Friday, December 29, 2006

عيد سعيد و سنة سعيدة و كل الناس تفرح

كل سنة و أنتم طيبين
يا رب السنة الجاية كلنا نبقى على عرفـــات
تعرفوا .. أنا فيه حاجتين افتكرهم عن الخراف
أولا... أني برج الحمل :)
ثانيا : أنى كنت بأتغاظ لما جدتي تشرب الخرفان اللى كانت بتربيها سفن آب لما بطنها توجعها
و أنا لاااااا
كنت أقعد أقولها أشمعني
تقولي الدكتور هو اللى كاتب لها كده
أتغاااظ أكتر .. أنا الدكتور يكتب على دواء مر
و الخرفان الدكتور بتاعها ( اكيد مش نفس الدكتور طبعا ) يكتبلها على سفن آب
يلا ... عموما مبقتش أحمل أى ضغينة تجاهها
على الاقل هي بتدبح كل عيد اضحى و انا لا.. لسه على قيد الحياة
إن شاء الله تبقى سنة 2007 اكتر بهجة من السنة ده و لو أني مش متفائلة أوى
بس لا نملك الا الدعاء
تحياتي يا أصدقاء

18 comments:

Ma 3lina said...

we enty tayba ya roo7y

we matz3lish keda leeki 3ndy 3ozomat seven-up

we isa el sana el gaya neb2a 3la 3arfat :)

we plz matkterish fel la7ma ana 3arfaky bet........

wala 2a2olk kefia tasyee7 keda

همس الليل said...

كل سنه وانتى طيبه
دى اول زياره ليا للبلوج بتاعك وحلوه الصدفه انها جايه مع اعياد كتير واولهم عيد الاضحى
معلش تعالى عندى وانا اشربك سفن اب واكلك جالتو كمان هههههههههههه
جميله مودنتك ومتنوعه
ان شاء الله اكون عندك دايما


ههههههه على ما كتبت البوست كانت ما علينا سبقتنى انا كنت عايزه اكون اول كومنت ههههههههه
يلا بئا مليش نصيب المرادى المرات الجايه اكون اول كومنت
كل سنه وانتو طيبين كللكو

أحمد said...

كل سنة و أنتى طيبة يا بنت سعد
و كل عام وأنتى الى الله أقرب

Anonymous said...

كل سنه وإنتى طيبه يا بنت سعد

Anonymous said...

السلام عليكم ورحمة الله وبركاته ..
تحية لكِ أختي الغالية التي لم أرها منذ شهور ولم أستمتع بزيارة مدونتها منذ
أمد بعيد
وكل سنة وانتِ طيبة
وأعاده الله عليكِ وعلى أمة الإسلام باليمن والبركات

Anonymous said...

كل عام و انت الى الله اقرب

Anonymous said...

العيد فرحة ......مااااااااااء

كل سنة وأنتى طيبة

عشان تعرفى أد ايه أنا قلبى أبيض ومسامحك على السفن أب اللى كنتى بتحسدى جدودى عليه لغاية أما بطنهم توجعهم

:))

Anonymous said...

كل سنة وأنتى طيبة ....ادعى بس والسنة تكون حلوة بدعواتك ....وأكيد نقدر نعمل غير الدعاء

تحايتى للأغنية مرة ثانية ...بدخل عندك عشان أتسلطن بيها

;)

اروي الطويل said...

كل سنه وانتى طيبه يا قمر ياريت تتاكدى من الايميل تانى لانى حابه اتعرف عليكى اوى اوى اوى

بني آدم said...

يا أخى دا البني آدم ده دني أوي
حتى شوية السفن اب مستخسرهم في حيوان غلبان نفسه فيهم قبل ما يموت...........لا يا شيخة دانا كنت فاكرك غير كده........أمال هتعملى ايه لما تبقى أم؟؟ هتخدي الحاجة الحلوة من ولادك و تسيبيهم يعيطوا

لا صراحة انا خدت فيكي مقلب جامد أوي
كل سنة وانتي طيبة و قنوعة

الديب said...

بنت سعد
السلام عليكم

كل سنة وانتي الى الله اقرب والى الدعوة أنفع .. و بالاسلام أكثر عزا

شــــمـس الديـن said...

كل سنة و انت طيبة يا بنت سعد

خير خير

تفائلي كدا

ماما امريكا بعتت لنا هديتها بانها اعدمت صدام في ال يوم العيد علشان تكون كملت

خيرررررررررررررررررر

سنة ميلادية و هجرية جميلة عليكي يا رفيقة الكفاح المسلح ...

إيمــــان ســعد said...

ما علينا العزيزة

انتى بق كبير يا حياتي

و لا باشوف منك ابيض و لا اسود يا ختى

:p

********

همس الليل
و انتى طيبة يا عزيزتي
ربنا يخليكى على الاطراء ده

:)

و ح استناكي بعد كده فى التعليقات
و سيبك من ما علينا

ده ليس عليها حرج

:)

******
مبرمج حر

و انت طيب يا باشمهندس

انا زرت مدونتك و عجبتنى
ان شاء الله ح تلاقينى فى التعليقات عندك بعد كده

*******

محمد الطاهر

و انت طيب يا ابنى

ابقى طمني على اخبارك

:)

و بلاش تهور

********

قبس من نور

الجميلة
:)
افتقد ردودك الجميلة يا عزيزتى

و بجد مش تغيبي عليا تانى

و انتى طيبة يا جميل

*****

خطاب

:)

زميل كل الطلبة و فري طلبة

لك بمثل ما دعوت يا اخي

*******

استاذي المجهول
:)

ربنا يكرمك على قلبك الكبير والله

:)

أحرجتنى بكرم اخلاقك

ههههههههه

*******

نوران

ده انتى منوراني

و الاغنية كنت ح اغيرها بس قلت لا اسيبها شوية كمان
:)

انتى بس تأمري

و انتى طيبة يا ستى و ادينى باحاول ادعي بضمير اهوه
:)
ادعيلى ان دعائي يبقى مستجاب

:)


******

أروى الطويل

و انتى طيبة يا عزيزتى

:)
لا تقلقى .. انا اتأكدت من الميل .. ان شاء الله ح اشوفك قريب جدااا

خلى بالك من نفسك بس

:)

******

بنى آدم العزيز

شوف سوء الظن

:(

ما انا كنت صغيرة بقه

و على نياتي و بصراحة بقه اهتمام جدتى الله يرحمها بالخرفان كان بيغيظني

و بعدين لما ابقى اخلف ان شاء الله

ح اعلم اولادى القناعة و انهم مش يبصوا لمميزات اى فصيلة اخرى

و الا ح احرمهم من السفن آب
و كل سنة و انت طيب و ادعيلى اخلص من الصيدلية الكئيبة اللى انا فيها حاليا
:P

******

الديب

و لك بمثل ما دعوت

اللهم استخدمنا و لا تستبدلنا

و انت طيب يا اخي

*****

تحياتي لكم جميعا يا اصدقاء

و انت طيب

إيمــــان ســعد said...

شمس الدين


و انتى طيبة يا باشا
اه شفت انا اعدام صدام

ممم كده ح يبقى اخر احداث 2006 دموية

يلا ح نقول ايه
حسبي الله و نعم الوكيل

اللهم
اعز بنا دينك و امتك

Anonymous said...

كل سنة وانتي طيبة يا فندم :)

Anonymous said...

لا تقلقي يا ام السعد .. انتقمت لكي شر انتقام من الخراف جميعا..
ادعيلي انتي بس اخف من التخمة اللي انا فيها . :)

إيمــــان ســعد said...

ارحم دماغك

و انت طيب يا استاذي
:)

****
أحمد المصري

عشت زخرا لنا و الله

طول عمرك شمعة تحترق من اجل الاحرين

:)

****

تحياتي لكما

يساري مصري said...

enty mota2akedda enno makansh nafs el doctor o_O
looooooooooool ( just kiddin )
nice blog w kol sna wenty tayba ( met2akhara 2 month ):P
looooool