Tuesday, May 08, 2007

عايزة أعمل دماااااااغ

أمنية
آه كم أشتهي
عنقود عنب
و حوارا معتقا
في ذهن
بلا براغيث
غادة السمّان
الحر و قرفه بدأ يظهر
مبقتش طايقة نفسي
و عايزة اتخانق مع دبان وشي
كنت عايزة أكتب بوست تاني عن موضوع الفكر و كده
بس تقريبا الناس قربت تخبطني بحاجة
بيقولولي اسلوبي بقه فلسفي و مستفز
:)
فكروني بحجا و ابنه و حماره
المهم بقه
كان فيه تاج من محمد العناني
ح أجاوب عليه بس مش دلوقتي
و خصوصا أنه عايزني أرجع لذكريات طفولتى المشردة
و ده عايزه بوست لوحدها
:)
أنا لما بالاقي نفسي مخنوقة كده
بحب أعمل دماغ
بوسائل خاصة جدا
:)
ح أبقى احكي عليها بعدين
صحيح أسم المدونة الميمونة بقه
ايمان سعد
لاقيت معظم الناس بدأت تقولي يا أم السعد
حسيت انى بقيت بياعة فجل مع أحترامي طبعا للفجل و اللى بيبيعوه
فقلت يلا فضيحة بفضيحة بقه نخليها
ايمان سعد
مشكلة المدونة ده أنها بقت مفضوحة للكل
بطريقة مستفزة
بس ما علينا .. ملحوقة

و الله نفسي أكتب عن حاجات كتير
بس أعمل ايه الصيف هو السبب
تحياتي مؤقتا لحد ما اقدر اظبط نفسي
***
الاغنية اللى موجوده على المدونة حاليا
اسمها ع النظام لزياد رحباني
/////
سلااااام

16 comments:

ادم المصري said...

الف مبروك ع الاسم الجديد
وحمدلله علي سلامتي عندك
.
.
بقالي كتيييييييير ماجتش هنا
والله ليكي واحشه جاااااااامده
.
.
مستني جديدك

Ahmed Ghonimi said...

أحمد غنيمى
انت من اسكندريه يا إيمان?

Guevara said...

اشربى حشيش يا أم السعد
:P
وكملى البحث بتاعك

وأنتى تعملى احلى دماغ

Ma-3lina said...

هههه مالهم بتوع الفجل بس و الله الاسم لايق عليكى مش قصدى حااااجة يعنى

يالا اسم المدونة بقى فضيحة

بس انا كدا اخاف عليكى من الناس اياهم

farafesh said...

بتوع الفجل؟
انتي تيجي ايه جنب بياعة الفجل؟
يا سلام
انتي في صيدله وهي في السوق

تحياتي انتظر جديدك

مـحـمـد مـفـيـد said...

بقالي زمن مش باجي هنا
انا اكيد مقصر
بس بلوجك رائع

شمس الدين said...

الف مبروك علي اسم المدونة الجديدة

بس مش عارفة
خلاص الاسم لزق في اذهان الجماهير و اللي كان كان

بتفكريني لما لثورة حبت تغير اسماء بعض الشوارع ...و الناس ولا عبرتهم و فضلوا بستخدموا الاسم القديم ...
شارع 26 يوليو اسمة شارع فؤاد

و شارع الورشة اسمة شارع الشهيد محمد لطفي السقا

وشارع الهرم اسمة شارع الاهرام

و حاجات كتيرة لو عددتلك اسمائها هتصعقي

"لقد حفر اسم ام السعد في اذهان الجماهير و اتهي الامر !!!"

خالص تيحاتي ليكي ايا كان اسم المدونة

khaled said...

هههههههههههه
كده احسن صح من حكاية ام السعد دى
بس ام السعد دى اصلا داية
انا جبت سيرتها مرة فى الموضوع ده

اااااااااه

بس هانستنى الحر اما يخلص علشان تكتبى بوست جديد و الا ايه؟
:)

MaMaDo said...

يا بائع الفجل بالمليم واحدة كم للعيال و كم للمجلس البلدي
مع تحيات بيرم التونسي

REEMOO said...

لا كده بتوع الفجل يزعلو منك
وبعدين مش هتلاقيه
:)))))
خلى بالك مفيش حاجه بتستخبى اليومين دول
:D
حلو الاسم الجديد
مبروك
يا بنت سعد :)
تحياتى

مركب ورق فى البحر said...

ألف مبروك على الاسم الجديد
مع انى معاصرتش القديم
بس انا عارفة سبب الحالة اللى انتى فيها دلوقتى دى
هيا كلية صيدلة المستفزة

Anonymous said...

Hello Iman how are you? it is a lon time that we talk to each other. It is verey hot in egypt but in Holland it is cold windy and it is raining the whole time. give us some hot weather from egypt. Have a nice day

SHERIF

بنى آدم said...

مبروك على الاسم الجديد
:) يللا عايزين نيو لوك بقى للمدونة
وبخصوص موضوع الدماغ : ثبت علميا إن أكتر حاجة بتعمل دماغ في بلدنا هي xanax 0.5

بنـت ســعد said...

أدم

حمدلله على السلامة

فينكيا راجل يا طيب

مش تغيب عن المدونة تانى

:)

تحياتي

أحمد غنيمي

للاسف انا مش من اسكندرية

:)

بس اطمن انا من مصر

تحياتي

جيفارا العزيز

أنت تؤمر يا باشا

ركز انت بس فى المذاكرة الله يكرمك

:)

تحياتي

بنـت ســعد said...

ما علينا

و انتى لسه ح تخافي
تصدقي معندكيش دم

:)

عموما خافي اكتر

يلا ان شاء الله ما حد حوش يا ختى

تحياتي

*****

فرافيش

قشطة جدا

انت كده فهمت النظرية

كل واحد لا مؤاخذة متميز في مجاله يا باشا

:)

تحياتي

****
محمد مفيد

:)

غيبتك طولت فعلا

:( و شكرا فيها غرامة تأخير

:)

و غرامة عشان وقفت فى الممنوع كذلك

تحياتي و لا تغيب طويلا

*****

شمس الدين

ماشي يا ختى نجيب مزيل للغراء

:)

ده احنا بتو صيدلة و الاجر على الله

:)

ان شاء الله نعمل حاجة تساعد على الزهايمر

و الناس تنسي الاسم و يا درا ما دخلك شر

تحياتي يا حاجة

****

خالد

قرأت البوست بتاع ام السعد

:)))))

ماشى يا كبير

عموما اكمن مش ح اقدر استنى كتير عقبال ما اقرفكم ببوست جديد

:)

تحياتي

****

بنـت ســعد said...

محمد

ايه الابداعات ده كلها

:))

لا كده كتيييير عليا

بصراحة جاللى صرع

:)

تحياتي

******

ريمووووو

قشطات يا جميلة

:)

ح نحاسب عل ىزعل بياعين الفجل والجرجير كمان لانى بأحبه

:)

بس مش عايزة خيانة و حد في السوق يعرف
:)))

تحياتي

*****

مركب ورق فى البحر

شوفي انتى كده فقستى النظرية

هى صيدلة حسبي الله و نعم الوكيل فيها

عقبال ما تتخرجي عل ىخير منها يا باشا

:)

بس قوليلى حجم الخسائر

بعد الشر طبعا

:)

تحياتي

*******

شريف

انت بتذلني بجو هولندا

:(((

طب ما احنا عندنا تكييف فى اوضتنا

:((

و مروحة كمان

:(((

و الدنيا مطرت لمدة 5 دقايق من كام يوم

:((((

ناقص ايه

:)

ان الشمس ترحما شوية و تزوكم حبة كده

قريبا و ربنا قادر على كل شئ

:)

تحياتي اليك فى ارض الطواحين

:)

*****

بني اااااااادم

فينكيا راجل

ايه يا عم المهم ابو 15 ساعة شغل فى اليوم

:))

بطل مادية بقه

ارحم نفسك

اقعد حوش في الفلوس وانت بقيت شبه البخيل و انا

:))

تحياتي لك فى شيك ب 15 جنيه