Friday, July 06, 2007

انبعاث من جــوار جبل الموتى


ذهبت بجوار جبل الموتى
أعنى مطروح
:)
تحركنا انا و اخى يوم الثلاثاء الساعة 4 مساءا لنصل 9 و نصف هناك
ذهبت لكي أرى البحر
اغتسل هناك
ليس جسديا
انما روحيا
تلك الطفلة التي نسيتها داخلي أيضا
أكتشفت انها لا زالت تنتظر اللحظة المناسبة لترتع كما اعتادت
بعيدا عن تملق و زيف الحياة هنا
****
ذهبت أبحث عن عذرية الروح التي فقدتها
و وجدتها
كنت أريد ان اتصالح مع نفسي
و اشعر بأني فعلت
ما أروع ان تجلس بعيدا عما كل ما يشغل تفكيرك
و تخرج خارج الكادر الذي مللت من وجودك فيه
و تحلق بعيدا
لترى الامور من منظور آخر
منظور يقلب كل شئ رأسا على عقب
***
تلك الصورة التقطتها أختي لي عندما ذهبنا الى عجيبة
و تسلقت صخرة لأجلس عليها و اراقب البحر بشغف
شاردة افكر في مستقبلي
أو ربما كنت أريد ان انتزع آلام الماضي و القيها فى اعماقه بلا عودة
***
و ايضا تركت الطفلة داخلي تفعل كل ما كانت تشتهيه
بداية من المشي على الرمال بالارجل الحافية
و اللهو و الضحك مع اخوتي
الى ركوب الدراجات
****
هل اخبرتكم عن معنى اسمى بالانجليزية
اذا ما اضفتهم اليه
ation
Emanation
تعنى
انبثاق او انبعاث
لكل منا حظ من اسمه
شعرت بأني بعثت من جديد
رغم ان الروح لم تفارق الجسد
و لكني أحسست بأن كل الذكريات التى مزقتنى داخليا
غرقت بين امواج البحر
كالورقات الذابلة عندما تغادر الاشجار في الخريف
*****
سؤال سألته لنفسي كثيرا هناك
هل تندمين ؟
فكرت كثيرا قبل الاجابة
قائلة : لا
لم اندم .. و لن اندم
اذن لم كل هذا الألم داخلك
اجيب اجابتى المعتادة
فقط أمارس ضعفي البشري
العقل قد نطق بالقرار و لكن القلب لم يزل معترض
ردت : قد مارست ضعفك البشري لفترة طويلة حقا على شخصية قوية مثلك
ربما في داخلك بعض من عدم ايمان بقضاء الله
او انك ماسوشية
تتلذذي بتعذيب نفسك
و البكاء على حالك و على اللبن المسكوب
أشعرك تتفوهي بما لا تؤمني كليا به داخلك
كما كنتي تعيبى على بعض من معارفك
صمت تماما
ربما لانها صادقة
ربما لاننى تخاصمت معها لفترة طويلة
و رفضت الحديث معها بكل ما يعتمل داخلي صراحة
لكنها كانت تعرف
كالعادة
.
تلك نقطة أضعها كخاتمة اخيرة لكل احزاني و آلامي الماضية
و أحاول البدء بإيمان التى عرفتها قبل سنتين من جديد
*****
عدت اليوم الجمعة الساعة 12 ظهرا
****
كانوا يومين انقضوا سريعا
لكني واثقة من اننى لن انسى تأثيرهم على نفسي
لفترة أطول مما اتخيل
****
تحياتي للجميع
:)

ربما كان الكلام مبهم قليلا
لكن اعرف انكم اعتدتم على هذا

9 comments:

Ma 3lina said...

هيه

تصدقى نفسى اروح انا كمان اى حتة و اغير جو

بعيدا عن القاهرة والشغل و خناته

بجد انا فرحانة انك استمتعتى فى اليومين دوول و يا ريت الحالة دى تستمر لفترة

محمود الدوح said...

احلى حاجة فى الدنيا العودة الى النفس
ان الواحد يعرف هو مين ويبقى نفسة
تحياتى

MaMaDo said...

Being the one is not something u choose, it's your fate.
Being a Worriors is not something u could let go, u can't let it go.
Being a Strong person is a must for you, u can't be weak.
When you are so down, you have no place to go but up.
Ana 3aref en elkalam da mesaly shewayeteen, bas fe3lan ana garrabt "Arken 3ala ganb" w ma3reftesh.
W Aham 7aga en"Too much work and no play, makes Jack a dull boy"
We have to clense our souls every now and then.
Well done Emmy.

محمد عـنـانـى said...

جميل اوى الاجازه
حاولى تستغيلى كل وقت فيها
وجزاك الله خير على تشريفك ليا
وليكى تاج عندى
وخلى بالك ده رقم 2
تحياتى
اجازه سعيده

mo'men mohamed said...

أحيانا الواحد بيحس انه عايز يقعد لوحده
يتأمل الأشياء من حولة
فعلا بتبقى لحظات جميلة
وأكيد جوا كل منا طفل صغير
الطفل ده لازم نعطيلة وقت من حياتنا نراعيه فيها وإلا حيموت
ولو مات يبقى احنا كمان انتهينا
السلام عليكم

جميله بو حريد said...

حلو اوى احساس الرجوع لنفسك بعد فتره طويله من صراع نفسى

بس يارب ما يحصلش انتكاسه وتثبتى على موفقك بادعى لك اوى يا ايمو
ابقى طمنينى عليكى عشان بتوحشينى

mohamedgado said...

ده ايه المشاعير دى
ده ولا احمد شوقى فى زمانه
على فكره انتى ليكى حق
لان مطروح ساحره فى جمالها الطبيعى والخلاب واللى يخلى الواحد قيقى يقول اشعار
ع العموم حمد الله على سلامتك
وياترى دعاتيلنا هناك ادام الكعبه اللى هناك ولا لا

إيمــــان ســعد said...

ما علينا

واحشاني يا بت

يا بنتى ربنا يخليكيى ليا

عقبالك كده يا بنتى لما تطلعى من حالة الزهق ده

و ان شاء الله الحالة اللى انا فيها ح تستمر طويلا

*******

محمود الدوح

عندك حق

احلى حاجة ان الواحد يعرف الاول هو مين ؟

تحياتي


****

محمد العزيز

When you are so down, you have no place to go but up.

عجبتنى اوى الجملة ده

ربنا يخلييييك للشعب يا باشا

تحياتي

و ابقى طمني عليك

*****

محمد العناني

حاضر يا باشا ح اجاوب على التاج

و جزاك الله خيرا

تحياتي

إيمــــان ســعد said...

مؤمن

الطفل ده لازم نعطيلة وقت من حياتنا نراعيه فيها وإلا حيموت
صدقت بجد

انا بجد كنت حاسة انى باخنق الطفلة الى جوايا و بأفقد ادميتى تدريجيا

تحياتي

****

جميلة بو حريد

و انتى كمان واحشانى جدا ولا تقلقي ح ابقى اطمنك عليا قريب ان شاء الله

و انتى خلى بالك من نفسك

تحياتي

*****

محمد جادو

:)

حاسة بريحة تريقة يا ابنى

يا خويا يا رب تروحها بس قبل رمضان عشان بس غض البصر

تحياتي