Friday, June 01, 2007

وطـــن هذا... أم منفـى للأحـــلام ؟

أول بوست في شهر يونيو
كنت أريد أن اكتب شيئا أكثر بهجة
لكن
الاماني تبعرث بعدما تلقيت مكالمة من أحد اصدقائي

و كان فيها الآتي
***
ملحوظة لابد منها قبل قرآءة البوست
من يقرأ هذا البوست و يستنتج استنتاجا عبقريا
بأني لا اعيش فى الواقع او اننى حالمة
عذرا .. لست أدعّي انى كذلك
عاقلة جدا في قراراتي و لكن هذا لا يمنع
من أن يبدى قلبي اعتراضه من قسوة هذه القرارات
رغم ثقتى و ثقته ان هذا لن يبدل في الامر شيئا
******
هو : سلام عليكم ازيك يا ايمان
انا : ازيك يا ابنى فينك فى الدنيا
هو : انتى اللى فينك
انا : موجودة و الله بس انت عارفني لما بادخل فى مود اكتئاب بأتقوقع شوية
أخبار الدنيا معاك ايه فى الصيدليتن اللى بتشتغل فيهم ؟
هو : اهو مفحوت يا ايمان فيه ايام كنت باشتغل حوالى 20 ساعة
انا : يااااااه ربنا يعينك يا ابنى .. انا اساسا باكون عاصرة على نفسي طن لمون و انا نازلة .. انتى عارفنى مبحبش الشغلانة ده من اساسه
هو : فيه شركة سفر كلموني و عايزني اروح اعمل انتر فيو
انا : تسافر فين ؟؟؟؟
هو : السعودية اشتغل فى سلسلة من سلاسل الصيدليات هناك
انا : نعم !!!!! أنت يا ابنى ده انت كنت اخر واحد بتفكر فى الموضوع ده
هو : اعمل ايه يا ايمان ما انتى شايفة الحالة و بينى و بينك فيه كده واحدة و يعني حاسس ان ممكن يبقى نصيبي معاها و عايز لو سافرت افاتحها و اتقدم لاهلها .. و ممكن بعدها اسافر كام سنة لحد ما اجمع فلوس و ارجع .. محدش غاوي بهدلة
انا : مش عارفه اقولك ايه يا محمد انا زعلانة و في نفس الوقت عايزة تعمل اللى فيه مصلحتك
هو : تعرفي ده عصمت كمان بيشوف سفر بس عايز يروح على شركة أدوية يشتغل ميدكال ريب و مصطفى جاله عقد شغل صيدلى فى اكبر سلسلة صيدليات فى السعودية و ح اقول لعامر عشان لو عايز يروح يقدم السي في بتاعته هو كمان و برضه الواد معتز ح اقوله على الموضوع
انا : ايييييييه كل دول .. ده كل الشلة ح تخلع على الخليج ولا ايه
هو : انتى شايفة حل تانى قدامنا
انا : لا يا محمد .. هو بس انت عارف مش متخيلة اجي يوم الاقي كل واحد في بلد و مش عارفين نجيب بعض
هو : اديني ح اعمل استخارة و ربك يسهلها
انا : متشوفلي سفرية انا كمان يا عم
هو : ههههههه كان على عينى يا بنتى المشكلة انك تشريحيا بنت
انا : لا يا خويا .. كده كده انت عارفني مش عايزة اسافر الخليج من اساسه .. انا عايزة اوروبا أو كندا
هو : و ماله يا حاجة هى الاحلام بفلوس
انا : لا مش بفلوس بس ربنا يستر و الواحد يعرف يحلم بعد كده ....يلا ح اسيبك بقه يا باشا و ابقى طمني على اخر التطورات
هو : حاضر يا ستى و ابقى بس ردي على التليفون و مش تطنشي
انا : عيب عليك يا كبير يلا سلام عليكم
هو : و عليكم السلام

حكاية تتشابه مع حكايات كثيرة سمعتها من اصدقائي الشباب
أو من صديقة مخطوبة لشاب حديث التخرج
او عن أخ لاحدي الزميلات
مكررة بحذافيرها
الكل يهرب رغم عنه من هذا الجحيم
من منفى الاحلام
يبحث عن احلامه خارج الحدود
ربما يعثر عليها قبلما تتلاشى نهائيا
***
تذكرت وقتما علمت بسفر زميل لنا
كنا فى البكالوريوس و هو يسبقنا بعام
دمعت عيناي و بكيت و نحن نودعه
حزنا على حال بلد ينزف خيرة ابنائه و شبابه
منذ اكثر من ثلاثين عام و النزف مستمر
ربما يظل ينزف حتى الموت
أو ربما نستطيع بمعجزة ان نوقف النزيف
و لكن متى ؟؟؟
******
يسقـــــــط الوطــن
______
يسقط الوطن
أبي الوطن
أمي الوطن
رائدناً حب الوطن
نموت كي يحيا الوطن
يا سيدي انفلقت حتى لم يعد
للفلق في رأسي وطن
ولم يعد لدى الوطن
من وطن يؤويه في هذا الوطن
أي وطن؟
الوطن المنفي.
.أم الوطن؟
!أم الرهين الممتهن؟
أم سجننا المسجون خارج الزمن ؟
!نموت كي يحيا الوطن
كيف يموت ميت ؟
وكيف يحيا من أندفن ؟
!نموت كي يحيا الوطن
كلا .. سلمت للوطن !خذه
.. وأعطني بهصوتاً أسميه الوطن
ثقباً بلا شمع أسميه الوطن
قطرة أحساس أسميها الوطن
كسرة تفكير بلا خوف أسميها الوطن
يا سيدي خذه بلا شيء
فقط خلصني من هذا الوطن
* * *
أبي الوطن
أمي الوطن
أنت يتيم أبشع اليتم إذن
ابي الوطن
أمي الوطن
لا أمك أحتوتك بالحضن
ولا أبوك حن!
ابي الوطن
أمي الوطن
أبوك ملعون
وملعون أبو هذا الوطن!
نموت كي يحيا الوطن
***
يحيا لمن ؟لابن زنى يهتكه
.. ثم يقاضيه الثمن ؟!
لمن؟لإثنين وعشرين وباء مزمناً
لمن؟لإثنين وعشرين لقيطاً
يتهمون الله بالكفر وإشعال الفتن
ويختمون بيته بالشمع
حتى يرعوي عن غيه
ويطلب الغفران من عند الوثن؟
!تف على هذا الوطن!
وألف تف مرة أخرى!
على هذا الوطن
من عندنا يبقى التراب والعفن
****
نحن الوطن !
من بعدنا تبقى الدواب والدمن
نحن الوطن !
إن لم يكن بنا كريماً آمناً
ولم يكن محتوماً
ولم يكن حُراً فلا عشنا
.. ولا عاش الوطن!
***
أحمد مطر

13 comments:

دماغ ماك said...

ba2aly keter ma aretlekesh
bas enty a7san kol mara
take care

Reemo said...

للاسف ان ده حال البلد
الشاب اللى عايز يعمل مستقبل صعب اوى يعرف يعمله هنا
فئه محدده بس هى اللى بتقدر تعمل حاجه جوه البلد
أما اغلب الشباب علشان يعمل قرشين ويقدر يكون مستقبله لازم يسافر بره
علشان فرق العمله هيساعده فى التحويش والفلوس هتساعده فى انه يتجوز ويفتح بيت ده اقل حاجه ولو كمل هناك هيقدر كمان لما يرجع يفتح المشروع اللى يكمل بيه حياته
هو ده مجتمعنا وهى دى طبيعه بلدنا
مفيش منها مفر للاسف
--------
اتمنى تكونى بخير
تحياتى

Ma 3lina said...

اه يا بلد متزعليش يا ايمو هوا حال الدنيا كدا

وبعدين كلها كام سنة بس يبنوا مستقبلهم و يرجعوا ان شاء الله

و بعدين معلش يعنى هوا ايه الوطن دا ؟؟؟ اول مرة اسمع الكلمة دى

عشقك ندي said...

للاسف هي دي مصر المصيبة انهم -اقصد اولي الامر -مش عايزين يفضل فيها حد بيفهم نعمل ايه
انا كمان بافكر اسافر رغم الجواز والولاد بس حال الدنيا علي رأيك ورأي الكل هنا
ربنا يستر عليكي يا مصر

سكوت هنصوت said...

المشكلة يا ايمان ان مصر دي عملة زي صندوق زبالة كبييييير قوي....ساعات بنلاقي جوا الزبالة...نفائس..انسيال واقع من ست غنية ومخدتش بالها..حتت الماظ من خاتم سوليتير...لكن كل الكنوز دي حواليها قزازة زيت معفنة..وبيض مقلي بالدبان...و دايبرز عيال...بمعنى تاني...مش ممكن الدهب يلمع جوا الزبالة..لازم يتاخد يتنضف و يتلمع عشان تشوفي بريقة عامل ازاي...شباب مصر هما الالماظ...لو فضلوا في الزبالة هيعفنوا...يبقى لازم يشوفوا الي يلمعهم...السؤال بقى يا ترى السعودية صفيحة زبالة اكتر ولا فرصة حقيقية للظهرو؟؟

تحياتي

Unknown said...

جيتى ع الجرح يا إيمان

جرح الغربة

اللى بيسافر بيتغرب وبيسيب اللى يعرفوه هنا فى غربة بردو

زى ما منير بيقول

غربة جوا الوطن والحلم يصبح وطن

كله بيجرى ورا احلامه وسايب وراه احلام اكبر فى بلده

:(

الحمد لله على كل حال

Anonymous said...

متزعليش نفسك يا أجمل ايمان
والله بكرة ليبقى أحسن

(:

تحياتشى

جميله بو حريد said...

يا ايمان مش كل اللى قاعدين فى البلد بيحبوها ومش كل اللى هاجروا مش طليقينه السفر كتير بيبقى حل عشان نخلق حياه تعذر وجودها فى بلدنا الافضل اصنع لنفسى جناحات بره بلدى بدل ما اعيش زى الفار فى بلدى
ومش معنى كلامى ان الغربه ممتعه لكن حل صعب لا يقوى عليه الكتير

فيه فجر قادم وان طال انتظاره

رجل من غمار الموالى said...

ربنا يصبرنا على الغربة ..
عندما يحاول الأخرون جاهدين أن يجعلوا تدور فى فلكهم وتتطبع بطباعهم
يبثون فيك أننا هنا فقط لجمع أكبر قدر من المال فى أقل وقت
...وتكتشف بعد قليل أنهم عاشوا الغربة حتى صارت الغربة حياة
وما عادوا يستطيعون الرجوع للوطن..
عندما تلقى رجالا شيوخا ..يهينون أنفسهم وكرامتهم ..من أجل المال
عندما تسمع رجل يحدثك بمرارة ..أنهم لا يحترموننا مهما عملنا لهم
ولا يثقون بنا مهما طالت فترتنا معهم ..
يعتقدون أننا نريد منهم المال فقط ..

عندما ترى بناتا ونساءا ..من بنى وطنك ..متغربات ..من أجل المال ..
...........عندما تنكسر روحك ....
أنت غريب .
........

إيمــــان ســعد said...

ماك

مش تغيب عن المدونة تانى

و خد بالك يا ابنى انت من نفسك

:)
تحياتي
****

ريمووو الجميلة

اكيد لازم نقر بالمشكلة ده

بس زى ما قلت ده مشاعر قلبية ملهاش علاقة بالكلام العقلاني البحت

:)

اطمنى انا الحمد لله احسن كتير

تحياتي

******

ما علينا

يا ختى انا خايفة لاحسن اللى يسافر مريجعش زى امثلة كتير قدامي

او يرجعوا و اكون انا سافرت

يلا خير

ح تلاقى كلمة وطن على وزن كلمة محن عندك

:)

تحياتي

إيمــــان ســعد said...

عشقك ندى

انت كمان ح تسافر

او بتفكر تسافر

بينى وبينك كلمة البلد ده متستاهلش بقت تيجي على بالى اليومين دول

تحياتي

****

سوكو

:) معلش اختصرت الاسم بالعربي

اكيد محدش بيحب اساسا يدور فى الزبالة

:)

عندك حق فى مسألة التعفن فى البلد

مش باقولك

نموت لاجل ابن زنى يهتكه
ثم يقاضيه الثمن ؟

حسبي الله و نعم الوكيل

تحياتي

****

انسانه

غربة جوا الوطن والحلم يصبح وطن

صعبة اوى الجملة ده

الغريب في وطنه

تعرفي انا اعرف واحد كده

و عايز يهاجر عند اول فرصه بلا رجعه

فقد الاحساس بمعنى الوطن او الانتماء ..

الانتماء عنده للبلد اللى تحترم ادميته

انا عاذراه صراحة

تحياتي


*****

العزيز المجهول

سيبك انت

بحب الناس الى عندهم ثقة و امل ان بكره يبقى احسن

ما تصدر لي شوية

:)

تحياتي

*****

إيمــــان ســعد said...

جميلة بو حريد

كلامك صح و فى الجوون

انا عن نفسي عايزة اسافر بس ارجع تانى

اسافر ابقى اقوى و ارجع بقه اعرف اعمل حاجة للبلد ان شاء الله

لو ربنا ادانى ما يكفي من العمر يعني

تحياتي

****

رجل من غمار الموالي

:)

اخبارك ايه فى المنفى
قصدى فى السعودية

:(

عندما تنكسر روحك فأنت غريب

هذا يسهل فهمه عندما يكون الانسان خارج حدود وطنه

و لكن كيف يعقل ان يكون معظم افراد الشعب الان فى مصر بداخلهم هذا الشعور القاتل

انكسار الروح

بل تفتتها ايضا

تحياتي و اعانك الله على قسوة الغربة

محمد السيد..مش حاسكت said...

وطن هذا أم منفي للأحلام ....

عنوانك صعب أوي .. ليه كده بس؟؟

قد ترفض..تصرخ..تئن..تتوجع ... ولكنه قدرك ...
- أنت المصاب بحب هذا الوطن ... أنت المصاب بداء العشق ... أنت المصاب بمرض لا شفاء له .... بحالة الهيام الأبدية ... أنت المحب والعاشق والولهان ... أنت الهائم علي وجهك في البرية ... أنت الصارخ في وجه الظلمة ... أنت الرافع صوتك ضد الظلم وضد السجن وضد الحبس ....

مع أمل دنقل في ذكراه تردد ..... "أنت فارس هذا الزمان الوحيد وسواك المسوخ ...."