Tuesday, October 10, 2006

إفطـــار مع أعضاء الوسط على النيل


و أخيرا بعد طول انتظار استطيع ان احدثكم عن يوم افطار حزب الوسط
حسنا.. كان يوما بدون الدخول فى التفاصيل المملة جيدا للغاية
*
*
و لكني مضطرة لان احكي .. هذا حقكم بعد طول الانتظار
و الا سأبيت ليلتى في المستشفي المجاورة بسبب الدعاء عليّ
*
*
حسنا تقابلنا انا و صديقتى شمس الدين المشتركة معي في نفس الحزب في الكلية
و منها اخذنا تاكسى الى شارع البحر الاعظم. تحديدا على نادي نقابة الاطباء
الدعوة موجهة لنا كانت باسم الدكتور السمّــــان
المهم وصلنا على الساعة الخامسة مساءا
و لم نجد سوى استاذ م. عبد التواب
محاسب و عضو معنا ايضا
اخدنا نتبادل اطراف الحديث عن اسباب انضمام كل منا للحزب
الطريف انه كان عضوا فى الحزب الوطني لمدة 5 سنوات و لكنه استقال
سالته لماذا؟؟ أجابني بابتسامه هادئة.. انعدام المصداقية
كالعــــــــــــــــــــادة
المهم كانت الساعة تقارب الخامسة والثلث عندما بدأ الاعضاء في الحضور
المعظم كان الاعضاء المؤسسين الكبار و القلة كانت الشباب امثالنا
و حضر م/ ابو العلا ماضي
و تعرفنا على ابنته الطالبة بكلية الاعلام.. فتاة تكلمها فتشعر انك تعرفها منذ وقت طويل
وجهها كتلك الوجوه المصرية الصميمة الذي يرتاح له الشخص
ثم دخلنا الى قاعة الطعام .. كان جيدا و لكن بلا ملح
المشكلة اني اتناول طعامي بسرعة .. لا يزيد وقت افطاري عن 10 دقائق
و لكني اضطررت اسفه للتمهل تأدبا للحاضرين
المهم انتهى الافطار و قمنا للصلاة
و عدنا الى القاعة ذاتها و بدانا في شرب الشاي
و امسك كل منا المايك و بدأ بتعريف نفسه للحاضرين
ما لاحظته.. و دعكم من الاسماء لاني معروفة بالزهايمر المبكر في هذه النقطة
ان معظم الحاضرين ان لم يكون كلهم من الاغضاء الكبار سنا
يشغلون مواقع مهمة حقا و كبيرة في مجالاتهم
و دمهم خفيف ايضا
ثم تم تشغيل فيديو يروي قصة حزب الوسط
كان جيدا للغاية و ظهر فيه وجوه جميع المؤسسين بالاضافة الى شخصيات اخرى
مثل استاذ جورج وكيل حركة كفاية و رأيه الايجابي لانشاء الحزب
ثم جاء احد الشاب الحاضرين ليلقى على مسامعنا بعض من الزجل من تاليفه
كان جيدا جدا .. و لكني كالعادة لم استطع ان امنع نفسى من التعليق بصوت خفيض
عندما قال في المايك الآن مع قصيدة : البحر بيضحك ليه ؟
ملت على صديقتى و قلت لها : مش ده بتاعة القلل
للاسف سمعني و ضحك و قال : لا مش بتاعة اللى نازلة تملى القلل
طبعا ضحك الجميع و كان منظري عاااار
المهم انتهى الافطار بعد تلك القصائد
و قمنا و تبادلنا الايميلات مع الشباب الموجود
لنظل على اتصال لمعرفة اخر اخبار الحزب و ما الى ذلك
****
الخلاصة
**
كان يوما جيدا و رأيت وجوه كثيرة لم اكن رأيتها منذ مدة
كنت لفترة جمدت نشاطي في الحزب بسبب ظروف الدراسة
كنت اريد مقابلة د. ايمان قنديل المسئولة عن شئون المراة في الحزب
لكنها لم تستطع المجئ
***
عن اشتراكي في الحزب كان ذلك فى مارس الماضى و حضرت عدة ندوات مقامة بواسطته
ما عن اسباب الاشتراك و باقي التفاصيل
فلهذا مقال اخر
اترككم الآن و اي من يريد الاستفسار عن اى شئ بالنسبة للحزب و لائحته و برنامجه و العضوية فيه
سيجد رابط موقع الحزب في قائمة مجموعة المواقع المفضلة لدي
بعنوان : حزب الوسط الجديد
***
تحياتي

24 comments:

LAMIA MAHMOUD said...

مش فاهمة سيادتك

demaghmak said...

يا هانم
انا ماك اللي دايما بنتكلم مع بعض في مدونة جيمي (تخاريفي )
انا مكنتش اعرف ان عندك مدونة بس كانت طريق كلامك المحترمة و المباشرة و اللي بتظهر انك مثقفة محترمة و مثقفة بجد مش اي كلام ظاهرة و عجبتني جدا و عجبني كلامك
احيكي على مدونتك الجميلة جيدا و عقلك الاجمل
انا لسة عامل مدونة برضه مابقاليش يومين يا ريت تزورينيززز و لو تسمحيلي اعمل لمدونتك رابط عندي
تحباتي لكي سيدتي

Ma-3lina said...

She means that she had fetar m3a 2a3da2 7ezb el wast 3la el nile :
)

بنـت ســعد said...

لمياء العزيزة

هو كل ما هنالك انى فطرت يوم الاثنين في نادى نقابة الاطباء في دعوة لاعضاء حزب الوسط الجديد
وكان يوم مختلف عن رتابة الايام العادية
فإن شاء الله افضى بس اكتب البوست و انزله قريبا جدا ان شاء الله
يعنى اعتبرى الموضوع
suspense
:)
تحياتي لكي
*************

ماك

اولا جزاك الله خيرا على المديح
نسأل الله الاخلاص

موضوع الثقافة ده
و الله ما انا عارفه
بس عموما الكلمة ده بقت ممطوطة اوى
باحاول افهم ده كل الموضوع
:)
و بعدين اضحك الله سنك

سيدتى و هانم .. لم يلقبنى احد بهذه الالقاب من قبل
يعني لو حضرتك مصمم على الالفاب فيكون انسب حاجة يا دكتورة بما اني كذلك بس عاطلة حاليا :)
لو تكره الالقاب يبقى نمشيها بنت سعد
:) لا مشكلة
ازور مدونتك فى القريب العاجل ان شاء الله بالطبع و ساضيف رابطها عندي
و شكرا لاضافة رابط مدونتي عندك

تحياتي و اتمنى لك التوفيق

بنـت ســعد said...

هههههه

كتر خيرك يا ما علينا على قيامك بالشرح

صدقينى مش عارفة لو مكنتش عرفتك كنت ح اعمل ايه

تحتملى جنوني و احزانى اكثر مما اطيقه انا
:)

شكرا لك

ادم المصري said...

لازم اكون عضو في الحزب ولا عادي عشان اعمل حسابي

اه صحيح هي الدعوة عامة؟ برده عشان اعمل حسابي

بنـت ســعد said...

بطل نظام الغاية تبرر الوسيله ده يا ادم

:)

او يا حفيد ميكافيللى

:)

تحياتي

demaghmak said...

انا مش قادر اقولك اني فرحان جدا اني لقيت ردك عليا ....شكرا جزيلا يا هانم ..مش عارف ليه انا اتعودت اقلك كده (هانم) ما تنسينيش بقى في الحاجات الجميلة اللي عندك عايز عمل حبة حاجات منها هنا عندي بس عايز مساعدتك
شكرا يا هانم مرة تانية

demaghmak said...

شوفي http://www.almasry-alyoum.com/article.aspx?ArticleID=33086
او اتفرج علي الموضوع دة عندي
عندي سؤال و عايز مساعدتك في مدونتي
كل ما اعمل اب لود لصورة و انا باعمل بوستنج الصورة ما تطلعش..يقولي ان الاب لود خلص و ادوس على done الصورة برضة ما تظهرش؟

بنـت ســعد said...

الشكر لله يا استاذ ماك :)

مممم و الله بالنسبة للصورة فالمشكلة ده حصلتلى.. و وقتها عملتها حذف و اعدت تحميلها عدة مرات لحد ما ظهرت

بصراحة انا خبرتى مش شديدة اوى فى مجال الكمبيوتر انى اقدر افيدك بدرجة كبيرة

قرأت مقال المصري اليوم و استشطت غضبا

اللهم عليك بالظالمين و من والاهم

على العموم مرحبا بك ضيفا عزيزا في المدونة و جزاك الله خيرا على الثناء

تمنياتي بالتوفيق

مفلس افندى الرايق said...

افطار مع اعضاء الوسط على النيل

من غيرى يا نهارك الطويل

دانا بفطر كل كام سنه مره

اصل زادى قليل

ومره ضاع منى باكو مناديل

روحت لحزب السرقه الجميل

عملت بلاغ وطلب تعديل

واغير اسمى من مفلس افندى الرايق

لجعان افندى اللى مارحش مع بنت سعد

وفطـــــــــر على النيل


الربع جنيه بقى

بنـت ســعد said...

هههههههههههههههه

شكلى ح يجيلى تسمم من شوية القر اللى اخدتهم

بس ده قر بالزجل

يعنى لو مغص ح يبقى على انغام الموسيقى

على فكرة بكره عندى افطار فى الكلية و ربنا يستر عليا

تحياتي يا مفلس و جعان افندي

demaghmak said...

انت اللي جبتيه لنفسك
الحاجات دي بتتعمل في الدرا علشان ما تتنظرش بس بعد كدة انت اعزميني معاكي و انا مش هاقول لحد

demaghmak said...

صحيح
هو ايه موضوع حزب الوسط دة و امكانية انضمامي ليه ايه

شــــمـس الديـن said...

بتفكريني بالحد اللي كان عايز يقول نكتة قال للناس اضحكوا الاول قبل ما اقولها ... قام الناس ضحكت لان الفكرة جديدة ...

انت عملتي كدا , خليتي الناس تعلق قبل ما تكتبي المقالة ... علي العموم انا مش هسئل ايه اللي حصل في الافطار لاني عارفة كل حاجة :)

تحياتي

مفلس افندى الرايق said...

مغص ح يبقى على انغام الموسيقى

تصدقى فكره جديده

وناس يجيلها مغص نهواندى

وناس مغصها يكون سيكـــا

ههههههههههههههههههههههههه

AmR said...

أنا ميهمنيش أي حاجة
عاوز بس صور الأكل :D

بنـت ســعد said...

شمس الدين
و الله يا بنتى الوحيدة اللى فاهماني

:)
ح اروح منك فين
***
مفلس افندي

ههههههه

لا اسكت الله لقلمك حسا ابدا

****

عمرو
اطمن مكنش في الاكل بيتزا

:)

**

تحياتي للجميع

بنـت ســعد said...

يا ماك

صحيح

عشان تعرف كل المعلومات اللى عايزها عن حزب الوسط

ح تلاقى لينك موقع الحزب عندي في قائمة المواقع

ادخل و ح تلاقي كل حاجة مشروحة باستفاضة

**
تحياتي

Mohamed Mehrez said...

الرد ده متأخر أوي
بس أنا لسة مكتشف مدونتك دلوقتي بالصدفة

انا كنت موجود في الإفطار ده يا فندم...وبالمناسبة
شكلك مكانش عار ساعة اما قولتي "مش دي بتاعة القلل" :D

تحياتي

بنـت ســعد said...

هههههههههه

الله يخليك

و الله طب خير انا قلت ح اعتزل الاجتماعيات بسبب البلاوى اللى باعملها ده

تحياتي لكل اعضاء الوسط

بنـت ســعد said...

على فكرة انا عرفتك
الوحيد اللى كان طالب فى كلية الحقوق
حتى كنت جالس فى مواجهتنا

ههههههه
تشرفنا مرة تانية
و اخيرا بدأ اعضاء الوسط فى الظهور فى عالم المدونات

تحياتي

Mohamed Mehrez said...

أي هو أنا يا فندم :D

على فكرة مدونتك رائعة وموضوعاتها دسمة

بنـت ســعد said...

الله يخليك يا محمد

انا كمان باعدي كتير على مدونتك
بس لسه الافكار مش اترتبت اني ارد

على العموم نتمنى نشوفك قريب

تحياتي