Saturday, September 08, 2007

التخلي عن البالطو الأبيض ...في سبيل الحلم 2

كنا بنقول ايه يا بشر ؟؟ أدندن كثيرا باغنية منير هذه الايام .. ياللى بتسأل عن الحياة خدها كده زي ما هيا .. فيها ابتسامه و فيها الاه فيها قسية و حنية .... فعلا كلماتها معبرة جدا ... المهم دخلت قسم السوائل .. يعنى الادوية الشرب ... يعنى العك على ودنه
من اول المياه المعالجه اللى فيها سيدوموناس و ده كائن طفيلى المفترض يبقى نسبة وجوده في المياه المعالجة ده زيرو .. لحد لخبطة التشغيلات على بعض و مزج تشغيلة قديمة بأخرى جديدة لحد ان يبقى فيه حشرات فى تانك التحضير و هلم جرا .. مش عايزة اقرفكم اكتر من كده . لكني كنت وصلت لمرحلة اني كنت بأبكي و انا بأصلي عشان حاسة اني بأبيع ضميرى ببلاش كمان
بس الحمد لله أخدت وقفة و لميت الموضوع شوية
مممم طيب كل ده يا شباب .. التنطيط ده متعب جدا .. تلاقي اصحابك اللى اشتغلوا من اول ما اتخرجوا فى شغلانة تقدموا فيها و اترقوا وربنا يوفق الجميع و انت لسه بتجرب فى الطرق .. الموضوع ده جه بعد 10 شهور من التنطيط و بدأ يخنقني فعلا .. بس قبل كده انا كنت اديت نفسي عذر انى مش ح ارفض اى حاجة فى اول سنة من التخرج تعرض عليا من غير ما اجربها.. و ده كان اللى بيحصل .. عشان مرجعش اندم اني ضيعت فرصه من ايدي بعد كده ... بس طبعا الحاج الوالد مكنش بياكل معاه الكلام ده .. يعنى من اول ما اتخرجت و هو قاللى عيشي حياتك مع نفسك بقه .. تشتغلى يوم و عشرة لا .. ماليش دعوة.. فلوسك اللى بتقبضيها ظبطتي بها حياتك
طبعا .... كان كده زى ما البنك الدولي رفض يسلف مصر فلوس عشان السد العالى .. بس ولا همنيّ ..هي صحيح الحياة كانت و لا زالت ضنك اوى اذا ما قورنت بالحياة و انا لسه طالبة .. بس لما رحت لأبويا فى مرة اطلب منه فلوس و هو رفض .. مش كررتها بعد كده
من الاخر اتفقنا ان نفسي عزيزة عليا اوى ... بس بينى و بينكم اتشحورت اوىىى... ما علينا .. هو ابويا بيقول اني نمرة .. و بصراحة اكتشفت اني كذلك فعلا
المهم طبعا حاولت اشوف نظام عمل الدراسات العليا و انا فى الشركة المأسوفة ده .. طبعا لاقيت انهم ح يذلوا اهلي .. و تقريبا ح يمتصوا دمي سواء فى موضوع الاجازات اللى ح تبقى عل ىحسابي او انهم ح يوافقوا فقط على البحث اللى يفيد الشركة او بلاوى تانية لا داعي لذكرها .. المهم لاقيتنى ح اتذل لحد ما يطلع عينى و كل ده عشان شهادة ماجستير ... يا خي بلا هم
****
قلت قبل كده انى فعلا بحب العلم .. لكن فى بلد تقدر ده و تخلى الواحد يعيش عيشة محترمة .. مش ابقى عالمة و شحاته لا مؤاخذة .. انتم شفتوا ابويا .. نفض لي تماما ازاى .. و انا مش ناوية اقضي حياتي على المعونة الخارجية
المهم في غمار كل الاحداث ده زى ما قلتلكم بدأ تفكسري يزداد عملية بمعنى ان الواحد لازم يبقى مرن في تغيير مخططاته مش يبقى زى الطوبة حاطط خطة و يقول يا كده يا بلاش.. عشان ح ياخد على نافوخه فى الاخر و يبقى يجيي يقابلنى ..كنت في مرة فى المكتبة مع صديقي الطباوي بما انه باعتبره قريني الفكري .. و فاهم اسلوبي فى التفكير بأتنتقش معاه فى الحوسة اللى بقيت فيها
لاقيته بيفتح معايا موضوع ادارة الجودة .. و اني ممكت اقدم على ماجستير فيها تبع الاكاديمية البحرية .. المهم سألت على الموضوع ده كويس و كنت محتارة اخده تبع الجامعه الامريكية كدبلومة و لا اقدمه كماجستير فى الاكاديميمة لحد ما قررت اتوكل على الله و اقدم في الاكاديمية .. طبعا الفلوس كتير .. مكنش فيه قدامي غير أمى .. تسلفني المبلغ و ابقى ارده لها لما ربنا يفتح عليا بقه ... هى كانت الحاجة بدأت تحس بالذنب .. لاني يا ولداه اقل واحدة فى عيالهم صرفوا عليها... بس انا مبحبش اضغط على الجرح يعني .. المهم انها وافقت تسلفني
و ادينى قدمت على الماجستير و لله الحمد و الدراسة ح تبدأ بعد العيد .. ادعولي .. اما بقه ليه عجبني ادارة الجودة ده بالذات .. لانى عن طريقها ح اقدر ادخل المصانع و الشركات من فوق .. بمعنى ان ادراة الجودة و الاتش ار .. هم من الاخر كده شغل المستقبل ..حلمي اني اشتغل فى شركة عالمية و يبقى الواحد كده يقدر يأثر في سياسة الشركات ده .. مش انى اشتغل فيها من تحت و خلاص
المهم ح ابقى اشرح الموضوع تفصيليا بعد كده .. نيجي بقه على الشق التاني فى حياتي
من ضمن اهم الاسباب اللى كانت قارفاني و انا قعدة كده مع نفسي باتكلم بصراحة .. اني كل اهتمامي منصب على الناحية الاقتصادية في حياتي او الناحية العملية... اما الجانب الفكري فتم ذبحه داخلي .. كأني بقيت احادية البعد الانساني على رأي المسيري مما سبب لي خنقة مش قادرة اوصفها.. لدرجة اني بقيت فعلا حاسة ان فيه حلقة مفقودة جوايا مش قادرة بسببها استمتع بفرحتي اني اخيرا بدأت احدد هدفي
فكان القرار الاتي .. الا و هو .. تقديم اوراقي للانتساب بكلية الاداب قسم الفلسفة بجامعة القاهرة
مش قادرة اقولكم على مقدار الراحة و الفرحة اللى حسيت بها و انا باخل القسم واقف قدام اليافطة اللى مكتوب عليها قسم الفلسفة لاول مرة .. لدرجة اني خليها الباك جروند بتاعة موبايلى بعد ما صورتها .. ياااااه اخيرا الحتة المخنوقة اللى كانت جوايا اتهدت بقه و سكتت
شعور انى داخلة طالبة فى الفرقة الاولى ده بغض النظر عن التريقة اللى اخدتها من اصحابي و على فكرة مقلتش للعائلة الكريمة على الموضوع ده و مش ناوية اقوله الا لما انجح ان شاء الله في اول تيرم عل ىالاوق .. لاني مش عايزة ادخل في موود شدة اعصاب ان الكل منتظر لي عل ىسقطة ليبدأ فى تأنيبي .. انا لما بادخل فى المود الزفت ده ... تلاقيني تنحت و اتلخبطت و كل حاجة ضاعت
جيبت من صديق لي فى سنة اولى برضه كتاب تاريخ الفلسفة اليونانية و بدأت اقرا فيه .. لذيذ جدا .. عارفه اني بحب الفلسفة .. كان اسم شهرتي فى تانية اعدادي افلاطون :) ادعولي بقه بدأ اشوف المنهج من دوقتى عشان امتحانات التيرم بتكون فى يناير و امتحانات الماجستير بتكون فى فبراير
محدش يقولى كده بتشتتى نفسك.. انا الحمد لله هارد ووركر .. ولما بتكون نفسيتى مستريحة من جميع الناوحي .. بيكون ادائى افضل رغم ان العكس هو اللى بيكون الكل منتظره
اشبعت رغبتي فى كلا الناحتين فى نفسي .. العملية و الفكرية
المهم بقه.. ادعولي .. لاني عارفه اني اخترت الطريق الصعب الى حد ما
بس ان شاء الله أدها
الكلام لسه مش خلص .. بس مفترض ادخل اتنيل انام عشان المخروبة الشركة بكره
تحياتي

17 comments:

الطائر الحزين said...

الله عليكى وعلى همتك العالية وعلى سبر اغوار نفسك وتحديدك لاجتياجاتك النفسية

ربنا يعزك ويوفقك

اما موضوع ادارة الجودة اعتقد انها اسطمبات موضوعه وليس لها مقاييس وكله بيمشى بالفلوس ربنا ييسر ويكون على ايدك صحوة

اعزك الله مرة اخرى

رمضان كريم

تحياتى

ادم المصري said...

برافو عليكي يا ايمان
.
.
دلوقتي انا فرحان جدا بجد
لاني كنت عارف انتي قد ايه تعبانة
.
.
.
طبعا انتي م النوع اللي ما ينفعشي معاه ش حيلك والكلام الفاضي دا
لاني عارف انك متجاوزة الكلام دا بمراحل
.
.
انتي حد عبقري فعلا
صدقيني انا بافخر اني قابلت حد زيك في حياتي
.
.
بما انه لامفر
عمالين ندي نصايح واحنا ماليانين عيوب
.
.
عايزك تنسلخي من الوسط المحيط وتحاولي تعملي لنفسك محيطك الخاص
لايهمك كلام ناس ولا كلامك اصدقاء ولا حتي اهلك اللي احيانا بتكون نظرتهم تحت رجليهم
.
.
.
انا عارف انك عنيدة .. كملي وعلي بركة الله
سيري يا نورماندي سيري
.
.
بجد والله باعيلك من كل قلبي
تحياتي والسلام

Sharm said...

Hi there,

You are chosen to represent your country in the first international blog
WUB (World United Bloggers)

The aim of this blog is to prove to the world that differences in language, religion,race and nationality do not make us hate each other and we can make this world better if we express our opinions with respect to others.

If you agree to join us please send e-mail with your nick name , age , country and your blog address to sharm_lover@hotmail.com where you will be sent an activation mail which makes you entitled to contribute in WUB, your name as one of the contributor will automatically be updated.Please read the rules before you start any posting in WUB where you will also find the aims of this WUB.

Thanks
Chief WUB,


Sharm .

www.worldub.blogspot.com

AmR said...

ألف مبروك إيمان .
:)

كل عام وانت بخير

جميله بو حريد said...

ازيك يا دكتورتنا وفيلسوفنا الجامده اوى

وحشانى كتيييييييير كتيييييييييير

انا مبسوطه اوى من كلامك ومبروك على قسم فلسفه انه كسبك ومبروك كمان على الماجستير

ويارب نفسيتك تكوندايما مستريحه وكل سنه وانتى طيبه ياقمر ورمضان مبارك عليكى

نبيه المنسي said...

أعتذر لك أختي إيمان لأنني كنت الأيام الماضية من زوارك الصامتين
أتمنى لك التوفيق في حياتك
المهم أن لا تتوقفي مهما واجهتي من الضغوط
لكن الذي أثار استغرابي هو حاجة واحدة
لماذا انتسبت إلى الفلسفة من جديد
هل العلم لا يأخذ إلا عبر مقررات دراسية وشقاء؟؟
أنا سأنهي الماجستير قريبا إن شاء الله و وأتمنى ان اتخلص من الدكتوراها بسرعه, و واثق أشد الثقة أنني لو قضيت هذه السنين و تفرغت للتحصيل العلمي بمزاجي في نفس التخصص الذي أدرسه نظاميا
لتفوقت و لأبدعت أكثر من وضعي الآن..
إذا كنت ستؤمنين دخلا جيدا من خلال تخصصك الأصلي
أرجوك تفرغي للقراءة بحرية أكبر و اسبحي ببحر الفكر دون الحاجة إلى إذلال جديد في حياة جامعية مقننة!!!
و لو لاحظت ان كثيرا من اامبدعين سواء في العلوم الإنسانية أو في الفلسفة كانوا بعيدين عن دراستها نظاميا
و كثير منهم صاحب تخصص علمي كسيادتك!!!
أتمنى لك التوفيق و أعتذر عن الإطالة
ولكن حسبي انه تعليقي الأول

نبيه said...

نبيه
nbeeh.jeeran.com

Ma-3lina said...

انا تخليت عن البالطو من زمان

ههههههههههههههه


يالا ما علينا

Samorano said...

ارجو الا يكون التخلى عن البلطو الابيض تخلى عن لجنة الشباب بالنقابة فنحن فى حاجه الى الفلسفة و ال H.R

Samer

LAMIA MAHMOUD said...

في الجوووووووووووون

إيمــــان ســعد said...

الطائر الحزين

جزاك الله خيرا كثيرا بجد

:)

و شكرا على ثقتك في

و كل سنة و انت طيب

:)

***

ادم المصري

شوف يا ابنى
انت من الاشخاص اللى بجد انا كمان باقول انى طلعت بهم من فضاء النت

:)

يكفي انك كنت و لا زلت بتهتم بالسؤال عني و اسباب غيبتى

و ربنا يوفقك انت كمان يا ادم

انت عارف انك تستاهل كل خير

عسى ان اراك قريبا

و رمضان كريم

:)

إيمــــان ســعد said...

استاذ شرم

موافقة ان شاء الله على الانضمام

بس مش ح اقدر ابدأ فعليا الا بعد رمضان

انت عارف الوقت بيكون ضيق ازاى

عموما لو كده راسلني

على

free.jabha@gmail.com

تحياتي

و شكرا لاختياركم

****
عمرو العزيز

ربنا يكرمك يا عمرو

و كل سنة و انت طيب

:)

***

جميلة بو حريد

:)

و انتي كمان واحشاني جدا جدا

الا مفيش اخبار عن اسامه ؟

اصله كده مختفي بقاله فترة

المهم انى الحمد لله مستريحة جدا

و رمضان كريم و الله اكرم يا جميلة

ادعيلى انتى بس بالتوفيق

إيمــــان ســعد said...

استاذ نبيه المنسي

اولا مرحبا بك في مدونتى و شكرا لك على تعليقك و اسعادي بزيارة مدونتك
اعجبتني للغاية

و هي اول مدونة اقرأها لشخص سعودي

:)

و اكي لن تكون الاخيرة

انا رديت على تساؤلك فى البوست اللى بعده

:)

و اتمني الا تتوقف عن زيارتنا و التعليق لدينا

تحياتي الخالصة لك

و رمضان كريم

:)


****

إيمــــان ســعد said...

بت يا مرام

اكيد يا بنتى

انتي مثلك الاعلى و حدوتي فى الحياة
قصدى قدوتى

و عاشت مرام

و تحيا مصر

:)

****

سامر

:)

اهلا بيك اولا

ثانيا لا تقلق معاكم ان شاء الله بس مفيش اى نشاط كنت قررت انى اعمله طوال جلسات العلاج الطبيعي

ادعيلى اخر جلسة الثلاثاء

بعدها ممكن نعود للحياة الاجتماعية

:)

سلملي على الكل

و رمضان كريم

****

لمياء

ربنا يكرمك و يوفقك

و مستنية المجموعة بتاعتك

بس عايزاها بالاهداء

:)


رمضان كريم يا جميل

بنت مصر said...

be all u can

بنت مصر said...
This comment has been removed by the author.
Anonymous said...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品

A片,A片,A片下載,做愛,成人電影,.18成人,日本A片,情色小說,情色電影,成人影城,自拍,情色論壇,成人論壇,情色貼圖,情色,免費A片,成人,成人網站,成人圖片,AV女優,成人光碟,色情,色情影片,免費A片下載,SEX,AV,色情網站,本土自拍,性愛,成人影片,情色文學,成人文章,成人圖片區,成人貼圖

情色,AV女優,UT聊天室,聊天室,A片,視訊聊天室

一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載