مش عارفه ليه
رغم كل الضحك
و الاوقات الحلوة
و كل المشاغل
و المشاعر النبيلة
و كل البشر
***
عايزة اعيط
بصوت عالي
*
من غير ما حد يسألني ليه
و لا ايه السبب ؟
من غير ما حد يقولي
خليكي عاقلة
من غير ما حد يحاول
يفهمني سبب عياطي ايه
بس ياخدني في حضنه
و يطبطب علّيا
زي ما حيعمل
مع الطفلة في الصورة ديه
***
يمكن صوت البكا
و شكل الدموع الساقطة من عينيا
يخلوني احسن
***
يمكن روحي مستنية ده من زمان
عشان تستريح
***
يمكن مش لازم افهم اى حاجة
غير انى
*
*
*
*
*
فعلا محتاجة اعيط
20 comments:
يا ليت تجدى من يشعر بك حتى دون بكاء ويذهب هو اليك
اللهم فك كربك
وهمك ويعينك على نفسك
ايه ده كله
امال انا اعمل ايه
ربنا معاك وافكرك لما كتبتيلي تعليق علي البوست بتاع انا مكتئب
وانا هنقلهولك تاني
----------
إيمــــان ســعد said...
مممم
شوف يا سعد
بما ان اللى بتكلمك واحدة شافت كتير ايام خنقة فى حياتها
:)
طبعا كنت باحب اصلى ركعتين كده بليل و ممكن اعيط شوية و اشتكي لربنا كل اللى خانقني
فيه حاجة تانية
ايه اكتر حاجة بتحب تعملها
اعملها
عن نفسي بحب انزل فى الشوارع عندنا فى المعادي و امشى فى شوارع معينة ولو كانت الدنيا حر اوى من اى كولدير و ارش مياه ساقعه على نفسي و اشترى شيكولاته و ايس كريم و اكلها
طبعا ح تقول ايه نظام العيال ده
بس صدقنى اوقات الواحد بيضطر يتعامل مع نفسه زى الطفل الصغير لان كتير النفس مش بتستحمل النصائح و الكلام المنطقي خصوصا فى اوقات الضيق .. تحس انك عايز حد يطبطب عليك و خلاص
هناك فرق كبير اوى بين المفروض اللى يكون و بين الموجود فعلا يا سعد
:)
بعد كده ممكن تجيب ورقة و تكتب اللى انت متضايق منه و بعدين تقطع الورقة او تولعها
و توعد نفسك انك تديها هدنة من كل اللى قارفها لحد ماتهدي و تقدر تناقش معاها كل اللى مضايقها بطريقة عقلانية و توصل لحلول عملية
ده بالنسبة للحاجات اللى فى اديك انك تصلحها
لكن الاشياء الخارجة عن ارادتك
فعليك بالدعاء
اللهم اسألك صبرا جميلا عند مواطن الجزع
:) بحب الدعاء ده
المهم مش تضغط على نفسك
:)
و معلش على الرغي الكتير
تحياتي
--------
تحياتي انا بقي
عيطي
ياريت يا ايمان نلاقى فعلا اللى نترمى فى حضنه ونعيط باعلى صوتنا
اشك فى وجوده انا او اشك فى دموعنا انه اهاتنزل اصلا
ربنا يفك كربك يا ايمان
انا دخلت اهنيك بشهر العباده رمضان
كل عام وانتى بالف صحه
يارب يبلغك اجره ويعوده عليكى بالخير
من رأيى لا يجود احن عليكى من الله
تلجأى اليه وتبكى بين يديه
وخاصه فى هذا الشهر الكريم
ربنا يفك كربك يارب
سمه الحزن مميزه
كل سنه وانتي طيبه
لما تكوني محتاجة تعيطي
عيطي
الهروب الوحيد الممكن من الحزن هو الاستغراق في الحزن
تحياتي لمشاعر مررت بها
برغم الدموع
ياه
كل ده
اسئال الله العظيم لك الصبر وزوال الهم
وتاكدى مما من شى سوا يصيبك الا كان رحمه ومغفره للذنوب
اللهم زيل عنها وارحمها يا رب العالمين
جميل اوي تعليق سعد الشاطر
اللهم نسألك لاختنا صبرا جميلا عند مواطن الجزع
أمين .
اكيد كلنا بندور على فرصة للبكاء لاسباب مختلفة
بعض الناس يبحثون عن مكان يصلح للبكاء فيه او عليه أو حتى إليه، ولكن أنا شخصياً أبحث عن طريقة مختلفة للبكاء ربما مللاً من كل ما مضى وربما حب التغيير حتى في الكآبة
فكري بالبحث عن طريقة مختلفة للبكاء ربما يكون الأمر ألذ قليلاً
!!!!
لك تحياتي
السلام عليكم
البكاء هو من أهم الوسائل التي من الله بها علينا لنرتاح من همومنا ونفرغ ما بداخلنا من انفعالات
كم يستريح المرء عندما يبكي
ويرجع لأيام طفولته الأولي
ويسعد أكثر ان وجد من يضمه
ومن يحتويه
ومع ذلك يا دكتورة ايمان
لا تبكي
عيطي ...
العياط والله احيانا بيكون مهدئ فعاااااااااااااااااااااااااال ...
أوقات كتير يا ايمان باحسدكم علي نعمة العياط دي بمعني ان محدش حيعاتبكم كبنات لو عيطتم البكاء نعمة فعلا
نصيحتي ليكي عيطي من قلبك واغسلي كل همومك وعيطيلي شوية اصلنا صعايدة والعياط للرجالة عيب
الطائر الحزين
:)
لا تقلق فرغت الشحنة العصبية و انا بادعي بعد الصلاة
شكرا على دعائك
:)
تحياتي
***
سعد اخويا
:)
معلش تقريبا اول سنة دراسية بقه و القلق انت برضه سنة اولى زيي و عارف الرهبة و كده
:)
ربنا يفك ضيقتنا كلنا
:)
شكرايا سعد
****
سعد عبيد
لا تقلق عيطت بضمير
:)
تحياتي
****
جميلة بو حريد
بكيت بين يدي الله
:)
هو ارحم بنا من كل البشر
شكرا لاهتمامك يا جميلة
برضه الواد اسامه لسه مختفي
:)
****
ريموووو
عندك حقو عملت بنصيحتك
و جزاك الله خيرا على الدعاء
:)
بجد ربنا يخليكي
*****
محمد مفيد
و انت طيب و ربنا يتقبل منا و منكم صالح الاعمال
****
مادو
الكلمة ده قالها ليا هاني صديق ليا ذات مرة
و لا تقلق متعودة اواجه مش اهرب
*******
محمد العناني
شكرا يا محمد على دعاءك لي
ولك بمثل ما دعوت
:)
و رمضان كريم
*****
الديب
فعلا
اللهم اسالك لنا جميعا صبرا جميلا عند مواطن الجزع
:)
*****
شرم
تعدد الاسباب و النتيجة واحدة
:)
و هو اننا نشغل الغدد الدمعية شوية
******
حائر
:)
حلوة النصيحة ده
خلاص ح اجرب ابكي من غير دموع
يبقى صوت بس من غير صورة
:)
فعلا الملل حتى فى الكابة مش حلو
عندك حق
:)
رمضان كريم
******
النجار
بالعكس
البكاء يطهر الروح و هذا ما اسعى اليه
:)
و لا اخجل من ان امارس ضعفي الانساني يا مصطفي
:)
تحياتي
****
محمد هشام
و لا احسن مهدء دوائي عن تجربة
:)
فعلا تأثيره شنيع
*****
عشقك ندي
البكاء احد مظاهر الضعف الانساني و حق ممارسته مكفول للرجل او المرأة على حد سواء .. لكن المجتمع و سطوة التقاليد
يعاملون الرجل و كأنه آله لا تشعر
:)
تحياتي لك
ربنا بفك عنك ن ابقى عيطى فى السجود
من كان همه الدنيا جعل الله فقره بين عينيه
حديث شريف للرسول الاكرم صلى الله عليه وسلم
وانا كمان
أوي
:(
Post a Comment