Tuesday, June 26, 2007

لــولا وجودهم في حيـاتي



طيري طيري يا عصفورة


أنا مثلك حلوة صغيورة


****

أسمعها و اتذكره
كان يحب أن يسمعها على البلوج


لابتسم
فأخبره صدقا أنه يملك


****

كنت اريد أن اكتب هذا البوست عن شخصية فريدة
بمناسبة التجديد الحادث للمدونة
لكننى احببت ان اتكلم عن كل الذين أثّروا فيّ
كل الذين وقفوا بجانبي
و تعلمت منهم
و فرحت معهم
و عشنا سويا مزيج من لحظات السعادة و الألم
عن كل هؤلاء
عن اصدق أصدقائي
الذين مهما تباعدنا في عمر الزمن
لنتقابل و لو صدفة مرة اخرى
تتساقط بيننا السنون المنقضية في الفراق في لحظات
كأن لم تكن
فتذروها رياح الشوق
و نعود كأننا كنا معا بالامس القريب
نعود كما الوريقات الخضراء تنبت رغم زحف الخريف
و تعود ضحكاتنا تجلجل كموسيقى آتية من الزمن الجميل
*****
كم من مرة وقف كلا منهم بجانبي
كم من مرة وجدت احدهم عندما تخاذل الكثيرون عني
كم من مرة تألموا لوجود دموع في عيني
كم من مرة شعرت بأنهم على استعداد لفعل أى شئ
لاعادة البسمات الى وجهي
*****
في الشدائد يظهر معدن الرجال
و هؤلاء أيقنت انهم من معدن اصيل حقا
معدن لا يقوى الزمن على التأثير فيه
****
كنت أحيانا اغضب من احدهم أو اعتب عليه
و لكني أكون على يقين بأنها بعضة ايام
و ستعود المياه الى مجاريها
شعورا جميل حقا
أن تكون موقنا أن الصداقة بينكما
أقوى من أن تهزها نوبات غضب عابرة
شعور بالحماية
أنه مهما حدث
ستكون هذه الشخصيات هى اول من تقف بجانبك
******
فأما بنعمة ربك فحدّث
أحدثكم عن اصدقائي
******
القلب الابيض الكبير الذي يفتح ابوابه لي عندما تغلق جميع الابواب في وجهي
ص / مرام
مزيج من العقل و الحكمة و الهدوء الذي يسبق العاصفة
ص / نهى
الابتسامة الدائمة ... أشعرها ملاك يسير على قدمين
ص / آية
ذات الضحكات الرائعة التي تنسيني معها همومي
ص / أميرة
رفيق الكفاح و الأحلام و التعب و صديق العمر
ص / عبد الله
قريني الروحي و البلسم الخاص لشفائي
د . اسامه
قريني الفكري ذو الروح الفائرة و القلب العجوز
د . احمد
الاخ الذي لم يخذلني و لم يغضبني ابدا
ص / م . عبد الحميد
الفيلسوف الذي يسعدني دوما سماع صوته و نقاشه مهما أختلفنا
ص / عامر
صديقي الطفل اللدود الذي يعتقد دائما اننى لست كباقي الآخريات فلا يعاملني مثلهن
ص / م . عطية
الصديق و الابن الذي لم ألده.. يشعرني بأني مرفأه عندما يعتريه الغرق
ص / حازم
من شعرت بالخجل بسببه من شدة أدبه و اخلاصه في عمله و تقديره لي
ص / حسام
الذي غيّر مجرى حياتي الى الأبد
م / احمد
*******
لولاهم جميعا
بعد الله سبحانه و تعالى
لفقدت حياتي الكثير من معانيها
فشكرا لهم
و لكل منهم اتمنى التوفيق دائما و أبدا
و ان يذكرني ان لم نظل على اتصال و فرقتنا مشاغل الحياة
كما أحب ان يراني
يذكر اللحظات الرائعة و يسقط من ثقوب ذاكرته لحظات الالم
فالحياة أمست لا تحتمل مزيدا من الاحزان
****



24 comments:

mo'men mohamed said...

من الجميل أن يجد الإنسان حوله من يحي ومنه يسعى لسعادته
هذا شىء ممتع
السلام عليكم

Ma-3lina said...

انا اسمى مكتوووووووووووب طيب

هههههههه

بما اننا فى عصر الماديات و انا راس مالية زى ما بتقولى فانى و من موقعى هذا اطالب بحقى

فلوس باه , عزومة ,كل اللى يجى منك كويس

بس ايه التمبليت الجديد الجامد ده مين اللى عملهولك هه؟؟؟

eldoctor said...

مبروك التصميم الجديد للمدونة

Anonymous said...

اخيرا

الف الف مبروك علي التصميم دا

اخيرا ابيض مش اسود
دا مؤشر طيب لبداية جديدة

و كويس انك عرفتي ان الحياة مش ناقصها احزان ... و كويس ان ربنا حباكي بمجموعة رائعة من هذه الشخصيات... ادام الله عليك نعمة الوصال بهم.. و الذين تفرقت بهم السبل ربنا يوفقهم في حياتهم و يمشوا في المشوار اللي هما اختاروة

عش ما عشت فانك ميت و احبب من شئت فانك مفارق


عجبني كمان دقتك في اختيار التمييز لكل شخصية ... مش حتي السواق يبقي باشمهندز ;)

اعتقد ان دي ايمان نيو لوك ... ربنا يديم اللوك الجديد دا و يكون لوك من برا زي ما هو من جوا


مش همضي و لو عرفتيني كان بها معرفتنيش مش مهم !

mohamed gado said...

اولا الف مبروك ع التصميم الجميل ده
وربنا يخليلك كل الناس اللى انتى بتحبيهم
وتحياتى

إيمــــان ســعد said...

مؤمن

فعلا و الله

الحمد لله على نعمه

شكرا لمرورك

*****

ما علينا


اهااا

يا رأسمالية

انا بقه م ن البروليتاريا و معنديش حاجة اديهالك

:)))

و بعدين اللى عمل التصميم ده

واحدة كده اتفقت معاها تعمله و اديتها اللى فيه النصيب

:)

تحبي اقولها تغيرلك شكل بلوجك

ههههههههههه


سلام يا ختى

إيمــــان ســعد said...

الدكتور

الله يبارك فيك

خلينا فى الفاتح شوية

تحياتي

****

ايوه يا دوك

انت عارفني لماحة

:)

و بعدين

اطمن هي فعلا نيو لوك

يعنى حطيت كلمة النهاية و رميت الكشكول و جبت واحد جديد تماما

و بسم الله الرحمن الرحيم و من اول السطر

بس النيو لوك ده ح يطلع عليك ان شاء الله عشان اللى اختشوا ماتوا و جثثهم اتعفنت

تحياتي يا بتاع الجزارة

:)

******

محمد جادو

الله يبارك فيك

و الله مامين على دعاءك الجميل

شكرا لمرورك

تحياتي

ابراهيم عز الدين said...

بجد ان عايز احسدك علي كل اصدقائك ولازم تحافظي عليهم لان الصداقة شي مهم

كبير المتشردين said...

عارفة يا ايمان اني دي تالت مرة اقري البوست وكل مرة ادور علي اسمي
مبروك يا ستي علي النيو لوك ويارب دايما انتي واصحابك مع بعض ويحبب فيكي خلقه

علاء said...

ايمان أنا محتاج رأيك بخصوص الموضوع ده

تجمع مدوني مصر .. حقيقة قابلة للتنفيذ أم حلم بعيد عن الواقع

إيمــــان ســعد said...

ابراهيم

:)

فأما بنعمة ربك بحدّث

ربنا يخليهوملى

تحياتي

إيمــــان ســعد said...

كبير المتشردين

:)

اولا مكانتك عندي محفوظة يا عزيزى

بس دول اصدقاء الكلية

لهم منزلة اخرى عندي

:)

اياك تكون فهمت حاجة تانية

تحياتي لك و طمني عليك

إيمــــان ســعد said...

علاء

انتظر ردي قريبا

تحياتي

Hosam said...

عزيزتى
يا بختك كل دول اصدقاء
بس للاسف بدل كتير اوى كده يبقا مش اصدقاء الصداقه كلمه بتتقال على كتير بس ساعه المواقف والشدائد بنعرف مين الصديق ومين وهم اسمه صديق
بس كويس انك بتشوفى الحاجات الحلوه من الناس وبتحسى بيها يا بختهم بيكى
سلاااام

محمد العنانى said...

أمست لا تحتمل مزيدا من الاحزان
بجانب هذه المقول الرائع ااهنئكعلى النيو لوك
واهم شى انو ابيض يمحلى الدنيا وهى بيضاء
الف الف مبروووووك
تحياتى

mariam said...

حاجه حلوه فعلا انك تلاقى حد جنبك
و خاصة وقت حاجتك لهم بجوارك
تحياتى

إيمــــان ســعد said...

حسام

فعلا بحب انظر لنصف الكوب المملوء ولا ابحث عن العيوب بعدسة مكبرة فى الاشخاص و خصوصا القريبين مني

تحياتي

****

محمد العناني

:)

الله يبارك فيك

فعلا هى امست لا تحتمل مزيدا من الاحزان


تحياتي

****

مريم

فعلا صدقت

شعور رائع بجد

ربنا يخليهوملى

تحياتي

soosa el-mafroosa said...

مبروك على النيولوك

ان شاء الله دائما في تقدم

تحياتي

عشقك ندي said...

مبروك الشكل الجديد
وربنا يخليلك اصدقائكاللي اصبحوا شيء نادر جدا في تلك الايام اللي ما يعلم بيها الا ربنا
بس انا مؤمن ان الانسان الذي يملك صداقات حقيقية هو اكيد شخص مميز ونقي لأن الصداقة علاقة تبادلية تفاعلية ودي انتوا اشطر في شرحها يا بتوع الطب يعني هات وخد واللي مابيعرفش يدي عمره ما حياخد ابدا
ربنا يحفظلك تلك الكنوز الثمينة التي لا تقدر بكل كنوز العالم

AmR said...

أنا إسمي مش مكتوب
:(

دماغ ماك said...

asef enny mazortekesh ba2aly keter bas kan 3andy zerof we es2aly so7abna...matez3alesh menny ba2a
shakl el modana e geded da gamed awy we hady kaman
eb3ately rakamek 3alashan kol el arkam etmasa7et men 3andy

sokoothansawat said...

ياااااااه...هو لسة فيه حد وفي لأصدقاؤة...!!!!
زمان قالوا ان المستحيلات ثلاث...الغول والنقاء والخل الوفي...لكن بسم الله ماشاء الله..انت عملتي المستحيل ولقيتي الخل الوفي..ربنا يباركلك في اصدقائك..ويجمعوا دائما على خير و طاعة يا رب..

إيمــــان ســعد said...

سوسة

الله يبارك فيكي يا جميل

و ابقى عدي علينا
:)

تحياتي


****

عشقك ندى

جزاك الله خيرا على دعائك

و لك بمثل ما دعوت

:)

الصداقة انها طريق رايح جاى
مش one way

تحياتي

****

عمرو العزيز

رائجع اللى كتبته لكبير المتشردين

:)

دول اصدقاء الكلية

:)

انا مقسمة اصحابي ال ىفئات

مش جيبت سيرة اصحاب النت بمكانتهم فى قلبي

بس انتظر بوست قريب عنهم

:)

و مبروك الاجازة

*****

إيمــــان ســعد said...

دماغ ماك

انت فينك يا راجل

على فكرة انا مفهمتش اخر بوست عندك

:)

سيبتلك رقم موبايلى فى اوف لاين مسج
مش تضيعه تانى

و عايزة اعرف الظروف ده بقه يا رب تكون خير

:)

اشوفك على خير

******

sokoothansawat

:)

لا اطمن الحمد لله فيه

امال كنا ح نقدر نعيش ازاى من غير اصدقاء

:)

و لك بمثل ما دعوت

ربنا يكرمك

**

تحياتي