Sunday, September 07, 2008

الدويقة... هي ده مصر













حسبي الله و نعم الوكيل
هشام طلعت مصطفى يصرف 2.2 مليون دولار عشان يطلق
القتيلة سوزان من زوجها الثاني
و كمان 2 مليون دولار عشان يقتلها انتقاما منها
و المقطم وقع على اهالى الدويقة
اللى الحكومة سايباهم عايشين ميتين فى حضن الجبل
35 منزل تحت الانقاض
و قوات الانقاذ مش عارفه تتصرف
ليه؟ عشان دول غلابة ملهمش تمن
القنوات الارضية اعلنت عن الكارثة بعد فترة طويلة
و بعد ما اعلنت عنها الفضائيات كالجزيره
ليه ؟ عشان ده حادثة بسيطة حتتنسى بسرعة
زى حريق القطارات و غرق العبارة
مش عايزين نقّلب الناس علي الحكومة فى رمضان
حسبي الله و نعم الوكيل
ربنا يصبر اهالى الدويقة
و يصبر كل المصريين
مش عارفه اقول ايه بجد
البلد ده خلاص وصلت لحافة الانفجار



6 comments:

Anonymous said...

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

شــــمـس الديـن said...

ابقي ايديني ربع جنية مخروم لو حد اتحرك

يا بنتي الناس تحولت الي اشباح او موتي احياء او زومبي او اي شئ منذ فترة طويلة

و الاشباح او الموتي او الزومبي لا يعودوا للحياة ليثوروا

ولا هيحصل حاجة

و حتي لو مات مليون الباقي هيتفرج عليه و يمصمص شفيافة و يقول ...بلد بنت ... وخلاص

محدش هيعمل حاجة

إبراهيم أبوسيف said...

يبدو أن شمس الدين لديها حق

حقا اممممممم بلد بنت .........ـ

إبراهيم أبوسيف said...

أحب فقط أن أضيف

هناك جهد مشكور لاتحاد الأطباء العرب في إغاثة أهالي الدويقة وللتبرع فيه
يمكن الاتصال بمندوبهم على رقم 0104002121
أو من خلال حساب 0/1/21090 بنك قناة السويس فوع الدقي

أو بمقر لجنة الاتحاد بنقابة الأطباء بشارع القصر العيني

رجل من غمار الموالى said...

حسبى الله ونعم الوكيل

Anonymous said...

وأنا بدورى اتفق مع الأخ قمر الدين والأخ إبراهيم أبو خنجر
جزاكم الله خيرا