه بس .. الناس منتظره قائد ملهم للفقراء .. ولو وجدوا هذا القائد مش هيتأخروا لحظه في الخروج خلفه .. لكن للأسف كما تفضلت الكل يناضل من أجل نفسه ويكذب علينا بنضاله الحنجوري الكاذب .. لو الناس لقيت مناضلين حقيقيين من أجلهم سيلتفون خلفه
عارفين ليه الحكومة حاسه أن الإخوان شوكه في زورها ؟ لأنها لو تركت لهم المجال سيقضى عليها في أيام قلائل .. ربنا يعدلها ويقرب البعيد
أرق تحياتي للجميع
أرجو تفضلا منكم جميعا متابعة ما يلي
يوم الاثنين القادم هو يوم غير عادي في عالم المدونات التونسية؛ حدث هام ؛ لأول مرة في المدونات التونسية سيتم تجنيد الجميع من اجل هدف واحد؛ أمر أصبح يؤرق الجميع؛ ألا و هو الحجب المتواصل و الغير المفهوم لبعض المدونات التونسية؛ سنعبر عن رفضنا لهذا التصرف إيمانا منا بحرية التعبير و دفاعا عنها بطريقة حضارية و سلمية؛ سندخل يوم الاثنين 25ديسمبر في اضراب لمدة 24 ساعة؛ لم يتفق إلى الآن على كيفية الإضراب؛ لكن اغلب الآراء ترشح أن يتم نشر مقال ابيض؛ لا يحتوي شيئا؛ لذلك أنا أدعو كل المدونين و المدونات الى المشاركة في هذا الإضراب حتى يكون إضرابا ناجحا و ننجح بذلك في إيصال صوتنا لمن بهمه الأمر. كما قمت و بمبادرة شخصية بدعوة بعض المدونين العرب إلى الانضمام إلينا لان المشكل ليس تونسيا فقط؛ وإنما هو عربي أيضا؛ فلما لا يتحول يوم 25 ديسمبر من كل عام إلى يوم عربي لاحتجاج على الحجب الالكتروني؛ الأمر كله يتوقف على مدى استجابتكم لهذا النداء و حماسكم؛ فكونوا في الموعد
http://www.saharaclub.org/blog/
ابن بهية
دعوتك وصلت و سأشارك بها ان شاء الله
و عندك حق فى رأيك
و لكن المشكلة ان الاعتماد على ظهور الملهم
سيجعلنا ننتظر طويلا
دون بارقة امل
تحياتي
Post a Comment