Sunday, July 13, 2008

شاركوا فى وقفة مصرية موازية


كلما نظرت _سامحنى الله_ فى اى من جانبي الشارع
أجد يافطة بلا توقيع _ كعادة الحملات الحكومية هذه الايام مثل حملة الشباب اللى بجد و القرآءة للجميع_ قال يعني الفاعل مجهول
عن موضوع
وقفة مصرية
و عدة شعارات
قبل ما نزيد مولود ... نتأكد أن حقه علينا موجود
طبعا بعدما اتهم سيادة صاحب الجلالة الرئيس
فى المؤتمر القومى للسكان فى 9 يونيو الماضى
خصوبة الشعب المصرى بأنها السبب الرئيسى و الاوحد
في تلك العثرة التي انزلقت اليها البلاد منذ توليه الحكم
و خوفه من ان يصبح عددنا فى 2050 حوالى 160 مليون نسمة
انعم الله عليه بطول العمر
و علينا بطول الصبر
المهم
من شعارات الحملة
نحكم عقلنا .... نتعالج كلنا
نحكم عقلنا .. نشرب كلنا
نحكم عقلنا ... ناكل كلنا
نحكم عقلنا ... نشتغل كلنا
نحكم عقلنا ... نتعلم كلنا
*******
لذا اقترح بعد فشل الحملة
أن نقوم بعمل حملة موازية قادمة من شباب الشعب المطحون
و ليس من صقور الحزب الوطني المرفهه
و ليكن اول شعار لنا
نحكم عقلنا ..... نتركب كلنا
و اخر اقترحه صديق مخلص
نحكم عقلنا .... نتنفخ كلنا
****
فلتكن وقفة أمام وقفة
و نشوف مين اللى ح يقف للاخر
********
من يجد فى خاطره شعارا
فليكتبه الان
أو يصمت للأبد
****
تحياتي

4 comments:

طائر الحرية said...

غريبة جدا والله الشعارات دى بتدل على اننا بتنسرف فى استخدام العلاج والمياه والطعام وبنسرف فى استخدام العيش اللى اصلا مش موجود
لنا الله
نحكم عقلنا نموت كلنا

تحياتى

Anonymous said...

نحكم عقلنا ،،نهاجر كلنا :)

Anonymous said...

الى متى هذا الذل ي اشعب مصر معقول يا ناس ارجع من السعودىة علشان ارتاح غي بلدى اقف فى طابور العيش من الساعه 2 ال الساعة 3 صباحا ومعى العشر ات من الناس فحسبثا الله ونعم الوكىل علشا ن ابسط حق للاتسان

Fragile said...

نحم عقلنا نتضرب على قفا اهلنا...


تحياتى الجامده اوى ليكى ولكل ما ينطق به قلمك